大家來猜學校

chanpa

文章日期：2009年8月30日

【明報專訊】梁太的女兒好動自信，從前在一間屋幼兒園讀書，升小考進了沙田區一間直資新校後，卻終日愁眉苦臉，開學後不久便轉校，三顧草廬下終於獲得名校學位。
女兒梁言初時循計分辦法報讀傳統名校瑪利諾神父教會學校，但梁家沒有宗教信仰，家裏又沒其他兄弟姊妹，所得的分數甚低，最後被摒諸門外。梁太便替女兒報讀直資學校。
直資校長「似買衫sell客」
出席了三數間學校的簡介會，選定目標，最後發現揀錯學校後，梁太得出以下結論：「別盡信學校座談會，它只可以為你提供學校的資料。如果校長sell得好，你便會信了他。就像走進時裝店買衫一樣，你試了數件後，售貨員說你穿紅色最好看，但當你回家照照鏡子，發現皮膚很黃，根本穿不下紅色。」
因為已獲直資學校取錄，故不可參加俗稱「大抽獎」的統一派位，「校長的口才很好，誰知到了9月開學時他便離職了，想不到人事變動得這麼快」。開學不久梁太發現學校不適合女兒。從前女兒放學回家後有很多分享，但升小後對校園生活不願多談。直至有一天，女兒哭說：「媽咪我很不開心。」原來，女兒在學校受到排擠，梁太也不認同老師的處理方法，以及學校的教學法，決定替女兒轉校。
不滿教學轉讀傳統名校
這次，她到處向朋友打探，希望能轉到德望學校（小學部）讀書。在11月中途插班，並不容易，她說全憑誠意打動了校長，她跟校長前後見了三次面。
第一次，她和丈夫一同見校長；第二次，女兒一起前來面見，但情讓梁太呆在當場。梁太當時對校長說：「女兒不是讀名牌幼稚園，但我們不是沒有質素的父母，因為幼兒園的老師很疼惜女兒，我們不是想揀一間名牌學校，而是想揀一間老師會愛惜孩子的學校。」校長問女兒想不想轉校？梁言卻一口拒絕：「我不轉校，你間學校我不會讀的。」原來事前媽媽沒告訴女兒要面試，小小年紀的梁言毫無心理準備，一時恐慌下說出這番話。梁太驚魂未定，「校長說尊重孩子的決定，不會收她」。
回家後，女兒解釋原委。梁太便對女兒說：「與其不開心，不如轉校，媽媽不要求你好出色，只想你開心。」梁言聽罷自發地寫了一封道歉信給校長，梁太也同時寫了一封，希望校長多給一次機會。第三次見校長後，女兒終於考入這間學校。
默書捧蛋激發鬥心
成功轉校，沒想到梁言卻即時遇上了挫敗。梁太說：「我估不到其他同學早在讀K3時已學習小一的內容，女兒當時只會寫『天』、『地』這些字，結果默書拿了零分，她望『零』字，還問同學這是什麼字。女兒說她不是不想讀，而是真的不明，老師晚上打電話來，我的心也碎了。」
一時的挫敗卻激發了孩子的奮鬥心，哭過後，梁言對媽媽說：「媽媽！你可不可以幫我？」結果，梁太和女兒一起走過這條艱辛路，「我和她一齊溫習，一齊背誦，每個字去溫，到了第二次默書，她就拿了100分。凌晨12點，我叫女兒睡覺，她卻說：『我還有幾個字未識。』她要做的話便很努力地去做。」媽媽說，女兒現在愈讀愈好，已可靠自己，開學後將升上小三。這個暑假，梁言還在1500個參賽者中脫穎而出，成為「美國萬通小太空人訓練計劃」中6名勝出者之一，可謂吐氣揚眉。
梁太總結：「無論是讀屋小學，還是名牌小學，最重要是讀得開心。」選錯了學校後，仍能成功轉讀心儀學校的例子不多，家長在選校時還是應該多聽口碑，汲取他人經驗。

看誰猜得到？

happyvalley

原帖由 Reximom 於 09-9-1 18:13 發表


「我和她一齊溫習，一齊背誦，每個字去溫，到了第二次默書，她就拿了100分。凌晨12點，我叫女兒睡覺，她卻說：『我還有幾個字未識。』她要做的話便很努力地去做。」


邊間直資就無興趣猜, 淨係覺得佢依家讀緊個間好攞命, 咁細個 ...

好好笑。

clmom

原帖由 Reximom 於 09-9-1 18:13 發表


「我和她一齊溫習，一齊背誦，每個字去溫，到了第二次默書，她就拿了100分。凌晨12點，我叫女兒睡覺，她卻說：『我還有幾個字未識。』她要做的話便很努力地去做。」


邊間直資就無興趣猜, 淨係覺得佢依家讀緊個間好攞命, 咁細個 ...

那間直資學校?應該許多人心中都知道的．
我體會這個母親心情，我曾是過來人， 以為開心學習，沒有壓力，讓小朋友在愉快中學習，相信一些美麗宣傳口腔，小朋友定能學有專長．
但當美夢醒來，原來現實就是如果你不努力以赴，想拿取好的成績，進入有名學 府，真的只是紙上談兵．

LittleKidult

講真, P1,2溫書要溫到12點, 重話個女讀得開心, 真係冇野講.....就算係個女想, 做父母係咪應該教下佢時間分配問題呀?
美國萬通小太空人訓練計劃 -- 好似小朋友同父母既英文水準都要有翻咁上下, 成日覺得只係有錢裴人玩意, 就算個小朋友幾勁都好, 但父母係底下層就諗都唔使諗.....
不過如果個小朋友由K3只學"天,地", 但P2已經可以用英文同人溝通既話, 佢都好犀利......

小曳人

我有睇呢編文..
感覺係: 唔同嘅人應該讀唔同嘅學校, 之所謂夾唔夾, 錯唔一定在學校, 沙田嗰兩間直資~支持者大有人在, 唔係咁易入, 但係家長唔了解自己個小朋友, 以為活動教學就等於快樂學習, 點知養咗個咁好勝嘅女 (其實係優點嚟嘅.. 能夠堅持克苦嘅人唔多) 我唔覺得咁都算有質素嘅家長囉!

[ 本帖最後由 小曳人 於 09-9-2 10:44 編輯 ]

G-Ma

好明顯個媽媽係好有要求, 如果唔係點會同個女一齊讀到12:00, 只不過係小一je, 駛唔駛咁大壓力??  

我從來無聽過人會覺得德望係愉快教學, 佢揀得呢間基本上都唔係諗住個囡讀得開開心心lor, 始終都係成績行第一.

AM

G-Ma ,

很光榮, 相信今次可能係你第一次聽到有人說德望都有愉快的學習.   

小囡是德望小四生, 佢話返學好開心, 成績唔係學校最注重, 學校唔排名次, 校長注重學生既德育 及 優質生活質素--食得健康, 玩得健康, 多做運動, 強身健體,   佢反對課後家長安排一連串學習班, 令小朋友無左同爸媽相處的黃金時間.  

的確有部份德望家長心態過份緊張成績, 但係呢類家長間間學校都有吧!   

以上純屬個人意見, 如有得罪, 請見諒.

原帖由 G-Ma 於 09-9-2 11:43 發表
好明顯個媽媽係好有要求, 如果唔係點會同個女一齊讀到12:00, 只不過係小一je, 駛唔駛咁大壓力??  

我從來無聽過人會覺得德望係愉快教學, 佢揀得呢間基本上都唔係諗住個囡讀得開開心心lor, 始終都係成績行第一. ...

judy

原帖由 chanpa 於 09-9-1 17:58 發表
文章日期：2009年8月30日

【明報專訊】梁太的女兒好動自信，從前在一間屋幼兒園讀書，升小考進了沙田區一間直資新校後，卻終日愁眉苦臉，開學後不久便轉校，三顧草廬下終於獲得名校學位。
女兒梁言初時循計分辦法報讀傳統名 ...

無他嘅，家長最實際，邊個教得掂佢個女，邊個就係好学校。

直資不好，因為："直資校長「似買衫sell客」... 女兒在學校受到排擠，梁太也不認同老師的處理方法，以及學校的教學法"。孩子在校受排擠條盤古初開已有嘅啦，间間都有嘅拉，至於教師之處理方法、學教之教育法，總之，就唔喜歡啦！

新校好，默書零分也好，小一温書温到12時也好，總之，心頭好，咩都好。

我相信，如果此小朋友冇咁醒目，故事將改寫。改寫也很簡單，將成功改為失敗就行了。

Charlotte_mom

咪係, 我朋友個女讀地區名津校, 咪一樣頂唔順老師處理手法而轉校?
最近開始想通, 當孩子中規中矩, 家長focus就係成績, 教得好咪就係好lor, 但當小朋友需要特別照顧時, 老師/學校既處事手法就即刻現晒形, 關唔關愛, 會唔會變臉, 即刻一目了然 (平時sell野都無用, 最緊要講到做到!)

原帖由 judy 於 09-9-2 04:02 PM 發表
直資不好，因為："直資校長「似買衫sell客」... 女兒在學校受到排擠，梁太也不認同[url=http://ads.baby-kingdom.com/www/delivery/ck.php?n=a0f73aad&cb=12345623]老師[/url]的處理方法，以及學校的教學法"。孩子在校受排擠條盤古初開已有嘅啦，间間都有嘅拉，至於教師之處理方法、學教之教育法，總之，就唔喜歡啦！

G-Ma

hi am,

我幾位朋友的女兒都在德望讀書, 差不多每一位放學後都要補習, 父母都要每日陪同溫習功課, 大家都感到有壓力.  其中一位去年升中考不回德望中學, 派了去其他中學.  另外幾位仍在努力催"谷" , 因為擔心考不回自己中學.

知道你囡囡可以讀得開心及輕鬆真替你高興, 我同意每家學校都有不同類型及程度既學生, 不過普遍來說德望從來都很難令人聯想到愉快教學. (純粹個人觀感, 請勿介意)

原帖由 AM 於 09-9-2 12:26 發表
G-Ma ,

很光榮, 相信今次可能係你第一次聽到有人說德望都有愉快的學習.   

小囡是德望小四生, 佢話返學好開心, 成績唔係學校最注重, 學校唔排名次, 校長注重學生既德育 及 優質生活質素--食得健康, 玩得健康, 多做 ...

Charlotte_mom

我唔會話德望生活唔開心, 不過功課壓力一定有 (真係有d小朋友好醒的, 對自己要求亦高, 讀呢d學校咪如魚得水lor)
我同事個女今年p6, 佢地2公婆都好勁, 輪流請假溫書果d
我仲記得我同事話, 有次放一日假, 本來講好去海洋公園玩, 點知n咁多樣功課, 其中一樣"正"到係中文作文話如果善用果一日假期, 於是佢個女喊住黎寫, 要好好溫習功課
仲有學校要學生去音樂會果d, 但小朋友根本忙到無時間去enjoy, 我朋友就試過買左飛, 帶個女去到音樂廳, 影張相, 拎埋本場刊, 走了, 因為返去做完report仲要準備第2日測驗
最近我姑仔生左bb, 問我德望有無幼稚園, 我咪問我同事啦, 佢話拆左棚之類, 跟住我再8德望點揀學生, 我同事就話, 其實揀家長多d, 佢鐘意d家長係devoted既, 全心全意放晒成副心機去栽培小朋友, 陪讀書, (interview會問小朋友放假daddy mummy會陪佢做咩, 有無去圖書館), 而英文數學亦讀高一級or半級, 所以係會tough一d
我姑仔本身讀書唔多, 亦唔知德望係咩, 正式人地話好佢又去考果d, 聽完之後, 怕怕了
我唔會話唔好揀德望(or其他類似既傳統名校), 不過真係唸清楚, 係咪你想要既野, 家長係咪ready, 小朋友係咪真係適合lor

原帖由 G-Ma 於 09-9-2 10:42 PM 發表
hi am,

我幾位朋友的女兒都在德望讀書, 差不多每一位放學後都要補習, 父母都要每日陪同溫習功課, 大家都感到有壓力.  其中一位去年升中考不回德望中學, 派了去其他中學.  另外幾位仍在努力催"谷" , 因為擔心考不回 ...

yeesumyin

Hi G-Ma + Charlotte_mom,


你地識得有朋友仔女係到讀真係可以知多D實際情況真係好呀.  我想請問吓知唔知St.Paul Boy's 會唔會好似德望咁谷吓? 有好多功課同埋要做指定動作 - 補習?


Adrian Ma Ma

原帖由 Charlotte_mom 於 09-9-3 13:46 發表
我唔會話德望生活唔開心, 不過功課壓力一定有 (真係有d小朋友好醒的, 對自己要求亦高, 讀呢d學校咪如魚得水lor)
我同事個女今年p6, 佢地2公婆都好勁, 輪流請假溫書果d
我仲記得我同事話, 有次放一日假, 本來講好去海 ...

Charlotte_mom

我會答你yes lor
當事人形容話, 4:30打電話去學校想問老師d野, 學校話老師放左工.........

原帖由 yeesumyin 於 09-9-3 03:21 PM 發表
Hi G-Ma + Charlotte_mom,


你地識得有朋友仔女係到讀真係可以知多D實際情況真係好呀.  我想請問吓知唔知St.Paul Boy's 會唔會好似德望咁谷吓? 有好多功課同埋要做指定動作 - 補習?


Adrian Ma Ma


...

judy

原帖由 Charlotte_mom 於 09-9-3 13:46 發表
我唔會話德望生活唔開心, 不過功課壓力一定有 (真係有d小朋友好醒的, 對自己要求亦高, 讀呢d學校咪如魚得水lor)
我同事個女今年p6, 佢地2公婆都好勁, 輪流請假溫書果d
我仲記得我同事話, 有次放一日假, 本來講好去海 ...

我就覺得呢個小朋友應該唔係好識掌握時間。我通常信五成。我識好多讀係BK俾人唱成煉獄學校嘅小朋友，都唔知鬼咁多活動，佢地又可做到？我可以講两、三個例子，看看啲家長點樣吹法：

1. 阿大未上小一前，當時未有直資，最受歡迎之女校莫過於St. Mary, marynoll之類。有次到東龍島野遊，亭上另一圍人，聽一St. mary家長之曬命:我早知唔入咁頂尖之名校啦，如果想入名校，都唔好入咁頂尖嘅，你知唔知呀，1至10名，平均都唔差１、2分。聽講第1、2名相差0.01分。第一名阿媽全職帶女，屋企有两部電腦，一部做功課，一都上网....

2. 係巴士上聽一個名校爸爸吹牛，佢話名校功課不但多，且一佈置好功課，就要即做，因教師会突然提前叫交云云...

3. 我識個家長，辭咗政府高職教仔。初初好熱心，後來一有空就打麻雀，依家孩子升高中了，此家長變成麻雀高手。

啲所謂名校，出面講到誇張到不得了，入到去不外如是，始終係地球上嘅小朋友，好平常。

G-Ma

Hi Charlotte_mom,

講開音樂會, 我朋友都係勁唔鍾意, 每年都要迫佢地去睇大型話劇OR 表演, 仲要交回票尾同場刊, 朋友話一家大細去駛費都唔少, 但又唔多識欣賞, 真係貼錢買難受.

原帖由 Charlotte_mom 於 09-9-3 13:46 發表
我唔會話德望生活唔開心, 不過功課壓力一定有 (真係有d小朋友好醒的, 對自己要求亦高, 讀呢d學校咪如魚得水lor)
我同事個女今年p6, 佢地2公婆都好勁, 輪流請假溫書果d
我仲記得我同事話, 有次放一日假, 本來講好去海 ...

Charlotte_mom

我朋友係一個勁慳家既人, 所以會揀最平既節目
不過一分錢一分貨, 平既又未必好睇喇........咁似乎又失去左本身培養學生修養既意義了.......

原帖由 G-Ma 於 09-9-3 07:38 PM 發表
Hi Charlotte_mom,

講開音樂會, 我朋友都係勁唔鍾意, 每年都要迫佢地去睇大型話劇OR 表演, 仲要交回票尾同場刊, 朋友話一家大細去駛費都唔少, 但又唔多識欣賞, 真係貼錢買難受.

...

G-Ma

我朋友都係好慳家, 所以成日好鬼肉赤, 有時有D歌劇係老師推介, 仲要係國際性果D, 都唔平, 唔去又唔係咁好, 個個同學都去睇, 驚個女比人笑, 咪貴一貴都要買飛睇.

原帖由 Charlotte_mom 於 09-9-3 22:54 發表
我朋友係一個勁慳家既人, 所以會揀最平既節目
不過一分錢一分貨, 平既又未必好睇喇........咁似乎又失去左本身培養學生修養既意義了.......

qq_dad

對唔住，只係過路。

我覺得帶小朋友去欣賞音樂會、舞臺劇、音樂劇..... 都係好事，不過變為有壓力嘅事情就好似唔係咁好，有時家長未懂得欣賞，會有份壓力兼有心無力，我間唔中帶小朋友去聽吓小交響樂團的演出，有啲深入淺出嘅感覺，學吓嘢，而小朋友都睇／聽得投入，輕輕鬆鬆都幾好呀！