就快又開學我已經開始心驚膽戰

honeysara

亞囡今年升小四, 老師講明高小唔再係'是是但但' 求其渡過. 小三已有同學要留級(又係有讀障)但我個女照升都唔知係好定唔好.佢三年級已經讀到c c 吓! 唉!四年級都唔知點捱....

Man^o^

Mee too ......... 九月開學就係我惡夢既開始 ........ 依家比較擔心應該同佢擇邊類型中學適合 ??

原帖由 honeysara 於 09-8-21 10:57 發表
亞囡今年升小四, 老師講明高小唔再係'是是但但' 求其渡過. 小三已有同學要留級(又係有讀障)但我個女照升都唔知係好定唔好.佢三年級已經讀到c c 吓! 唉!四年級都唔知點捱.... ...

honeysara

我個女間學校本來有直屬英中(不過冇接龍,因為中學話小學的程度唔夠). 我知道一定返唔倒去, 已經開始搵直資中學資料亦有心儀的中學希望亞女考倒啦!

Man^o^

honeysara,

我都偏向留意直資既中學, 妳有邊幾間心水架, 可以講比我知嘛 ( pm 俾我知道 ), thanks !

原帖由 honeysara 於 09-8-21 13:38 發表
我個女間學校本來有直屬英中(不過冇接龍,因為中學話小學的程度唔夠). 我知道一定返唔倒去, 已經開始搵直資中學資料亦有心儀的中學希望亞女考倒啦!

honeysara

Man^o^
我唔係好識用pm你check吓有冇收到啦!.

Man^o^

honeysara,

收到喇, thanks ! 其實你女女情況嚴重嘛 ? 成績跟得上嘛 ? 因為好少小學會俾小朋友 repeat, 所以好多時都係迫佢地照升班..........

原帖由 honeysara 於 09-8-21 16:36 發表
Man^o^
我唔係好識用pm你check吓有冇收到啦!.

[ 本帖最後由 Man^o^ 於 09-8-21 17:22 編輯 ]

honeysara

Man^o^
我個女有明顯讀寫障, 專注力不足, 手腳不協調加上夢遊. 算唔算嚴重都好難講. 比起自閉, 過度活躍已經好好多 但同佢溫習係好考我的EQ同IQ. 因為之前係初小我會自己幫佢做卷，測／考前中英數常我各做一至二份卷，自己出題目有供詞及不供詞填充．我會用繪畫形式幫佢溫習，有時會用故事或唱歌形式．．真係想得出的都會做   ．
最最可惜係我始終放唔底佢的成績，好似自己出咗好大力幫佢，亞囡又肯做（當中必然有威迫利有）但成績出嚟時永遠都係５０幾，６０分（中，英已經有調適）常識今次有大進步竟然有８０幾分（因為常識係冇調適所以我懷疑係有ｄ課外題部份比我tip中咗）．
佢學校係有留班的制度，仲好鼓勵我哋成績差的學生轉校添！但係亞囡唔係好想轉校，我都係等佢踢先走．

貓大姐

本來我個女係升小五, 我要求學校同佢留班(佢係12月出世的細女), 但學校話留班解決唔到佢o既問題

依家同佢轉校, 讀返小四, 又要從新適應學校教學方針, 又怕亞女轉左校都係禁, 有時都唔知自己決定 是對是錯

不過都算啦, 希望亞女讀得開開心心就好啦....

honeysara

貓大姐
當亞囡讀得辛苦時佢自己都想轉校,但過咗之後佢又話唔想. 唉!!明白明白...其實個個家長都心大心細好怕又'簡'錯多一次, 又怕亞囡唔開心, 唔適應...
想問吓妳個囡係轉直資定係普通政府的學校? 係唔係年中已經要決定入紙? 因為我個朋友到7月取成績表老師叫佢留班先搵學校, 好多已經話收晒生  所以校長都係講得對..佢話7月份仍有位招生的學校程度一定唔會高適合我哋的小朋友

貓大姐

兩間都係普通學校, 唔係直資 (冇錢交學費)

依家果間學校都係超收佢架, 原本學校冇位架...
我地自己去考果D又唔收喎, 因為要考試, 我又冇同學校講, 亞女係咩事... 我個女嚴重專注力不足, 所以冇可以一次過做晒3份卷

原帖由 honeysara 於 09-8-22 07:13 AM 發表
貓大姐
當亞囡讀得辛苦時佢自己都想轉校,但過咗之後佢又話唔想. 唉!!明白明白...其實個個家長都心大心細好怕又'簡'錯多一次, 又怕亞囡唔開心, 唔適應...
想問吓妳個囡係轉直資定係普通政府的學校? 係唔係年中已經要 ...

honeysara

貓大姐
間學校肯超收都好好'wor', 我曾經問過私校但校長話私校唔及政府的津貼學校對於有讀寫障的小朋友的支援不及津校.

貓大姐

我聽講好似係, 不過私校比教活動教學, 什至一班人數較少,
對學障小朋友都好D...  

總有些好, 有些唔好

原帖由 honeysara 於 09-8-23 03:54 PM 發表
貓大姐
間學校肯超收都好好'wor', 我曾經問過私校但校長話私校唔及政府的津貼學校對於有讀寫障的小朋友的支援不及津校.

Man^o^

貓大姐,

如果我冇記錯, 我同妳應該係同一區既, 妳女女轉左邊間小學度讀呀 ?

呢一年我都好想幫仔仔轉校, 資料都搜集左好多, 但係始終都怕, 怕轉校情況只會一樣.....甚至仲差, 又怕仔仔成績甘差, 去 interview 其他學校, 根本連人地份考卷都冇可能完成, 只會更傷害佢既自信心...再加上仔仔本身好喜歡依家既小學, 所以最終都冇轉到, 唔知甘既決定係對定錯, 不過只係知道九月 P4 之後, 佢只會越來越辛苦, 雖然測考係會加時俾佢, 但成績都係一樣差到貼地, 有老師私下同我講過, 學校課程較深, 功課又多, 仔仔再係度讀只會越來越辛苦, 越來越打擊佢既自信心, 但係我又可以做到 D 咩........

原帖由 貓大姐 於 09-8-22 00:15 發表
本來我個女係升小五, 我要求學校同佢留班(佢係12月出世的細女), 但學校話留班解決唔到佢o既問題

依家同佢轉校, 讀返小四, 又要從新適應學校教學方針, 又怕亞女轉左校都係禁, 有時都唔知自己決定 是對是錯

不過都算 ...

貓大姐

我地轉左去大圍

我都有擔心你所想的, 因為香港學校會包容我們的這一類小朋友, 沒有幾多間...  而我依家轉果間, 我都唔知係咪真係適合亞女, 不過聽人講, 晌到讀的小朋友都幾開心...

我見亞女其實可以讀多年 (佢12月出世, 本來做細女, 依家讀多年做大女) 再加上晌學校 種種情況, 終於鼓起勇氣 轉校試試...

其實, 你仔仔本身好喜歡依家既小學, 禁唔好轉啦, 其實成績去到邊都差不多, 如果學校可以晌其他活動比到佢自信和滿足意, 不防晌果D方面發展

又或者你可以去 特殊學習障礙協會 問下顧問社工, 睇下佢有咩野意見比到你

原帖由 Man^o^ 於 09-8-24 02:10 PM 發表
貓大姐,

如果我冇記錯, 我同妳應該係同一區既, 妳女女轉左邊間小學度讀呀 ?

呢一年我都好想幫仔仔轉校, 資料都搜集左好多, 但係始終都怕, 怕轉校情況只會一樣.....甚至仲差, 又怕仔仔成績甘差, 去 interview 其他 ...

honeysara

我冇參加特殊讀障協會, 返而小童群益會就有file. 不過d姑娘成日叫我體諒個囡佢哋係有問題 但係個囡真係完全唔肯有腦, 無心機做功課, 上堂或者做緊功課都可以遊魂.. 原本我想幫佢發展體育潛能(因為佢身型好fit適合做運動) 點知佢原來有手腳唔協調, 這樣事小最可惜係佢冇毅力遇到小小辛苦就要放棄. 玩了5,6年芭蕾舞和溜冰因為要考試, 愈來愈難考和辛苦便立即放棄 游泳有d天份學了差不多一年四式學會但不肯操水..踏單車唔錯體力夠(由大埔踏去大圍即刻返轉頭佢都好輕鬆, 佢老豆就謝咗一半) 現在又玩羽毛球唉! 睇吓又keep倒幾耐.

珀珀,慧慧媽

原帖由 honeysara 於 09-8-26 08:38 發表
我冇參加特殊讀障協會, 返而小童群益會就有file. 不過d姑娘成日叫我體諒個囡佢哋係有問題 但係個囡真係完全唔肯有腦, 無心機做功課, 上堂或者做緊功課都可以遊魂.. 原本我想幫佢發展體育潛能(因為佢身型好f ...

hi
我個囡都有讀寫障礙,我想問下妳哋係點樣同小朋友溫書架,尢其溫默書,我每次溫完後都好似無溫過禁
honeysara
我個囡同妳個一樣,時常遊魂架~~

honeysara

溫書係好考我的創意, 單是默書呢!
每次亞女寫詞語時
1.我都會叫佢一邊寫一邊拆字念口訣, 好似(竹, 工, 凡, 木=築), 建築的築.
2.寫完詞語便默一次. 通常即晚都有90% ok!佢信心會大d
3.要背默課文便一邊背一邊做動作, 當自己係文中主角. 因為唔駛坐定定佢會有心機d

英文仲頭痛-除咗用併音外, 有時我會幫佢拆成圖像. 好似bottle, 我用b形容成一個'b'形水樽, 'o'字係樽蓋, 兩個t t 字係左, 右兩邊的handle, 'l'字係飲管而最後一個'e' 字就係 "e"起棚牙飲水囉.

好似好白痴一個好簡單的英交字都要拆成幾段, 不過我只係想佢記得牢固一些, 什麼方法我都會用.

珀珀,慧慧媽

honeysara
多謝妳的意見,我剛剛知道呀囡有讀寫障礙,我又唔知點可以令她好d,好似好無助~~
我想問下如妳個囡每日又要溫書及做家課晚上會幾點訓呢??
因我個囡每日只係做功課便用了成晚時間(每日只有3-4樣功課做)連溫書時間都無,因我想她9:30可上床
如好似妳這樣每日默書對她來說好似有d難~
我只係想有人同我分享一下這些小朋友的溫習時間安排及點樣可以令她們有改善(如妳覺得我很煩可以不理sorry)
thanks

honeysara

珀珀,慧慧媽
唔煩!唔煩!我都經常上bk搵其他媽咪幫手, 同多d有經驗的人分享又學倒嘢!又有人明自己的困難係好大的支持.要努力!
其實妳的囡囡幾大? 讀幼稚園定小學? 因為唔同年齡的小朋友可以接受的讀書時間唔同. 我個囡升小四,佢間學校一向多功課平均一日有6-7樣(唔計改正加重改) 一個唔好彩會變成10幾樣功課.所以佢都要做到都夜,飯後練琴的時間只有15-20分鐘都好趕. 溫書的時間必然小唯有用盡星期六,日的時間.所以亞囡成日話辛苦會發爛渣唔合作,有時我對佢都冇晒辦法考試,默書盡晒力都唔合格都冇計啦!唯有我再想多d佢喜歡的活動式方法教佢, 有時我都覺得在家手舞足蹈哋教佢有d似癲婆.

Man^o^

妳地係咪全職媽咪 ? 我個仔做功課超慢, 見佢寫字真係一筆又一筆甘寫(我唔知其它小朋友係咪甘), 所以要用好多時間去完成功課, 攪到冇心機...冇動機...最後抗拒去完成.....特別係小三個年, 功課又多, 每晚做功課最快都要 12 點, 所以根本冇時間溫書, 平時默書都唔會特別去溫習, 實在冇辦法........

妳地小朋友寫字快嘛 ? 好幾次測考既默書, 仔仔全部識晒, 不過係寫得慢, 唔夠時間完成, 所以............漏左最後幾段....一個字扣 3 分.......扣下扣下只餘下 1x 分........ !!

原帖由 honeysara 於 09-8-28 10:21 發表
珀珀,慧慧媽
唔煩!唔煩!我都經常上bk搵其他媽咪幫手, 同多d有經驗的人分享又學倒嘢!又有人明自己的困難係好大的支持.要努力!
其實妳的囡囡幾大? 讀幼稚園定小學? 因為唔同年齡的小朋友可以接受的讀書時間唔同. 我個 ...