p1 假期真係勁多功課 --- 有得揀我想唔放假呀

小樹熊

原帖由 goodbaby 於 09-1-7 12:01 發表
係啦.. 我都覺得o的功課對佢地黎講係有o的難度呀... 如果真係要佢地自己去做.., 一定做唔到囉...
我就忍痛咁用咗一個星期六同日同佢做晒o的功課 (每日都做o左成4-5個鐘)... 次後就留返o的時間黎玩同溫習囉... 好辛 ...

功課我覺得都唔算好多喇! 我見到有個囡囡以前幼稚園的男同學，佢考咗小拔，平日功課閒閒地都十幾樣，佢哥哥讀緊朝陽百恩四年班每日功課都冇個細佬咁多，更何況係假期。

我自己係剛過聖誔假就先先睇過哂D功課先，先後幫囡囡分類嚟做，要抄寫O既就另外加D Maths 咁，或者係 project 果D活動D 希望囡囡冇咁悶及倦。佢寫 copy book 寫完一版就同佢按摸吓比佢休息一陣。

返而係每日要陰D、陰D咁同佢溫英默、quiz 咁，囡囡唔係咁鐘意囉，我唔係要佢坐定定一、兩個鐘頭咁溫，而係會係佢玩緊，坐緊車之類o既時間係佢身邊發出"凡音"，串字呀、讀課文呀、問佢字咁啦。

雖然佢覺得我煩，但係我會同佢講，比佢選情願要坐定定溫一個鐘定係我係佢身邊陰陰揚揚咁讀吓字同佢溫??
佢諗過後知道坐定定溫返而冇得玩咁，後尾都係由得我繼續"凡音"......

新年假期又到，仲要放 11 日咁多，大家努力啦!