band3，直資，你怎選？

AS-Ma-Ma

我仔仔今年5年級，照他現在的成積，應是band3人，雖然他今年態度上已明顯進步，但他始終不是讀書人，努力了這麼多年，都要無奈接受！他運動非常好，種種校隊都話要收佢，但無奈他選了校隊之中最渣的一隊－－足球，只因他是一個波牛，我話：仔呀仔，成積唔好，都搵個運動頂住啦！ 叫佢選藍球，排球或田徑，因都常得獎，但他卻獨愛足球，無奈！！
我問朋友，應怎樣幫他選校，有２種說法：
1）選一些校風好的band3學校，讀得無咁辛苦，開心D，起碼自己都不會是籮底橙。因如選好的直資，程度會較深，他未必讀得到
2）選直資，話得band3都唔會有太好的校風，做得直資都要有口碑，一般校風應OK，就算成積唔好，都無咁易學壞

小學還可在掌握之內，上到中學就真系好受朋輩影響，該如果選校，有無過來人媽咪可指點謎津？？

chanms

可以考慮中聖書院，直資band3頭。
因重建校舍，暫時在荔景，好似下年搬返深水涉。老師都很有愛心。

頑皮學生間間學校都有，要看看學校/家長如何管教。
選直資學校的家長，應看緊一點。

Mandy2002

試吓又一村香島，第一批去考可能較易入。

原文章由 chanms 於 07-11-23 12:02 硐表
可以考慮中聖書院，直資band3頭。
因重建校舍，暫時在荔景，好似下年搬返深水涉。老師都很有愛心。

頑皮學生間間學校都有，要看看學校/家長如何管教。
選直資學校的家長，應看緊一點。 ...

櫺囹桼

1)
沒有教不好的小朋友、只有不懂教之父母；同樣沒有band3的學生(如果不是先天性有問題)，只有band3的教學法(唔關學校、老師事，佢地一日要對咁多不同種類學生，所以只能提供A餐一種...只係小朋友有好多種，不過只要小朋友還有學習興趣，而教法又適合佢地，成績一定可以大躍進！)...不要放棄，仲有一年多之時間！試找出小朋友之問題，例如佢甚麼科目最強…多d讚賞、鼓勵、支持佢(先等佢自信心增加！)…再搵佢之弱點…例如方程式比較弱，可以自己喺屋企擺哂d橙呀、蘋果呀..教佢！如果英文動詞背極唔識..可以將佢地sorting
(相似的…)比小朋友背如bear、bearing、bore、born、swear、swearing、swore、sworn、tear、tearing、tore、torn…！如果中文作文修辭比較弱，可以逐樣收集多點例句打印剪開好放在地上等佢分析~這是明喻、那是擬人、排比…(點解成日要喺地下學習？唔好等佢有上堂感覺！)…方法可以無窮無盡，最重要係生動有趣、父母從旁協助；識左就多多讚賞、唔識雙方都唔好氣餒…如果而家開始努力…明年做番band2生何難之有？屆時升中選校範圍一定大好多！
2)
如屬band3生，可選之直資也有限…有d新直資第一、二年可能會吸納少量band3生以補財赤，不過都係只限高form少少插班生，所以畀人錯覺band3生都有行！假如以招收band3生為主之“著名”直資學府如地xx(共四間)，窩山新x...宜親臨去了解校風...個人並不覺比一般band3津校優勝！

carmenkm4666

可考慮沙田林大輝 (Band 2 直資), 這校著重體育及藝術, 收生不著重Banding, 而是才華 !

chuiiris

李國寶 band one - band three 都收, 校風不錯. 可參考下.

angelymama

其實睇你係邊區, 好多band 2學校都會收band 3 生, 所以都可再詳細考慮, 唔好咁快打定輸數選band 3學校。

swallowngxx

原文章由 carmenkm4666 於 07-11-23 21:30 硐表
可考慮沙田林大輝 (Band 2 直資), 這校著重體育及藝術, 收生不著重Banding, 而是才華 !

對林大輝學校不錯, 但要留意林大輝是emi學校, 課程內容相等band 1學校, 就算入到, 小朋友如程度不夠, 會讀得好辛苦, 而且還要兼顧尊門的體育訓練, 學校對小朋友的學業也有要求, 除課本外也為小朋友介紹一些中英課外讀物, 有些課外書必要看, 因有關新通識學制, 希望小朋友增廣見聞, 為新高中作準備.

carmenkm4666

原文章由 chuiiris 於 07-11-25 11:26 硐表
李國寶 band one - band three 都收, 校風不錯. 可參考下.

24/11 聽完李國寶簡介會,
人哋話唔會再收band3生啦,
以前要留位比'亞公'抽統一派位,
今年無啦 !
p/s: 上年有20人未達標要留班, 2個出校

chuiiris

吓, セ李國寳今年咁進取, 仲想住做最後備個間潻, 有冇人知多吾多人考呢>

小兒暫時  band one 尾, band two 頭, 吾知掂吾掂呢!

AS-Ma-Ma

原文章由 Mandy2002 於 07-11-23 20:50 發表
試吓又一村香島，第一批去考可能較易入。

好，我會去了解一下這校。Tks

AS-Ma-Ma

原文章由 carmenkm4666 於 07-11-23 21:30 發表
可考慮沙田林大輝 (Band 2 直資), 這校著重體育及藝術, 收生不著重Banding, 而是才華 !

我也有聽過這校，前年有個親友個女都有考，佢個女有少少學習遲緩兼情緒病，話這個是新學校，老師都OK。不過結果都派唔到，去左聖道嘉嵐

AS-Ma-Ma

好多謝各位的意見，可能有些媽咪自己的小朋友聽校聽話，唔會體會到我地這些媽咪的苦況！別人說的種種方法，基本上這些年來都已做足兼做凸，那又如何？只好面對現實對自己說，個仔不是讀書人，現只求他升中派到頭好人家，將學壞機會盡量減低！

swallowngxx

原文章由 AS-Ma-Ma 於 07-11-29 20:53 發表
好多謝各位的意見，可能有些媽咪自己的小朋友聽校聽話，唔會體會到我地這些媽咪的苦況！別人說的種種方法，基本上這些年來都已做足兼做凸，那又如何？只好面對現實對自己說，個仔不是讀書人，現只求他升中派到頭好人家，將學壞機會盡量 ...

如果你的小朋友真的喜歡足球, 也不防一試林大輝, 請看看以下一段新聞.

http://hk.news.yahoo.com/070903/12/2ex5c.html

小朋友有了目標或會帶動他努力讀書

meimei_ho

沙田德信中學(直資),收 band 幾學生

jazzmama

As-Ma-Ma

我仔同你仔一樣, 依家小五, band 3 成績
你都算好...有獎攞
我仔話就話鍾意體育
幫佢報過田徑班,
又同老師講比機會佢入學校校隊訓練等等
但學校體育好的人大有人在
我仔未能突出及代表出賽
我都打定輸數
同樣考慮直資方向
希望有間好校風的直資收我仔
但見目前大部份直資都主收 band 1尾 band 2 頭學生
因為佢地都係怕大抽獎落空...入EMI直資穩陣
所以, 我地 band 3 條路真係好難諗

另一樂觀d 諗法 : d band 2 入哂直資,
依家好多學校收生不足, 仔仔有機叩入 band 2 學校
但係...變相入面其實係 band 3 學生多
怕物以類聚 (我唔係話 band3 津校生個個品差)
但朋輩影響一生...自問對仔仔品德要求多於學業
直資家庭多數亦係對品德有一定要求才走呢條路

所以...真係好想知道邊d 學校校風好
用呢一年去了解再步處

希望各家長多比意見

原文章由 AS-Ma-Ma 於 07-11-22 14:05 發表
我仔仔今年5年級，照他現在的成積，應是band3人，雖然他今年態度上已明顯進步，但他始終不是讀書人，努力了這麼多年，都要無奈接受！他運動非常好，種種校隊都話要收佢，但無奈他選了校隊之中最渣的一隊－－足球，只因他是一個波牛，我話：仔呀仔 ...

carmenkm4666

原文章由 AS-Ma-Ma 於 07-11-29 20:53 發表
好多謝各位的意見，可能有些媽咪自己的小朋友聽校聽話，唔會體會到我地這些媽咪的苦況！別人說的種種方法，基本上這些年來都已做足兼做凸，那又如何？只好面對現實對自己說，個仔不是讀書人，現只求他升中派到頭好人家，將學壞機會盡量 ...

有冇試過學'Mind Mapping' ?
我個仔學完有少少進步 !

jazzmama

什麼是 Mind Mapping ?
亞仔係未開"曉"

原文章由 carmenkm4666 於 07-12-7 18:15 發表

有冇試過學'Mind Mapping' ?
我個仔學完有少少進步 !