請問有沒有讀小一小朋友的家長是晚上8:00後先返屋企. 妳們覺得時間夠用嗎 ?

丁丁*

每晚要 8 點後先返到屋企. 但我想小朋友 9 點半就要瞓. 總係覺得時間唔夠用, 請問有沒有小一學生的家長同樣需要夜返屋企. 妳們是怎樣分配時間呢 ? 請指教  

yywhk

我自己唔係咁o既case.  但我聽聞有d人係會叫小朋友放學後食茶點,小睡一會後先開始做功課,父母返屋企先一齊食飯,飯後温習,小朋友就會遲d(一兩粒鐘)瞓咁囉.....個人認為唔係最理想,但如果冇辦法中,都可以試吓o既....

丁丁*

Amandakok ~ 恭喜妳, 可以轉到一份5時就可以回家的工      
我想請問下有什麼工是可以咁早
放工既    

丁丁*

earlybird ~
thanks for sharing ^^
現階段只有大家一齊努力. 互勉    

Charlotte_mom

最近join左一個類似朋輩輔導課程既course, 同一批家長做完好多分享, 結果發現, 原來好多人同我一樣, 都覺得時間唔夠用, 原來好多人, 習慣星期一至五都唔同小朋友一齊食飯........
我知一般家長有以下"解決方法"
1. 叫小朋友去功課輔導班, 每日做完功課溫完書至返屋企, 咁父母放工返黎, 再follow up就輕鬆好多
2. 叫小朋友自己先做好功課, 父母放工返黎再follow up.....不過如果學校功課壓力大, 父母每日真係好似打仗....仲有星期六日, 要預時間溫習tim啦!
所以好多家長, 為左要爭取每分每秒, 真係好多辛酸野架...例如, 小朋友食"頭圍", 父母放工返去, 一路心不在焉地爬飯一路對功課; 又或者教識小朋友點做, 就拿拿臨去沖涼然後俾小朋友15分鐘攪掂佢; 又或者一路食飯一路聽小朋友練琴.....
哎, 所以我都同社工話, 上完呢個課程, 唔單止幫到人, 原來過程中, 發現原來好多人仲慘過我(返到屋企小朋友都訓晒覺), 好多野, 自己都睇開左........

ydoris

曾經試過係返夜校既一年間,放左學check功課check到11點幾.朝早6點幾要同小朋友一起改正.佢攪吾攪得掂就好靠小朋友自己懂吾懂得自理啦.so far過左一年,今年吾使讀書啦,都會係一番到屋企,除左鞋就同2個小朋友check功課,佢多數已執好書包同練完琴啦.最後先一家人食飯,如果ot就真係對完功課先食飯,吾係我係食吾落飯架..溫習呢樣野係無啦,吾夠時間啦,考試前先做啦,無法啦....

2fungs

我就冇咁夜，6:00pm收工，跟進買餸煮飯，開飯都要8:00pm，再加上屋企有幾個小朋友，而大仔(p.1)下學期開始做功課好慢，我返到屋企佢才剛做完功課。
我吃完飯就叫佢休息一會，成9:00pm先開始對功課，有時個細路扭計，就叫大仔溫書先，細路訓覺得再返回同個大仔溫埋d未識o既嘢，如果過咗10:30pm，就叫大仔訓先，我自己再對功課，第二朝等佢再改。

我個大仔成日發脾氣，所以上次3月TEST後到而家都只係最多溫DICT，其它嘢都忘記晒，晚晚發完脾氣才SLEEP ，好傷親子關氣，於是上WEEK 去搵託管，希望佢做完功課又可以玩下，我晚上才同佢溫書。點知去到託管就嚇餐死，因為有D小朋友真係好百厭，仲有個係過度活躍，見到佢D行為己經好驚，之後冇啦啦走黎批踭我個仔... 後來比D姑娘請返佢入另一個ROOM...

於是，我將個仔轉去補習社... 前天第一日滿意，好快做完功課，仲可以溫埋書，做PAPER... 返到屋企我仲比佢砌模型，佢好開心~

點知，昨天(第二日)，就全部3小時用晒做功課(其實好少功課)，可能佢諗住原來做快D係冇得玩，仲要再做PAPER，不如做慢D，唔洗再做PAPER 啦!   

激到我生蝦咁跳，於是佢冇得玩，成晚要溫書，仲今天冇零食，罰下佢至得!

mandy_lee

SAME CASE, 通常我地會係婆婆屋企食飯,返到屋企8:30 跟住同佢CHECK 功課, 每當看到佢未做完功課但之前又同我講已經做完真係好 ,  因早排見家長老師講佢下午個D堂, 經常性想SLEEPING 同要求去洗面, 所以而家一定迫佢9:30 SLEEPING 幸好學校不會太多TEST 及DICTATION (不一定個個星期有), 即是話佢回家個一個小時PLAY PIANO, 拾書包同做上網功課, 所以日日日都好希望快D放工, 快D係婆婆屋企食飯, 咁就可以有多D時間做其他嘢. 不過都係無物時間溫習.

jk67jk

2fungs 寫道:
於是，我將個仔轉去補習社... 前天第一日滿意，好快做完功課，仲可以溫埋書，做PAPER... 返到屋企我仲比佢砌模型，佢好開心~

點知，昨天(第二日)，就全部3小時用晒做功課(其實好少功課)，可能佢諗住原來做快D係冇得玩，仲要再做PAPER，不如做慢D，唔洗再做PAPER 啦!  

以心為心，如果我係你個仔，我都會啦！

等於係公司，原來做得愈快就愈多野做，當人工又冇得加時，搵鬼去同你搏命。 小朋友唔明白做paper 的好處架！ 慢慢黎, 咪嚇親佢。

kayi0556

以前囡囡小一時我都有咁的問題, 重要返到去check功課check到一肚氣...   
d字唔靚就要佢做過...
一年級果年真係好辛苦, 見到個囡又辛苦, 自己又心痛...

所以到左2年級, 就請左個補習姐姐黎...
情況改善左好多, 我返到黎囡囡做晒功課, 可以同佢玩下電腦,
睇下電視咁...

唔知係唔係年幾都係咁, 囡囡開始習慣...
一返到黎屋企, 休息一陣就會去做功課...
宜家囡囡3年級, 會比前兩年鬆好多, 我又唔洗咁辛苦,
但到左星期六, 日.....就比較忙....
要帶個囡去學琴, 學畫畫, 學跳舞...
  

phoebepanpan

我三日唔埋兩日就OT, 通常8:45PM 先入屋, 有時9:45PM,
我囝自己做一部份功課, 大部份留返我同老公回來先教佢做/溫習.....但我同老公由公司回家車程約1HR.

阿仔3:30PM放學就在外婆家睇下電視玩下先做功課,
我又要處理佢既功課&溫習, 又要處理佢同同學相處既問題...
真係就快頂唔順,  
九月前轉工係咪可以改善呢 ?

WINGHE

我都係差唔多, 但最近發現咗個問題, 唔該大家幫吓我.
阿囝今年小一, 一年4次EXAM, 加埋評估=6次(不過評估唔計分)每次評估/EXAM佢都發燒, 今早又喊住話唔想返學(因要默書, 而家先一年班, 都唔知點算??

acandf

簡直是我的寫照… I always arrival at home at around 8:00 p.m. – 8:00 p.m.  Normally, my daughter can finished her homework by herself in the afternoon, apart from some she don’t know.  (very seldom)

When I arrival home, sometimes, I haven’t ate my dinner, I need check her homework (spent 15 minutes) after that, I will go through with her once of the book what she leart from school (normally, no need take half an hour) after that, I will let her play a little bit and I will talk to her some story and go to bed law.  Generally, she can go to sleep before 10:00 p.m. and wake up at 6:15 a.m.

In fact, really very tight everynight but no choice la, need work ma, my office are distance far away from home (take 1 hour).  

丁丁*

WINGHE,
哎呀 ~ 咁就證明妳囝囝對讀書有恐懼感. 以前佢讀幼稚園時應該都有評估/考試. 佢有無試過驚到發燒  
家陣先一年級已經咁樣, 真係要快d 搵個解決方法 :cry: 否則將來測驗考試的日子多的是...  

WINGHE

可能幼稚園係半日,而家要返任日, 阿囝覺醒得無時間玩, 又要exam, 可能覺得壓力好大, 都唔知點算好

kayi0556

WINGHE,
   我諗小朋友的壓力太大了, 宜家先小一,
見d小朋友咁辛苦, 我地做家長都鄧佢地辛苦....
但又唔可以叫佢地唔溫....真係唔知有乜好方法
   
       

WINGHE

kayi0556
唉!總之就慘啦! 其實大人咪仲慘, 又唔迫得, 又唔鬧得!!