舉例:離島章馥仙中學肯定唔係 Band 1,個網站亦評佢 Band 2A,但仍有好多 Band 1 生乙二,甚至乙一已經排佢。因為離島區冇 Band 1 學校,他區得十幾個位,所以一定要排佢頭兩名,否則就跌去唔知邊度。如果 Band 2 生照填章馥仙中學乙一,咁機會非常微弱。
另一例子,觀塘呂郭碧鳳同梁式芝,網站評價 Band 2A,EK 推算呂郭碧鳳 Band 2A,梁式芝仍屬 Band 1。郭碧鳳同梁式芝基本上唔會有 Band 2 生入到,因為觀塘唔夠 Band 1 分,Band 1 生填曬 Band 1,包括梁式芝,就一定填呂郭碧鳳。(EK 推算,羅陳楚思係 Band 2,而非 Band 1)
雖然以上例子都係講 Band 1、2,而非 Band 2、3,但的確,選校唔係考網上排名,而係睇師兄師姐係你個排名係入邊間,同埋同區同 Band 家長、上一個 Band 家長會揀邊間。