請教發音唔正問題...煩惱中!

honeylky

你或者等多半年先, 我個囡 3.5, 佢的發音"F" 的都唔得, 上星期assessment, 今個星期正式開始.  你等返K1, 佢會再講多d野, 又可以問下老師意見先再定下一步.

原帖由 ccssww22 於 11-6-29 09:46 發表
小朋友快到3歲, 做左言語評估, 表達能力比同齡快, 可以講到一大段說話, 但發音唔正, M音/G音/K音...講唔到!

返(工)   講成   返(風)
(朱)古力    講成   (知)古力
(咁)樣  講成   (緊)樣


上左一堂言語治療, 佢又 ...

ttlucky0303

可以等佢k!先啦~~而家先仲係2歲幾, 你可以係屋企同佢訓練, 你個口形誇張0的, 叫佢望住你, 自然會好, 我個女都係咁學緊...

michelle1222

兩歲幾...又真係唔駛太心急嘅...日常聽到小朋友讀錯, 可以示範一次, 叫佢跟你讀, 睇下佢得唔得...(因四歲前未能清楚咬字都叫正常)

返(工)   講成   返(風)
k音-->f音....先試小朋友可唔可以發咳咳音 (k音)...因k是舌後音, f係舌尖音...可以提小朋友條脷要縮去後面

(朱)古力    講成   (知)古力
呢個係個母音錯(vowel)...將 /u/(烏)讀成/i/ (依)....可提小朋友讀時要圓咀

(咁)樣  講成   (緊)樣
呢個係讀完無合埋咀...提小朋友讀完要合實咀仔呀

michelle1222

yes!
係可以試下協康的青蔥或耀能的兒童發展服務...其實有好多ngo都有架!

Kanax

我個女已經5歲喇，之前佢有幾個音讀唔到，諗住佢大d就會識，但到今時今日仲係讀唔到「哥」(讀成「多」)，間中提佢練已經無咁多「d」音，但係有咩辦法幫佢練到發音準確呢？

佢細細個已經好注意咬字，老師無論教佢讀咩佢都會好認真，所以口形有d誇張添。

michelle1222

"哥"變"多"...係條脷仔無縮去後面...
你叫佢讀多一次或模仿你的正確讀音時, 佢可唔可以讀啱呢??
你試下提佢讀時條脷仔要縮去後面...
如果都唔得...可以做下一D訓練舌頭後縮的口肌訓練...如吹氣, 用飲管等....然後再做發音訓練

原帖由 Kanax 於 11-8-30 00:29 發表
我個女已經5歲喇，之前佢有幾個音讀唔到，諗住佢大d就會識，但到今時今日仲係讀唔到「哥」(讀成「多」)，間中提佢練已經無咁多「d」音，但係有咩辦法幫佢練到發音準確呢？

佢細細個已經好注意咬字，老師無論教佢讀咩佢都會好認真， ...

irenelwl

我個女都有發音不正的問題, 讀K1時還小, 觀察下先, 到K2發現佢有小小改善但還有很多字發不到音, 於是打去健康院講有關問題(我去粉嶺個間), 個間健康院好好丫, 聽左我的問題, 好快按排時間比我見姑娘, 去到先比姑娘做測試, 類似BB D智能測驗咁, 姑娘比D指令佢做, 睇佢做唔做到, 咁我女又咩都做到, 姑娘就話咁證實佢聽力沒有問題, 跟住問下佢平時係家講野的情況。最後我女同個姑娘熟左, 開口講一連串的話, 姑娘也聽到他發音很多不正, 便安排睇健康院的醫生, 醫生再搵左幾張有圖片的單字比佢讀, 我女都好多讀唔正, 就證實左佢係發音不正, 寫左信佢去政府排期, 但要排一年LAW, 所以快點去排會好點,越早接受治療越好 。所以健康院無理由話唔受理的, 一次打去唔理, 打到佢理為止!我另外都有同我女排協康, 但都排左半年仍沒有消息

michelle1222

無法...政府條龍真係好長........最快都要一年啦.....有D要兩三年TIM!!

gnahgnah

等得政府都已經冇得救.... 呢d愈早醫愈好

monster_cps

• 我囡囡2歲半都係有發音問題，請問可以去邊度做語言評估？

恩林

我細仔5歲半, 上年排左政府, 今年11月有得睇喇~~ TT
其實佢又唔係發唔到某d音, 但總係覺得唔說話清楚, 好似d肥肉"左"住d音發出黎咁!
其實係咪都係問題呢~~!

ChattyST

2 歲半其實重細, 口肌發展都未成熟, 有啲聲母讀唔正都係正常嘅!
例如S音(水,書, 笑, 三)TS音(子,爪) KW音(龜, 瓜)..
不過如果你好擔心.去見ST, CHECK下都係好嘅

4001cc

我囡2歲10個月, 都係有此問題, "心" 讀DUM, "S" "F"音出不到.  唉!! 我都有擔心, 每次都慢慢讀一次, 要她看著我的口形一次.  希望大一點會好D.  她自己都知讀音要注意, 她也有盡量改善.

恩林

今日我帶我細仔(5歲)睇左威院嘅言語治療, 姑娘話佢ng未音冇咬清, 講野講得快, 但個口又唔開, 所以兩個月後又要番去上堂.....
但姑娘話dd case好快好, 上半年到應該冇問題了~~!

lokchingbaby

我囝三歲半，讀"青草"會讀成"星數"，可以點教? thx