40 vs 12 校網 男仔 大抽獎

Summer1983

想請問 男仔 選抽 12 定 41 校網好啲？
喇沙 同 st jo 會唔會勸退 ？
2間上書院 比例 幾多？

如果上唔到書院 會入 b2?
教淺考深嗎？

謝謝

Nbranson

兩個校網嘅兩間男校去做對比有一定難度... 不過港島嘅喇沙同九龍嘅聖若瑟可以講風格好相似.... 出到嚟社會都係物以類聚,會玩埋一齊.  而家喇沙嘅校監,後生啲嘅時候係聖若瑟嘅校長.

以我觀察學校就唔會勸退,不過成績透明度好高,你考得唔好成日喺尾個幾個,好多時都會讀讀下轉去其他學校,如果唔係都唔會年年暑假都有位畀人考小二至小五插班la.  

各自中學都會收八九成小學學生, 升唔到原校,係會去band2. 不過放心個底打得唔差,去到band2可能係一件好事.  Fyi.  早四五年,有聖若瑟小學升唔返上中學派咗去堅尼地道尾男校讀中一,中一全校考第一,中二轉返入中學. 勵志.  喇沙都係差唔多.

教深考深.  老實講同你講教得淺你都唔信啦.