陸慶濤 vs 播道

Driftwoodv

幾年前心儀播道,但入左陸小,幾年後睇番好彩入左陸小,多謝上天安排

恆星

陸小會好啲嗎？

Driftwoodv

恆星 發表於 26-1-13 09:11
陸小會好啲嗎？

以下是我覺得陸小比播到好的原因:
1. 播道是英小,但我覺得陸小兩文三語政策更適合我小朋友, 因為陸小科學和音樂是用英文教的,數學也會有英文工作紙,真正中英並重,唔會對中文完全失興趣

2. 陸小課外活動比較多,讀書同埋課外活動平衡得幾好，同埋保良局資源充足，學校好多課外活動都係免費嘅

3. 陸小重視steam, 每堂科學科都會做實驗，完全自己落手落腳去做，所以對科學嘅認知會比較深刻同清楚

4. 老師和校長也非常關愛，有很多正向教育

5. 無可否認陸小都係一間唔係太輕鬆嘅小學嚟嘅，家長都要跟到足，但係有時就係一分耕耘一分收穫

6. 讀龍校最緊要就係比較中學嘅DSE成績, 羅氏成績比播道好得多, 唔好以為播道英文DSE成績非常好，其實佢同羅氏嘅DSE成績係差唔多, 大概都係5+25%, 中文就一定比羅氏差，而面對羅氏最強勁嘅數理科，就完全比較唔到, 羅氏大部傷嘅數理科係達到1A嘅成績嘅, 由於我小朋友很喜歡科學和數理科，所以覺得陸小非常適合佢,從DSE成績睇唔到播道有乜嘢賣點,同埋由於無呈分試要跳船去好D嘅中學亦唔容易,所以非常感恩入唔到播道,如果唔係要諗跳番出去一間好banding d 嘅中學有D難

7. 陸小可以讀少一科宗教

8. 2028 會搬去安達臣道，係後千禧校舍，解決咗嗰個有啲人嫌陸小舊嘅問題

以上純屬個人意見

恆星

多謝你既分析(emoji)(emoji)‍♀️想問下陸小都有用普通話教中文，咁小朋友未入學前洗唔洗惡補一下呢？

Driftwoodv

恆星 發表於 26-1-13 10:16
多謝你既分析(emoji)(emoji)‍♀️想問下陸小都有用普通話教中文，咁小朋友未入學前洗唔洗惡補一下呢？
...

其實唔使太擔心呢樣嘢，我小朋友普通話都係一般般，其實頭一兩年係會普通話同廣東話一齊教㗎，如果普通話聽唔明老師會用廣東話解釋㗎，所以唔使擔心，跟住佢哋慢慢就會普通話越嚟越好㗎啦，同埋唔使擔心話小朋友會唔會淨係講咗普通話，唔講廣東話，其實陸小完全冇呢個問題,其實係極少小朋友講普通話嘅，但係有一部份小朋友就只講英文

恆星

咁就好了☺️我有去聽簡介會，感覺校長好友善，佢都話小朋友普通話差唔緊要佢地都會教好佢(emoji)

Driftwoodv

恆星 發表於 26-1-13 10:25
咁就好了☺️我有去聽簡介會，感覺校長好友善，佢都話小朋友普通話差唔緊要佢地都會教好佢(emoji)
...

轉左黃校長之後，確實陸小有很多方面都提升咗
校長確實非常友善，全部小朋友都好鍾意佢，每一日都係笑臉迎人

恆星

想問下，小朋友功課多唔多？洗唔洗外補？

Driftwoodv

恆星 發表於 26-1-13 10:45
想問下，小朋友功課多唔多？洗唔洗外補？

功課真係唔多，好多時候喺學校已經可以做晒，同埋欣賞佢好少抄寫功課，多數功課都係要用腦完成嘅,小一小二係輕鬆渡過嘅，但係小三開始就會忙啲啦，要唔要外補？真係要視乎小朋友嘅資質啦，我小朋友就冇外補，視乎你自己跟到足定係外判俾人教, 不過唔跟足都會好多甩漏嘅，除非小朋友非常聰明同埋自律性非常高

恆星

明白了，謝謝你(emoji)(emoji)‍♀️最緊要小朋友讀得開心同適合小朋友

Driftwoodv

恆星 發表於 26-1-13 11:13
明白了，謝謝你(emoji)(emoji)‍♀️最緊要小朋友讀得開心同適合小朋友

搵到小朋友合適好緊要,家長合適都非常緊要