國際學校教育模式

UTB

如果本地學校用國際學校的教育模式去準備本地課程／DSE考試，是否可行？

RainyRice

UTB 發表於 25-5-1 21:34
如果本地學校用國際學校的教育模式去準備本地課程／DSE考試，是否可行？

會唔會係要睇考試試題類型以及評分標準？

UTB

RainyRice 發表於 25-5-1 23:30
會唔會係要睇考試試題類型以及評分標準？

我覺得總係有d嘢令國際教育模式不能應用在本地課程，但我又想不到是甚麼。

964000

UTB 發表於 25-5-2 00:20
我覺得總係有d嘢令國際教育模式不能應用在本地課程，但我又想不到是甚麼。 ...

老師和校長mindset, 小學太重測驗考試
已經不行

UTB

964000 發表於 25-5-2 07:00
本帖最後由 964000 於 25-5-2 07:00 編輯

老師和校長mindset, 小學太重測驗考試

其實我有兩個想不通嘅問題：1）國際學校考IB/IAL;程度大致同DSE相約，兩者的畢業生也銜接大學課程；2）唔少本地學校校長／教師的子女，甚至佢哋自己也是讀國際學校出身的，佢哋都好清楚國際學校係點運作的，但不考慮套用在本地學校。

poonseelai

分享一下一位英文兒童圖書書商的睇法： 人人都話學好語文要多聽講讀寫, 為何學校會多默書測驗？

因為要評分排名次, 咁要有標準答案

ibo規定小學不可以有測考, 學生可以用唔同方法去處理一個問題

Radiomama

UTB 發表於 25-5-1 21:34
如果本地學校用國際學校的教育模式去準備本地課程／DSE考試，是否可行？

首先要搞清楚咩叫「國際學校的教育模式」，其實我反而覺得本地學校早已用上國際學校的教育模式，例如活動教學、行project based的功課、專題報告、presentation, 又會搞好多乜乜日去做跨學科學習，STEM學習動手做，甚至曾經有本地女校嘅老師同學生仲一齊砌飛機。

不過一講到考試，就算已經加入埋持續評估，但係筆試模式不變，咁最後學生和老師仍會為那部份的百分比而努力drill; 更加遑論高小學生為了呈分試而日夜鍛鍊。

twobirds

UTB 發表於 25-5-1 21:34
如果本地學校用國際學校的教育模式去準備本地課程／DSE考試，是否可行？

本地考試模式DSE相對還是比較公平的, 為照顧到普羅大眾, 應該不能完全照搬國際學校的教育模式吧.

964000

Radiomama 發表於 25-5-2 14:07
首先要搞清楚咩叫「國際學校的教育模式」，其實我反而覺得本地學校早已用上國際學校的教育模式，例如活動 ...

對，我覺得國際學校分開小學同中學看，小學真係好大分別，主要冇測考冇功課，而且香港大多數國際學校是一條龍，升中沒有升中試的壓力，呢樣本地小學好難做到，個個都想升英中/band 1, 所以無論什麼模式，只要有競爭的需要，想輕鬆已經好難。
所以我覺得小朋友有好的一條龍幼稚園小學中學，已經賺了。
至於中學，大家都有公開試壓力，除非冇要求才會冇乜壓力，不過本地學校中三又有一個關卡，好多要看成績選科，好多band 2又要爭入精英班先有英文教學，真係想唞吓都唔得，一條龍國際學校，到最尾嗰幾年先發力都得。