SMC vs SFA

Esther媽咪

有這兩家offer，唔知點揀好，都聽聞sfa好谷，學術深，想進取插班神校可以揀這家。但smc網上好少見到評論，所以唔太熟，有無用家分享這兩家學校的評價？
女女性格活潑，讀lh幼稚園，學術還不錯。其實鍾意活動教學多d，擔心sfa傳統教學唔習慣，同埋會少左上興趣班時間。

dupbuu

俾我揀smc直上中學，呢幾年dse 成績好又可能有a level，活動教學少功課，個人唔buy sfa 果種咁多功課嘅學校，初小應該多啲時間睇課外書。

ho_yan2406

smc 小班,少功課,學術都唔淺

ahpopoo

不難選，睇睇心頭幾高

RWKT

Esther媽咪 發表於 21-11-30 23:29
有這兩家offer，唔知點揀好，都聽聞sfa好谷，學術深，想進取插班神校可以揀這家。但smc網上好少見到評論， ...

SFA 並不是外面形容到咁多功課咁死板。每朝上學前小朋友也有帶書回校閱讀的習慣，放學後亦有好多小朋友有時間去參與課外活動。
不過課程的確係會教快半年，而且普教中大家K3暑假有時間可以準備吓。

我覺得學校安排定期嘅小測默書可以鞏固學期中學過嘅嘢. 小朋友到考試前也溫得輕鬆d也是好事啦。印象中上年減少到一年三測.  雖然小朋友已不是現校生，但我很欣賞SFA能給學生打下很強的學術根基，讓不同小朋友將來有出去再闖的機會。 小小意見

hht-jamie

你女女咁早收到Smc Offer 又讀LH幼稚園 一定又乖又合作。 應該等埋DGS 同SPCC再決定揀邊間。 留SFA Offer對你之後再選擇應該更靈活！

kudon

其實而家d傳統學校根本就唔再係咁死板，上堂時老師都教到好多課外知識。反而d小朋友跟唔到課程就話學校又深又谷，又話搞到冇晒學習興趣。實情係個細路根本未有呢個程度，或者閱讀量唔夠。

一條龍學校人人話好，咁又係咪真係適合小朋友呢？

我小朋友讀過唔係一線嘅真正一條龍學校，結果係越讀越懶，身邊的同學仔一放學就講打機，我小朋友都染到少少惡習。仲有小朋友嗰間學校成績表只列頭三位置，要轉校插班並唔係想像中咁易。好彩係更多人更 hea讀過佢，所以轉到校。


另外喺EK咁耐，d龍校用家從來唔會分享自己學校成績表冇列名次，或者去到級幾先有名次，如果小朋友係級前列但又未能寫落成績表，又冇老師評語，根本就好難插班更上一層樓。



如果真係想入一條龍學校，最好要100%like間小學和中學，同埋多去了解中學部多唔多外校生，讀得掂嗰d學生係原校生多定靠外校生撐起，中一同中六可以好大分別，而且重讀中六都已經幫學校推高4＋百分比，睇下自己介唔介意。

揀學校最好都係要揀間適合小朋友性格穩陣d


不是 SMC和SFA用家

兜兜要轉轉

如果你想繼續玩落去一定選SFA，讀得好再出去插班，讀得辛苦跳船都大把選擇。
如果已經玩夠只想一條龍上，就SMC啦，但你讀得LH，會唔會甘做？

twhkleung

Esther媽咪 發表於 21-11-30 23:29
有這兩家offer，唔知點揀好，都聽聞sfa好谷，學術深，想進取插班神校可以揀這家。但smc網上好少見到評論， ...

其實楼主選了两間截然不同的學校，依家都有offer了，應該回想為什么要選這两種（不是這两間）學校，咁應該唔難决定到。

CXW

我女都LH 出身，上年考小，比我會選SMC , 我唔buy SFA 死谷爛谷，SMC 開心活動好多，一條龍小學就係有12年時間，所以唔使一開始就谷。讀得LH , 通常唔buy 傳統果套，SFA 亦都大把人放，揀得多數冇更合適offer 。加上，你咁早有SMC offer , 呢批小朋友通常之後會有更好的，不用糾結。

twhkleung

CXW 發表於 21-12-1 12:25
我女都LH 出身，上年考小，比我會選SMC , 我唔buy SFA 死谷爛谷，SMC 開心活動好多，一條龍小學就係有12年 ...

不論SMC或SFA,或其它，只要倍養到小朋友愛閱讀，愛發問(不管問老師或問自己）和愛追求問題的答案，咁多多工課都唔算压力和谷了。
記得前2年，SMC有個跳级好多次的學生，S5 後牛津大學就直接收了他，報子訪問他爸爸，他爸爸說兒子練習作足足多到有兩個人咁高。
聰明如他，也會做那么多練習，可見係咪算谷，其實睇番學生自己点睇，如果果樣係佢喜愛既野（科目），就算日做夜做，佢都唔會覺得谷，关建係學校有冇去為每位學生發掘佢的個別才能

Esther媽咪

RWKT 發表於 21-12-1 09:35
SFA 並不是外面形容到咁多功課咁死板。每朝上學前小朋友也有帶書回校閱讀的習慣，放學後亦有好多小朋友有 ...

多謝分享

Esther媽咪

twhkleung 發表於 21-12-1 13:23
不論SMC或SFA,或其它，只要倍養到小朋友愛閱讀，愛發問(不管問老師或問自己）和愛追求問題的答案，咁多多工 ...

多謝分享

小曳人

我同意，SFA 唔係外界講到咁谷咁，教深係事實，但好多間KG都教深，所以有offer 嘅係絕對應付到！如果LH 呢類名幼講，坦白講，上到津小係大半年英文、數學兩科無新野學，或好少新知識

所以，SFA只係跟返名幼教咗嘅程度，繼續教

我同意，其實讀一條龍唔一定係好事，當你以為進可攻，退可守時，其實有機會hea 到無乜戰鬥力，又或者，你以為可以攻時，小朋友已經唔肯轉校，或者唔願意讀某d學校，所以，其實係少咗機會

當然，每間學校都對個人有pros and cons，到底打好學術根基緊要，定係開心學習緊要？好睇家長想點

你俾我揀，我深知SMC 嘅好，但抱歉，我放唔低"傳統名私"，去揀間"新派直資"去開心
如果你無呢個擔子，我真心覺得SMC 係好學校，認識嘅用家家長都讚，而上面話唔願轉走嗰位，其實係年年級一，攞全費獎學金嘅學生，學校建議跳班都唔跳，孩子係一個從少就好有主見嘅人，當年有熱門男校收小一都唔讀，係要讀SMC！

mcl203

如果超越一般小朋友嘅適合程度，唔歸類為谷。咁谷呢個名詞，可以各自去理解了～～～

jennifertam20

其實谷唔谷，好睇小朋友本身既程度同埋能力…
LH本身都教得深好多，應該銜接到SFA課程。
SMC 身邊朋友講，都係番得開心嘅學校，唔太多功課。

twhkleung

CXW 發表於 21-12-1 12:25
我女都LH 出身，上年考小，比我會選SMC , 我唔buy SFA 死谷爛谷，SMC 開心活動好多，一條龍小學就係有12年 ...

你都講得好啱，咁早就有SMC offer, 按以前經驗，相信嚟緊會收到更好的offers揀

Esther媽咪

twhkleung 發表於 21-12-1 19:14
你都講得好啱，咁早就有SMC offer, 按以前經驗，相信嚟緊會收到更好的offers揀
...

希望借你吉言，等緊年底最後兩家結果，唔知有無聖誕禮物比我

RWKT

小曳人 發表於 21-12-1 17:45
我同意，SFA 唔係外界講到咁谷咁，教深係事實，但好多間KG都教深，所以有offer 嘅係絕對應付到！如果LH 呢 ...

完全同意。

Poyau

dupbuu 發表於 21-12-1 00:04
俾我揀smc直上中學，呢幾年dse 成績好又可能有a level，活動教學少功課，個人唔buy sfa 果種咁多功課嘅學校 ...

SMC 2021年成績有進步

2021年 | 2020年
中文5+ 10.9% | 12.9%
英文5+ 54% | 38.8%
數學5+ 31.7% | 18.8%
-----------------------------------------
CEM5+ 32.2% | 23.5%
通識5+ [<9.2%^] | 8.8%
-----------------------------------------
主科5+ [>24.2%] | 19.8%

33222 80.9% | [···]
港大 33.9% | [···]

^ 無公佈 估計低於全港

#11
https://www.edu-kingdom.com/forum.php?mod=redirect&goto=findpost&ptid=3852630&pid=49002513&fromuid=2734087