卷幼，平日老人家湊，點利用平日時間？

ada100525

想問問大家，我的小朋友剛升K1，讀卷幼，我係working mom, 平日由老人家湊，從小到大都有伴讀，但最近小朋友開始唔鐘意睇書，抗拒睇書。

有一次，同佢講玩完手上的玩具，之後就係睇書時間，佢竟然喊左出黎，話唔想睇書。我覺得係因為平日老人家湊，少左時間睇書，開始無左睇書的興趣。

想知道點利用平日時間令小朋友都睇書呢？唔知你地既小朋友日頭會自己睇書嗎？你地放工後會點利用平日晚上的時間呢？只睡前伴讀？

我小朋友唔係咁鐘意用點讀筆，唔知除左用點讀筆外，仲有無其他方法呢？

萬分感謝！

emma1994

我小朋友同識幾個既小朋友都唔中意點讀筆，話枝筆會講嘢同有音樂好恐怖

伴讀方面，我FTM。不過我先生每日番到屋企都會keep住同小朋友講一個故事，習慣左又無問題

By the way，媽媽加油。試吓睇唔同類型既書，睇下小朋友有無興趣，再慢慢培養番閱讀習慣

ada100525

emma1994 發表於 20-9-29 21:22
我小朋友同識幾個既小朋友都唔中意點讀筆，話枝筆會講嘢同有音樂好恐怖

伴讀方面，我FTM。不過我先生每日 ...

可能係我最近選給她的圖書唔岩佢口味。

emma1994

ada100525 發表於 20-9-30 00:01
可能係我最近選給她的圖書唔岩佢口味。

小朋友睇書真係好厭尖
我試過帶啊女去誠品，諗住畀佢自己揀，佢話睇唔到入面（因為佢想睇既差唔多本本都包曬膠袋），結果咩都買唔到。相反，商務個啲佢可以睇到內容既就會揀到書。

藴藴

本帖最後由 藴藴 於 20-10-5 13:20 編輯

當小朋友開始大，就會開始玩自己喜歡既，抗拒睇書，始終睇書真係一件悶既事情。
你要挑選小朋友喜歡既書，我仔由Oxford reading tree 開始睇，之後睇迪士尼，恐龍，喜羊羊，而家5歲鐘意睇marvel/屁屁偵探，每晚臨訓前都會有半小時的親子閱讀時間，加油，睇書係一個好習慣，小朋友終生得益，要堅持

ada100525

藴藴 發表於 20-10-5 13:19
本帖最後由 藴藴 於 20-10-5 13:20 編輯

當小朋友開始大，就會開始玩自己喜歡既，抗拒睇書，始終睇書真係 ...

係呀，而家小朋友只係想玩，少左時間睇書，只怕佢睇得越少就越唔鍾意睇。我每晚都有伴讀，只係1-2本 peppa pig.
而家我買了巧虎，康軒，ort (唔係咁鍾意睇)，peppa pig，piggie and Gerald，first little reader ，Fly Guy ( 睇左一兩本就唔想睇)，Froggy (興趣不大)，I can read biscuit. 係咪種類唔夠豐富？有無其他好提議？

notcool

回覆 ada100525 的帖子

我通常去圖書館。找我喜歡的書。盡可能多借。我發現的一本書是 Winnie the witch《女巫溫妮》

ada100525

回覆 notcool 的帖子

多謝你的分享。我即刻去search下，覺得圖畫好靚好吸引，但我個女只係三歲，會唔會好深？會唔會太抽象？你小朋友幾歲睇？你伴讀？

另外想問問，而家疫情關係，你地仍會去圖書館借書番屋企睇嗎？

notcool

回覆 ada100525 的帖子

>>多謝你的分享。我即刻去search下，覺得圖畫好靚好吸引，但我個女只係三歲，會唔會好深？會唔會太抽象？

大約4,5。毫無疑問，3歲會難一些。但是圖片很棒,有很多有趣的細節。如果她不喜歡，我會讀另一本書。我的目的是使她對書籍感興趣。我通常會選擇我覺得有趣的書。




>>你伴讀？
當然。這是和孩子們一起養成閱讀習慣的最佳時機.我讀給她聽,更注重與孩子的互動, 就像你在演戲。。我不需要她在3歲時自己閱讀。聽，說,在3歲時最重要


>>另外想問問，而家疫情關係，你地仍會去圖書館借書番屋企睇嗎？
是。一些圖書館可能裝紫外線清潔機。必要時使用酒精清潔. 如果太擔心就不要這樣做

藴藴

ada100525 發表於 20-10-6 16:57
係呀，而家小朋友只係想玩，少左時間睇書，只怕佢睇得越少就越唔鍾意睇。我每晚都有伴讀，只係1-2本 peppa ...

要睇佢喜歡咩，小朋友幾大？要從小培養，因為越大貪玩。
以前經常去圖書館，今年無去，買左好多書在家睇。

zaba

我囡同你小朋友一樣大, 今年 K1
佢係書虫, 我哋如果去咗婆婆度過夜或者出咗去 staycation, 佢一返到屋企第一件事就係撲埋書櫃, 坐低刨書.
我覺得樓主你可以試下比多啲唔同類型既書佢, 睇下佢有乜嘢喜好. 例如佢鍾意 sesame street, 你可以喺圖書館借下嗰啲書比佢. 佢鍾意動物, 就借下動物百科.
我自己比較鍾意台灣繪本, 我覺得比功能書 (漢字基礎500, ORT嗰啲) 吸引.
我囡都係讀券幼, 我都係晚上睡前同佢睇30分鐘, 再加埋返學放學路人會睇下書... 最緊要令佢生活裏面處處係書, 老人家或者可以帶下小朋友去圖書館, 久而久之就可以培養出習慣來.

ada100525

回覆 藴藴 的帖子

而家小朋友3歲，佢鐘意動物的。而家我可以做的就只有買多啲唔同類型的書去吸引佢，令佢唔好咁抗拒。只得每晚訓教前盡量同佢睇多啲，增加睇書時間。
咁平日朝早係咪都無其他方法？另外我囡鐘意唱歌聽音樂，係咪可以試下廖彩杏套書黎吸引佢先呢？

ada100525

回覆 zaba 的帖子

請問你囡係咪平日朝早都會自己攞書睇嗎？可以分享一下你囡而家睇緊既書，給我參考嗎？

zaba

ada100525 發表於 20-10-7 10:26
回覆 zaba 的帖子

請問你囡係咪平日朝早都會自己攞書睇嗎？可以分享一下你囡而家睇緊既書，給我參考嗎？ ...

我囡返全日班的, 如果假期, 佢真係起身就會去拎書睇.不過我比較佛系, 唔催谷, 佢而家只識少量中文字, 當然唔會可以自己行閱讀, 但佢會仔細睇繪本既圖畫, 睇得津津有味.
你可以留意下台灣上誼, 信誼, 小熊出版社既繪本
我哋最近伴讀既書有:
<鱷魚愛上長頸鹿>系列
<跟著動物醫生過一天>系列
宮西達也既書
五味太郎既書
英文就睇
Dr Suess, Jon Klassen 同 Benji Davies 做插畫既書, AlphaTales 等

ada100525

回覆 zaba 的帖子

多謝你的分享。
原來你的小朋友係番全日班，咁你都係夜晚訓教前先會睇書講故事？平日放工後會同小朋友睇幾耐書？

其實自己每晚都係得訓教前先可以同小朋友睇10-15分鐘書，因為只得呢段時間平時去睇下書，日頭大部分時間都無睇書的習慣，就會變成每次都係我要求佢去睇，而唔會自己走去睇書。

唯有我再簡多啲唔同類型既書去吸引佢，星期六，日再增加多啲時間黎陪佢睇。

sjsjsjj

zaba 發表於 20-10-7 10:44
我囡返全日班的, 如果假期, 佢真係起身就會去拎書睇.不過我比較佛系, 唔催谷, 佢而家只識少量中文字, 當然 ...

Thanks for sharing.
請問英文書有冇書名推薦？想去圖書館借黎睇下

zaba

ada100525 發表於 20-10-7 18:26
回覆 zaba 的帖子

多謝你的分享。

我哋睡前閱讀時間由10至30分鐘不等, 視乎佢嗰晚會唔會好眼瞓. 精神既時候佢會要求睇6-7本. 我通常會建議佢揀2本, 我揀1-2本
我哋因為住得遠, 返學放學要坐一段時間既車, 所以我每日都會帶定一本書喺手袋, 佢有興趣時就會同佢一齊睇下. 佢有時會問: 媽媽今日我哋準備咗邊本書呀?

我諗將書本成為生活一部分係緊要既, 我自己都會睇書, 佢會問我本書講乜架, 點解你想睇之類.

zaba

sjsjsjj 發表於 20-10-8 00:32
Thanks for sharing.
請問英文書有冇書名推薦？想去圖書館借黎睇下

你應該 search 作者都會揾到例如 Benji Davis, 我哋超愛 The Storm Whale 同 The Storm Whale in Winter
我哋家庭理念係, 除咗內容同語言之美, 插圖有美感都好重要.
審美能力應該由小培養的

sjsjsjj

zaba 發表於 20-10-8 08:50
你應該 search 作者都會揾到例如 Benji Davis, 我哋超愛 The Storm Whale 同 The Storm Whale in Winter
我 ...

Thanks  
因為Dr Suess 同 Alpha Tales圖書館都搵唔到，而家喺淘寶搵到喇
Alpha Tales係學26英文字母嗰本？

zaba

sjsjsjj 發表於 20-10-8 09:14
Thanks   
因為Dr Suess 同 Alpha Tales圖書館都搵唔到，而家喺淘寶搵到喇
Alpha Tales係學26英文 ...

係呀, 字母嗰套真係唔錯