救恩 VS 真道

stephanieysc

救恩小學 VS 真道書院
有沒有用家分享下兩間學校？
家住將軍澳
囡囡比較怕羞、文靜、喜歡看書畫畫、欠缺自信、
面對逆境會容易氣餒（非遇強愈強類型）
需要有愛心老師及多鼓勵、正向教育
英文程度很好（能聽說及閱讀小三程度英文書）
數學比較弱
體能差、音感差、
視覺藝術🎨好好


現爭扎兩間學校、不知道怎樣選？！

slingbb

救恩又轉校長，又遠
真道十一年一貫課程，學校亦很有心辦教學，如果我我會㨂真道

Poyau

真道一條龍 升中無煩惱
救恩升中主力考直資 內歛要下功夫

deco99

兩間都算有愛心嘅學校，住將軍澳揀真道啦，返學放學悭一個鐘，又有中學backup。但數學弱家長要跟下，真道數都教得幾快。

miujoey

小朋友讀真道， 兩間我都鍾意， 如果你要有愛心真道一定符合你要求， 小一小二生學校包容度很高， 數學教快半年至一年， 英文教快一年， 中文有些書亦教快一年。

kudon

識人有呢兩間offer, 最後揀咗救恩，因為佢囡英强中弱，見過真道中文科頗深，擔心小朋友跟唔上



救恩學費$5730，私校
升中以自行及考直資為主，大抽獎位於中西區，女仔多band 1中學選擇

真道學費$2860，直資
一條龍升中，無呈分試，升中想跳船不容易，不過中學有 ib/dse

mcl203

kudon 發表於 20-8-22 13:00
識人有呢兩間offer, 最後揀咗救恩，因為佢囡英强中弱，見過真道中文科頗深，擔心小朋友跟唔上

救恩係中文小學，升中亦大比例去直資～～～

prickle

stephanieysc 發表於 20-8-21 17:05
救恩小學 VS 真道書院
有沒有用家分享下兩間學校？
家住將軍澳

我小朋友讀真道，亦家住將軍澳。
英文好，愛閱讀都適合讀真道。

至於地點，真道較近，早上唔需要6點幾上校車小朋友大人都可瞓晏點，
但真道放學遲，放學到家時間應該貼救恩差唔多。

整體覺得學校有關愛，對家長亦體諒，我小朋友讀得開心，學校唔會將小朋友塑造成特定類型，會給予自由空間去發展個人興趣。

眼見同學們有活潑型，又有文靜型，不過相信學校文化環境有助文靜型小朋友變得外向。

另外如果經濟有考慮，真道學費加校車費應該是救恩一半。

bobbob

stephanieysc 發表於 20-8-21 17:05
救恩小學 VS 真道書院
有沒有用家分享下兩間學校？
家住將軍澳

如果覺得中學上返真道都ok就揀真道，因為學制比較另類而且無呈分會較難外闖

stephanieysc

囡囡語文能力好、中文都不太擔憂

眼見谷友都質素高、分析得透徹、也因為這樣我才三心兩意

救恩跨越學科學習、加上重啟發思考、有信心救恩可改變囡囡變得活潑主動、之前訪問幾名現讀生的父母評語都正面、加上很欣賞前校長陳梁淑貞（同是港同創校校長）有魄力、有愛心、有遠見、參考芬蘭式教育、教出愛閱讀、熱愛學習的小朋友、升中成績又理想。 若果依然係陳校長、無疑問會選擇救恩。但現在又換了新校長。 但6年後、又再面對考直資中學、呈分試、那種心理壓力也很大、始終有個未知數在前面。但中西區中學女生band 1 學位比band 1 人數多、也同時有優勢

真道同樣為基督教學校、有愛心及包容、資源充足、一條龍無篩選（聞說不會勸退學生）確實很吸引。但能否培養囡囡成為主動學習小朋友，希望現校生可以比點意見。勝價比高。11年學制、課程非常緊湊也偏深、但最關鍵是比同齡早一年參加公開試（無論IB或DSE)。先生覺得是讓賽、資優生當然不介意、（但始終孩子還小、有無限可能）若讀下去孩子是中庸生、不知道早1年考公開試會否削弱他的競爭能力？ 大家怎樣看？ 另一面看、若囡囡是叻、應該可以入IB、真道IB 成績亮麗。若日後發現囡囡中庸band 2 材料、讀DSE、DSE真道還算是品行好的學校、總比在外被派一間校風差band 2 中學好。

魚與熊掌、應該怎樣選擇？！

miujoey

stephanieysc 發表於 20-8-22 19:27
囡囡語文能力好、中文都不太擔憂

眼見谷友都質素高、分析得透徹、也因為這樣我才三心兩意

給多個資料你， 真道你只要保持中上成績， DSE＋ IB大約有幾個60幾percent入到大學， 十一年課程很緊湊 家長要跟得足， 年年都有人留班。

stephanieysc

回覆 miujoey 的帖子

60%入U 是高還是低？ 不好意思、入U 離6歲囡太遠、未研究到

miujoey

stephanieysc 發表於 20-8-22 20:44
回覆 miujoey 的帖子

60%入U 是高還是低？ 不好意思、入U 離6歲囡太遠、未研究到 ...

去不到band1， 應該band2A

miujoey

stephanieysc 發表於 20-8-22 20:44
回覆 miujoey 的帖子

60%入U 是高還是低？ 不好意思、入U 離6歲囡太遠、未研究到 ...

2019年是 65%

kudon

如果中文不需要擔心，英文又有小三程度，又接受到中學部，當然選擇真道啦。近近地讀書，一條龍升中，不用六年後又煩過。
救恩又轉校長，都唔知新校長做唔做得耐，而且六年後呈分又擔心過，變相呢六年小學唔可能完完全全輕鬆學習。

prickle

stephanieysc 發表於 20-8-22 19:27
囡囡語文能力好、中文都不太擔憂

眼見谷友都質素高、分析得透徹、也因為這樣我才三心兩意

救恩確實有不確定性（轉校長、升中），我覺得呢兩點都重要，視乎你在乎成績 或 快樂學習邊方面。

如果是成績，似乎救恩有多點機會突圍，始終中西區校網確是女孩子最佳校網。相反如果快樂學習，真道會較易達到，因為不用憂慮升中，小朋友高小時可以輕鬆點，不用急於催谷。

兩間都是好學校，所以各有優劣，亦必須取捨。

Babemo

slingbb 發表於 20-8-21 17:47
救恩又轉校長，又遠
真道十一年一貫課程，學校亦很有心辦教學，如果我我會㨂真道
...

睇到關於救恩新校長嘅報道，感覺正面！

mcl203

kudon 發表於 20-8-22 20:57
如果中文不需要擔心，英文又有小三程度，又接受到中學部，當然選擇真道啦。近近地讀書，一條龍升中，不用 ...

真道，依校網所講，頭2年除英文外，全中文教學，第一年英文要有小3程度？～～～

deco99

mcl203 發表於 20-8-23 18:00
真道，依校網所講，頭2年除英文外，全中文教學，第一年英文要有小3程度？～～～
...

係樓主話佢嘅小朋友英文有小3程度，都唔出奇，好多私幼小朋友都有咁上下

mcl203

deco99 發表於 20-8-23 20:44
係樓主話佢嘅小朋友英文有小3程度，都唔出奇，好多私幼小朋友都有咁上下
...

私幼有小3程度，咁就好利害喎～～～