阿女2019年1月插班讀pn，越喊越緊要，晚晚發夢話唔返學

Onegai

阿女自返學後，每日都會同我講no school，情況仲每況愈下，早上一睜開眼，就話no school，扭到下晝送到學校要拜拜仍然喊⋯放學我見到佢仲係喊樣喺課室等接。因為佢係插班，所以冇適應期，我可以做嘅就係同佢睇校內派嘅書本同多d同佢講老師讚佢丶其他小朋友都鐘意佢，但仍然效果不彰。想問有冇媽媽有同樣經驗可以分享下？謝謝！

sailormercury

是否小朋友想 no school 因為唔捨得媽媽？試下你搵幾日一早就離開屋企（話今個星期有事要出街），等一些無咁熟的人（eg 工人、公公等）帶她上學，可能她會無咁唔捨得，咁就唔會喊咁多。慢慢就習慣。親身經驗。

Onegai

回覆 sailormercury 的帖子

我暫時冇請姐姐，四大長老亦各有工作或唔喜歡湊小朋友，所以都比較難抽身，anyway thanks for your suggestion❤️

yubaba

只是一個星期多D, 觀察多一排, 有D喊一兩個月添。我仔都係兩個幾三個月先無喊。可以問下老師佢上堂情況, 有D小朋友只是見到媽媽先喊。

zukieem

Onegai 發表於 19-1-11 13:30
阿女自返學後，每日都會同我講no school，情況仲每況愈下，早上一睜開眼，就話no school，扭到下晝送到學校 ...

可以觀察多排先，有啲小朋友都要成幾個月先適應到，慢慢就慣

Pudding00

我小朋友啱開始返PN都有呢個狀況 試過發開口夢 都係講 no school 我都同老師反映 老師就話冇事嘅 老師當時點解釋我已經唔記得佐 不過等小朋友適應佐之後就唔會再咁樣嘅啦 媽媽可以再觀察下 無須太擔心

Onegai

多謝媽媽們呀。

Onegai

最難受係同學校園長諮詢阿女咁嘅情況之後得到嘅回應，言談間係認為家長唔夠識培育出一個獨立嘅小朋友，同埋話雙職父母交託俾姐姐湊嘅小朋友比較容易適應新環境，我同阿女親子關係太close etc...

超能爸爸

唔好懷疑自己同小朋友得嗰2歲人仔要自己上堂係會唔習慣
平時多少少練習下分離或者有幫助
同埋畀多啲信心佢  話媽媽一陣一定會嚟接返佢
好似上面啲家長講  畀多少少時間
一定沒問題的  加油

Onegai

回覆 藍尾巴 的帖子

之前特意辭職湊女，就係想令阿女更加健康快樂地成長，聽到某d意見，令我質疑自己係咪做錯咗，多謝你句唔好懷疑自己同個女，的確兩歳仍然未夠大去面對分離。等我又試下呢d幽默說法，多謝你！

Luikm

Onegai 發表於 19-1-11 13:30
阿女自返學後，每日都會同我講no school，情況仲每況愈下，早上一睜開眼，就話no school，扭到下晝送到學校 ...

不用擔心！我女女是7月尾BB，返學時也是2歲多DD，佢都喊左2個月，比D時間佢，當佢同老師建立了安全感，熟悉了學校環境及上學模式就會自然ok!

Onegai

多謝大家呀

Onegai

回覆 藍尾巴 的帖子

哈哈，的確到時又到媽媽失落

celialeungcelia

不用擔心. 1月開始返. 都只係11 日.
我仔仔. 9 月開學到而家. 喊足4 個月. 冇野既. 冇野既.

nixphoenix

小朋友2.5歲後嘅separation anxiety 先會減輕啲
小朋友兩歲返學喊好正常
就係因為喊先代表小朋友同媽媽嘅attachment built up得好

mjfan

試下同佢睇關於番學既繪本，同佢解釋番學係咩一回事，做下心埋準備

Onegai

其實可以做嘅預備工夫都做咗，但佢仍然係好抗拒返學，今日放學攰到瞓咗，瞓醒又再話唔去返學，由六點講到宜家。

Onegai

回覆 celialeungcelia 的帖子

我聽過有人話喊足一年⋯⋯所以都好擔心。不過你小朋友放學前後有冇喊？