好苦惱，麗港城迦南同維多利亞同一日面試,你們會點揀

Tangwingsum220

如題！同一日有呢兩間學校嘅幼稚園面試，但又唔可以去晒兩間因為只係相差45分鐘面試時間咁你地會點揀？伽藍就簡單啲傳統d,但係維多利亞我本人學識和英文都不太好會唔會有影響？
好似話都好睇家長嘅表現，係咪有好嘅就應該去試好d架呢？請指點迷津

BlossomAlmond

你個人比較喜歡邊一間學校？地點邊一間近屋企多啲？

小朋友讀緊維記，絕對係好學校，小朋友開心又學到野，唔谷，老師非常正面有愛心，非常鼓勵性。

去過唔同學校面試，面試形式同氣氛，都已經好反映一間學校嘅作風。維紀相對靈活啲，冇咁死板一定要小朋友百分百做到某D要求。（例如有啲學校面試係要求小朋友跟足晒老師要求順着特定顏色去搭積木之類）

迦藍冇研究，冇考過，唔清楚。

另一個考慮因素係，你認為小朋友嘅氣質邊間學校取錄機會高啲。

Tangwingsum220

回覆 BlossomAlmond 的帖子

你好呀，我想問吓維多利亞面試是否會睇埋家長質素？佢係用中文定英文面試？會用英文同家長講野嗎？
我就係驚自己嘅英文唔得，所以我就喺度猶豫緊去唔去

BlossomAlmond

我地係PN面試入去，第一輪面試淨係考小朋友，有自由活動時間、老師帶唱歌講故仔、同埋要求做下動作咁。旁邊有好多老師負責觀察小朋友同計分。

如果過到第一輪面試，學校會再邀請父母參與第二輪面試。第二輪面試淨係見父母。可以選擇中文或者英文面試。不過係等緊面試期間，有一位英文老師會專登走埋嚟同一對父母用英文“傾下閒計”，我估計都係觀察父母嘅一部份之一。

Tangwingsum220

回覆 BlossomAlmond 的帖子

謝謝你的回覆，咁第二part面試會大概問咩問題？thx

BlossomAlmond

都係一啲好大路嘅問題，例如：點解揀我哋學校，平時邊個照顧小朋友？平日或者週末會同小朋友做啲乜？你對小朋友或者學校有乜嘢期望之類。

BlossomAlmond

我相信面試家長嘅用意，主要係想睇吓家長係咪正常人（冇學校老師會鍾意怪獸家長），平時點同小朋友相處同埋教育小朋友，同埋睇吓家長有幾願意參加投入學校活動，願唔願意配合學校之類。

打個例子，學校會鍾意聽到家長分享，平時去超級市場買嘢，都會叫小朋友幫手數，兩包餅，三個番茄，四個蘋果，幫手擺入購物車。因為學校都幾強調，係日常生活上鞏固學校學到嘅知識。

Tangwingsum220

回覆 BlossomAlmond 的帖子

非常感謝你解答我❤️❤️❤️

星星的後裔

視乎你住邊，住麗港城/匯景我會選靈糧，如非必要我唔鍾意搭校車。若兩間都要搭車，我選維記，出名d. 希望對未來考小一有少少幫助。

莫失莫忘

Tangwingsum220 發表於 18-11-2 13:56
回覆 BlossomAlmond 的帖子

你好呀，我想問吓維多利亞面試是否會睇埋家長質素？佢係用中文定英文面試？會 ...

話完全唔睇家長背景就呃你, 未至於要你英文去到native程度,但要對答到。睇牌面就迦南機會高d。你考九龍定港島維記?

nixphoenix

星星的後裔 發表於 18-11-3 08:56
視乎你住邊，住麗港城/匯景我會選靈糧，如非必要我唔鍾意搭校車。若兩間都要搭車，我選維記，出名d. 希望對 ...

同意

Tangwingsum220

回覆 莫失莫忘 的帖子

我考九龍呀 君港滙