擔心！等cac評估，現在可以做什麼去救我女？

beryillium

我女三歲3個月。CAC姑娘話我女只需要報社交小組，再等評估。
俾左一堆有關自閉症單張，打去查詢後間間都要有評估報告才可以排位。

1.我想問我應該去做協康評估定等CAC評估呢？

2.我想問有冇機構係唔需要報告都可以排位做治療？

3.我想問問各位前輩新界有冇社交小組可以介紹下俾我，因我住大埔，出去耀能，邁步對我們來說實在太遠了。

謝謝各位幫忙先。

WB1115

你講多少少阿女情況呀

beryillium

回覆 WB1115 的帖子

我女固執，要順應她要求，去到陌生環境或餐廳會大吵大鬧，時常有“我好驚/唔開心/好嬲”做口頭蟬，但問她點解又未答得出。去CAC姑娘玩具部分，我女都做到要求，唯一係唔肯將積木搭高，堅持排直線。
所以姑娘都話佢有固執，要我女等出年11評估前，去做下社交小組看看有冇改善。
我都想知我女情況是否很壞？是否需要立刻做評估和密集治療？

WB1115

beryillium 發表於 18-8-13 00:03
回覆 WB1115 的帖子

我女固執，要順應她要求，去到陌生環境或餐廳會大吵大鬧，時常有“我好驚/唔開心/好嬲 ...

本帖最後由 WB1115 於 18-8-13 08:11 編輯

要等出年11月先有評估？太耐了！到時佢都4歲幾，基本上等唔到學前康復服務，本身應該讀緊幼稚園？讀緊個間有冇到校支援計劃？快去做評估，再排政府康復服務，排隊後拎到No.交番學校排到校支援計劃，未有前去坊間做下訓練先，至於駛唔駛密集訓練，因為唔清楚你小朋友實際嘅情況係點，建議你做評估時問下

beryillium

回覆 WB1115 的帖子

好。今日寄信排協康評估。謝謝你。除了協康，邁步有評估，有冇機構評估係快排到和經濟些呢？因為我是家庭主婦，金錢緊拙。
我女今年9月係救世軍大元幼兒學校讀書k1,等我問下有冇到校服務先。

WB1115

beryillium 發表於 18-8-13 15:27
回覆 WB1115 的帖子

好。今日寄信排協康評估。謝謝你。除了協康，邁步有評估，有冇機構評估係快排到和經濟 ...

你可以問下扶康、領思，你上網搵下，留意
1。一定要係臨床心理學家/教育心理學家/兒科醫生做
2。一定要出到信俾你輪候康復服務位
咁先OK

beryillium

回覆 WB1115 的帖子

謝謝你提點，感激。