做資優評估的原因

sophiemama1021

學校建議小朋友做資優評估，請問除左知道小朋友強弱行之外，還有什麼用途?因為價錢都唔平，要6千蚊

小曳人

當你需要支援時用，包括校內、校外

另，你會更了解孩子，如果係情緒化/自我一族，你會願意多給予空氣，較包容，而唔係硬要佢做某d野

我反而唔覺得會更了解孩子強弱項，家長群組好多人都會問點睇份報告嘅細分，但呢個report唔係做占卜睇相用嘅，家長始終都係要去同孩子一齊試多d野，再睇返孩子興趣... 有興趣嘅就會變成強項！
我當初都覺得唔駛做，但當年因為响學校做平d，4千左右，所以覆咗通告話做
結果，係.... 我了解咗佢多咗，有時覺得佢好慘....

akys

回覆 sophiemama1021 的帖子

唔同類型嘅家長會有唔同嘅理由。其中一類是覺得孩子叻，唔想浪費某些潛能，想得到多點支援，分數達標後可以報讀一些課程。


另一類係被逼，聰明但有情緒或其他問題，會影響校內表現，需要通過做Test和與CP商談後知道一些孩子特質，用來和學校分享，祈求找到一些方法解決問題。


唔排除還有一類希望用分數加強升小升中競爭力，或者得到學校多些機會。通常呢類都未必如願。


強弱唔係咁有用，學習是興趣先行，邏輯叻但唔鍾意超前學數，逼佢學就大家辛苦。例如有PerfectPitch嘅孩子唔鍾意練習樂器，唔你唔想浪費潛能，硬逼佢去學，去練，其實好無謂。


還有一點，如果結果係某一方面強，另一方面弱，咁究竟係注重『強』嘅發展還是『弱』嘅補足？我估每個人嘅睇法都不一樣。

chowqv

6千都算平；要知道做評估既人/機構有無法定認可。阿仔幾年前做（因為佢係A仔），做完我都有俾份報告學校；仲記得幫我出報告既哥哥（HKU心理學系）提我3次：呢份報告係有法定效力，要小心保存（因為報告係佢地學系教授處簽）。
報告交俾學校，都無再加特別既野（本身A仔已經有好多輔導）。而且阿仔得128分，未到資優既130分…

王家爸爸

如果小朋友有學習/情绪問題，問題大到解決唔到，就非做不可，因為學校需要評估結果去判斷點幫你，甚至幫唔幫到你。如果唔係問題大到解決唔到，就唔需要咁認真，反正呢啲評估唔太準。

王家爸爸

sophiemama1021 發表於 18-4-25 10:01
學校建議小朋友做資優評估，請問除左知道小朋友強弱行之外，還有什麼用途?因為價錢都唔平，要6千蚊
...

6千做到既只係好初步既評估。

王家爸爸

chowqv 發表於 18-4-26 08:03
6千都算平；要知道做評估既人/機構有無法定認可。阿仔幾年前做（因為佢係A仔），做完我都有俾份報告學校； ...

128分再做一次可能有130分。

sophiemama1021

jumphigh 發表於 18-4-25 10:23
首先，考慮你個小朋友係唔係有學習/情绪問題， 如果係， 做個評估報告可以幫助搵出原因及跟進。
如果冇上述 ...

其實小朋友行為上沒有大問題，我既角度睇屬正常，所以想知道做評估目的?如不是想報資優課程，是不是可以不用做?

sophiemama1021

jumphigh 發表於 18-4-25 10:23
首先，考慮你個小朋友係唔係有學習/情绪問題， 如果係， 做個評估報告可以幫助搵出原因及跟進。
如果冇上述 ...

其實小朋友行為上沒有大問題，我既角度睇屬正常，所以想知道做評估目的?如不是想報資優課程，是不是可以不用做?

王家爸爸

sophiemama1021 發表於 18-4-26 23:51
其實小朋友行為上沒有大問題，我既角度睇屬正常，所以想知道做評估目的?如不是想報資優課程，是不是可以不 ...

真正有用既資優能力係小朋友對抽象概念既理解、分析、表達能力，數學處理之類既能力其實係現代社會無以前咁重要。

王家爸爸

其實需要知道呢啲幾千蚊做到既所謂評估，一般都只係用簡單既quantitative方法，所以其實只要有95%（0.05 既 p value）就當係，唔會做任何triangulation 去確認。另外仲有confidence interval既問題，誇張啲講句，如果個評估既CI係+/-20，評估結果係110，小朋友可能實際上係90至130，而且有5%係高過130或者低過90。當然嚴肅地做既，例如政府、好啲既大學，CI值可以細好多。

湘

很高興可以看到這個帖， 因為一直還在猶豫要不要跟他做 資優 嘅測驗。 女兒的情緒問題 一直是我煩惱的事情， 看來評估或者可以 讓我和其他人對他更了解，可能真的是一件好事情。 不過請問幾歲去做比較準確呢?而且有沒有推薦、 評估報告是學校認可的學評估機構呢

湘

很高興可以看到這個帖， 因為一直還在猶豫要不要跟他做 資優 嘅測驗。 女兒的情緒問題 一直是我煩惱的事情， 看來評估或者可以 讓我和其他人對他更了解，可能真的是一件好事情。 不過請問幾歲去做比較準確呢?而且有沒有推薦、 評估報告是學校認可的學評估機構呢

S-Kwok

王家爸爸 發表於 18-4-26 14:56
128分再做一次可能有130分。

so true。
要視乎當時小朋友做嘅心情如何，會出幾多力。
我仔當年做評估時，心理學家話見到我仔喺做某類題目時係完全唔想做，所以嗰個範疇特別差。

王家爸爸

S-Kwok 發表於 18-4-30 09:03
so true。  
要視乎當時小朋友做嘅心情如何，會出幾多力。
我仔當年做評估時，心理學家話見到我仔喺 ...

問題唔單止係小朋友做嘅心情，而係呢啲測試既CI值。誇張啲講，128，如果CI值係+/-30，可能小朋友其實得98，亦可能係高好多。幾千蚊可以做到既，唔好期望CI值會低。

小曳人

湘 發表於 18-4-28 06:31
很高興可以看到這個帖， 因為一直還在猶豫要不要跟他做 資優 嘅測驗。 女兒的情緒問題 一直是我煩惱的事情 ...

現時有HK 量表嘅，只有WISC IV，要6歲或以上先做得，你google出得嘅，都應該可信，而本身要係合格人士先有材料，並可以做呢個評估！
一般多人講嘅，包括中大，HKAGE，但個別學校都有得做，包括天主教教區3間私小，優才 (校長同家長講，自己係合格評估人員)，以我所知，小童群益會都有得做

Anniemun

HKAGE 由2018年3月開始暫時停咗智力評估申請了。

王家爸爸

小曳人 發表於 18-4-30 09:23
現時有HK 量表嘅，只有WISC IV，要6歲或以上先做得，你google出得嘅，都應該可信，而本身要係合格人士先有 ...

問題係香港可能大部分機構都用錯咗方法，報告唔會只係幾個單獨既數字，而應該係幾個範圍，然後從呢幾個範圍推測一個大範圍或者一個中位數加上正負誤差數。