點樣練好中，英作文

Isis_Hon

一般老師都會要求小學生利用大綱起稿，只係學生從來都不明白用意何在。
我個人較常用一種方法，先容許學生不以大綱起稿 直接落筆，完成後不看文章內容 寫大綱。然後教導佢大綱本質作用 然後同佢分析大綱同佢嘅作文 二者進行比對，佢會發覺大綱重點甚少表達 甚至大綱沒提及的卻在文章內佔不少篇幅。數次過後 會慢慢利用大綱調節文章表達能力 亦即結構。
當然閱讀是相較輕鬆做法，透過閱讀高質素文章，學生會自動感受到文章的分佈，潛移默化套用至作文內。不過這方法不是每位學生受用，畢竟每位小朋友天生的語感不一。

1998Ruby1998

大綱的確係幫到結構弱嘅小朋友，我自己教小朋友作文都會要佢地寫大綱，甚至幫佢寫，然後要佢地 rank 邊 d 資料要最重要，邊 d 資料可寫可不寫。我自己就除非寫超過 3 千字，否則都唔用大綱，由細到大心中有個稿，知道自己要寫咩，就去馬，我都有 d 學生係咁。

定期練筆幫助挺大，等 d 小朋友摸到自己風格、寫作模式。唔一定要有人改篇作文（搵到就最好），自己慢慢摸索。可以試下買 d 「小學生作文範文」，未睇人地範文之前自己先作一篇，然後對比一下人地嘅佳作。

閱讀都可以，但係呢個係慢慢浸，一時三刻睇唔出效果，係要好多年累積而成。