小朋友對數學很感興趣，請教應該如何培育他？

cclemon2009

仔仔現在小一，自細對數字著迷，一直對數學很感感趣，成績也不錯，他很喜歡計數，很長的一張㸃心賬單他也會計一餐。最近我發現他偷偷的自己去嘗試睇和做小二和小三數學，我感覺他似真的對數學很感興趣，我自己數學很差，所以我想請教JM ，我應該怎樣試試去培育他呢？

小曳人

我兒閱讀能力好，從少我放咗一D數學遊戲書、IQ題、智力遊戲、甚至百科全書類嘅書俾佢自己睇，KG已經用遊戲方式教懂乘除、公因數、公倍數概念
數感好，仲可以學圍棋
我先生唔贊成學奧數，所以我兒無正式上過奧數班，但我就機緣下買咗一堆奧數書俾佢自己睇

試下俾佢去參加數學比賽，睇下小朋友有無興趣"玩"
我個人唔主張學深(即公文數)... 我仔响學校上數學係最多行為問題嘅一科，因為佢覺得自己識哂但奧數主要係玩數學，睇下你覺得有無必要投入資源去搞

我反而會發展其他方面嘅興趣 e.g. programming

cclemon2009

小曳人 發表於 17-1-5 15:50
我兒閱讀能力好，從少我放咗一D數學遊戲書、IQ題、智力遊戲、甚至百科全書類嘅書俾佢自己睇，KG已經用遊戲 ...

你意思奧數可以自學？

retriever

小曳人 發表於 17-1-5 15:50
我兒閱讀能力好，從少我放咗一D數學遊戲書、IQ題、智力遊戲、甚至百科全書類嘅書俾佢自己睇，KG已經用遊戲 ...

會唔會你用生活化教左佢數學概念，但學校教得太傳統太悶❓

cclemon2009

我仔仔都一樣係話學校d數太淺太悶，真係吾知應否比深d數佢學，學深左怕佢上堂冇心機

小曳人

cclemon2009 發表於 17-1-5 18:44
你意思奧數可以自學？

hmmm... yes or no自學成效可能比唔上有人教

但我仔响無資源下，的確只係睇書，奧數大賽通常係頭5-6%嗰級

小曳人

retriever 發表於 17-1-5 18:49
會唔會你用生活化教左佢數學概念，但學校教得太傳統太悶❓

佢話老師講嘅嘢好悶



有日同學校其中一位帶數學ECA嘅老師傾，佢話教嘅嘢深d，佢唔識就嗰堂乖好多

1998Ruby1998

對數學有興趣是好事！

對生活數學有興趣的話，可以嘗試帶他到超市、書店或是其他店，隨便給他出題目，例如我有＄200，可以買多少個貨品 A 和貨品 B，總共最多可以買多少件等等。

如果對數字邏輯有興趣，不如買些數獨書和邏輯謎題書。邏輯謎題考大腦分析能力，比數獨「估猜撞」更有挑戰性，例如著名的過河難題、Zebra Puzzle 等等。邏輯謎題書與奧數相似，卻不含「計數」成分。這樣你就可以知道兒子是對邏輯分析還是數學層面上有興趣。

我朋友喜歡運算（計算面積、機率等非常「數學」的題目），我比較喜歡邏輯推理，因為我計錯會好容易發脾氣，邏輯推理唔洗畀一個實際數字。

bobbob

cclemon2009 發表於 17-1-5 15:07
仔仔現在小一，自細對數字著迷，一直對數學很感感趣，成績也不錯，他很喜歡計數，很長的一張㸃心賬單他也會 ...

如果真係鍾意數學會去自學，而家上網搵料咁易，唔駛家長特別栽培，自己上網搵video睇同搵exercise做，作為家長真係無乜點理過。

MrBeast

小曳人 發表於 17-1-5 15:50
我兒閱讀能力好，從少我放咗一D數學遊戲書、IQ題、智力遊戲、甚至百科全書類嘅書俾佢自己睇，KG已經用遊戲 ...

同意，我小朋友都有投訴上中英文堂超悶，若我有知憂兒，我也會發展其他areas和思考多些

cclemon2009

小曳人 發表於 17-1-6 07:17
hmmm... yes or no自學成效可能比唔上有人教

但我仔响無資源下，的確只係睇書，奧數大賽通常係頭5-6%嗰級

多謝你，請問可以介紹幾本自學奧數書嗎？那我買本書比佢自學，如果佢有興趣去硏究我再想想怎樣行

ABC-DAD

小一，可會考慮學下圍棋？