請教︰如何選擇服務? 密集訓練或個別治療

ET19

昨日評估了仔仔22mth，自閉傾向，語言能力得1歲左右。CP話大小肌、認知都無問題，能理解大部份指令但大多數時候拒絕回應，可能都有少少感統問題，同埋都幾固執。
refer排E位

現時想在坊間找尋治療服務，請問大家是如何決定搵哪一類型的服務?
例如密集式 或個別治療session，大家是怎樣選擇哪樣較合適的?

因為仔仔在評估時除了扭計外，完全無發出聲音的。CP話好少見，她叫我搵左言語治療先，同埋可以繼續上住playgroup(婆婆陪)，密集式她話由於小朋友完全唔講野，可能較難。
可是家人一直都想小朋友返學，成日話返左學自然識講野，尋晚問完我I、E、S位之後話應該要排I位，咁就實有學校收咁話。仔仔11月出世細仔，根本無N會收，所以就算讀都只能向密集式著手。但完全唔講野，上堂可以做D咩?

請問有上密集式的小朋友家長，妳們果時係點選擇的?

peonybibi

其實密集和個別都要做，密集約兩歲開始未遲，同埋要排，排緊期間上住個別，例如言語治療，感統，或幼兒導師，個別會易啲約到，你可以跟埋上堂學下屋企點教佢。大小肌，認知都無事，你及早同埋多啲訓練，會好好多。

KidBuddy

同意上面ㄧ位媽媽的建議，你也可選擇已包括言語治療及職業治療的幼師主理的密集班，每星期有四主五次的訓練。以你孩子現的能力，參加個别化言語溝通治療很重要，你也需了解在家中如何訓訓練，將每週的治療及家居訓練時間保持在二十小時更好，請加油！😊

ET19

謝謝回覆，已經問了耀能協康，亦已寄申請表排了。
個別訓練2間機構都話要等4~6個月！

請問大家用過哪些機構的個別/密集，可以不用輪候太久的~？私人的大家有用過有哪些是ok的~？

MTIAN

ABA进步最快

peonybibi

原帖由 ET19 於 16-09-14 發表
謝謝回覆，已經問了耀能協康，亦已寄申請表排了。
個別訓練2間機構都話要等4~6個月！

其實都無聽過邊間係唔ok嘅，睇下邊間夠快有位又唔駛等咁多，問多幾間，留定位，好多時話要排好耐，結果又好快打嚟話有位攝，除非星期六啲。我報過協康個別，都即刻有，因為我填咗好多間center,好多個時段俾佢哋。荃灣社區言語中心，我時報有位唔駛等，後來無去。邁步密集，都係唔駛等。

mangoe

我最近睇到樂善堂言語服務有個別訓練，$520/45分鐘(平日)，幼兒發展訓練密集性訓練都有。可以了解下。