聖保羅百年校慶搞校服catwalk

elbar

■校長陳黃麗娟（左）同音樂總監李偉安話滙演籌備咗兩年。


名校聖保羅男女中學7月9號會舉行百周年校慶滙演。呢間全港首間規定着校服返學嘅學校，當晚有校服catwalk，搵學生同舊生做模特兒展出百年校服演變。


聖保羅男女中學校長陳黃麗娟話，到時會見到初代校服「白色兩件頭」，女裝分上衣配長裙或長裙、40年代嘅長衫、藍色小鳳仙式校服，同埋舊時小學生着工人褲返學都有，有成廿幾套校服登場，60幾個新舊生一齊出騷。學校仲搵嚟百幾對喺聖保羅男女中學畢業嘅夫婦相片喺滙演播放，最年長嗰對已經80幾歲嘞。（公民黨余若薇同老公胡健維，就係喺校內結良緣㗎喎！）


今次滙演雖然得100分鐘，但有過千學生校友演出，仲搵嚟知名劇作家兼校友莊梅岩創作音樂劇，馮祿德、李璧琦兩位校友做番老本行，帶住師弟妹演出音樂劇。唔知李國能、李澤鉅同李澤楷等舊生捧唔捧場？




李八方

20120808

60多個可人兒台上catwalk舞動，學生將擁有一份甜美的青春校園回憶，catwalk 音節沸腾耳边，節奏打入心坎，想像也心動，放鬆一點吧。

20120808

但願。。。。

红花萬千台上舞
歳月流連在菁蔥