停課日－不吐不快

jujuliawong25

我太太本來對黃耀南呢間學校好有期望，不過紅雨一出，沖走我唔少信心．
話說星期二落大雨，我太太如常送細路返學，返到學校無耐就紅雨又停課，我太太打黎同我傾問我點好，我話咁大雨去得邊，咪繼續留係學校囉，學校仲唔夠安全咩？隔咗陣，十點幾我亞媽打黎話班主任打比佢同佢講話學校早放，十一點半去湊走細路放學，我話唔係下馬，咁大雨你去湊放學？老人家真係走咗去湊放學．放工返去見佢已經話頭暈身慶啦．

問返細路話比我兩公婆聽話好多同學仔都無返學，上上下堂就係副校長宣佈話提早放學，叫細路打電話返屋企睇下有無人湊，開頭仲話可以比細路自行放學返屋企！之後問返其他家長嘅細路無屋企人湊嘅點，原來係係活動室睇卡通片．

我本來都唔想打字，但我心中有幾個疑問．紅雨叫停課係遲咗，但送晒返去嘅，應該留係安全地方，點解唔係留到正常放學時間先一齊放學？一見黃雨就叫細路返屋企提早放學，突然又轉紅雨，細路回程嘅安全，家長出門嘅安全，學校有無諗過去湊放學嘅人嘅安全？早早送走晒啲細路返屋企為乜呢？實有人睇住？仲要比細路自行放學，淋住雨返屋企？留係度嘅細路，點解係睇卡通片嘅？細路係就係好開心，但點解唔係做啲學習活動嘅？電視都有播其他啲學校唔教書都做下學習活動，究竟邊個話睇卡通片嘅？

我真係好唔明！

大件仔

我們學校和一般學校一樣, 已回校又無家長接走, 可留到正常放學時間, 仲有校車座返去, 一切正常, 只是不上課, 睇下教育電視, 卡通影片.

中途叫家長接就比較小, 而且仲比學生自行放學, 如回家途中出意外, 學校要負全責

MASAYA

我個日都未出門口就話紅雨，所以冇返到學校，步行上學既好處

聽返家長講，有返到學校既都係正常有飯餐有校車，冇堂上，好似都係睇下教育電視

AgapePa

阿女學校係正常上課, 有飯食有校車, 直情當紅雨無到。

siden

我唔覺睇卡通片有乜咁大件事。

非常清况，不安排學習活動有咁大件事要不滿嗎？睇一日卡通會壞腦嗎？

其他交通接送安排，我則完全認同楼主的反感。

20000508

回覆 MASAYA 的帖子

我三個女是讀國際學校，她們那天坐校車回到學校才說停課。但學校說她們要繼續上課，按照正常時間表。但問題是她們的學校是在南區，那邊雨都冇一滴，天氣好好的，同區大部分學校都提早放學，我不明白為什麼學校要把她們留住。後來我問兩個細女，原來她們就沒有上課，整天在看電影。

Jane1983

無論上吾上堂，都無理由打電話要家長接走，講到紅雨咁危險，係應該留係室內。聽吓聽吓，原來要家長即時/盡快接走小朋友的學校，不是零星幾間。希望教育界吸取呢次經驗，下次吾好咁樣。

MASAYA

20000508 發表於 16-5-14 23:39
回覆 MASAYA 的帖子

我三個女是讀國際學校，她們那天坐校車回到學校才說停課。但學校說她們要繼續上課，按 ...

唔准接走？我地雖然繼續有飯餐有校車，不過家長想接走都可以，但雙職家庭一般都唔會接走，亦都冇問題
亦聽到其他學校，有d睇美國動畫，有d做下練習，間間學校都有自己安排

jujuliawong25

回覆 siden 的帖子

咁講丫，分級睇ETV，中英數常煲劇咁煲，會唔會比睇卡通好啲呢？
睇卡通梗係唔會壞腦，只在於係咪教學活動嗟，叮噹都好有教育意義嘅

20000508

回覆 MASAYA 的帖子

不能啊，所以就是覺得奇怪，學校一定要她們留到放學，但有cancel 所有的 after school activities

bobbob

我仔學校一早通知家長可接可唔接，學校一切如常，有飯食有校巴接送。因為阿仔班無人無返，唔單止教書，連書都照默。

jujuliawong25

回覆 20000508 的帖子

課後嘅取消係合理嘅，天氣許可時當然早啲走無可厚非，真係有困難嘅，學校亦講明繼續開．如果有人主動湊走又唔當早退，咪由得佢走囉，家長負全責．但聽你咁講家長去到唔比走就有點兒那個．
但學校打黎叫人湊走，就同我去學校主動湊唔同晒啦～

jujuliawong25

仲有，聽阿媽講，有啲同學仔仲拎埋佢地盒訂飯走，留係度嘅就十二點未夠就開飯，平日起碼十二點半先開得飯．有啲走咗無拎嘅，第二日比返佢喎．

大家嘅細路會拎埋盒飯嗎？

MrBeast

應該學校都係跟教局指引，和若真接唔到要留係學校是可以，不過人人走哂得返小貓三四隻孤00係禮堂無所事事，你又ok ma?  

其實我和身邊朋友都不太滿意今次教局的安排，你都可以試下寫投訴信比吳得掂。

786

原帖由 siden 於 16-05-14 發表
我唔覺睇卡通片有乜咁大件事。

非常清况，不安排學習活動有咁大件事要不滿嗎？睇一日卡通會壞腦嗎？

認同

emily21921

睇完樓主的case, 我仔的學校、安排得非常好。當日早上在學校的whatsapp家長群組，已經有家長跟學校聯絡到，學校會開全日，有飯食，叫家長不用擔心。如果家長想接走，不當早退請假，飯＄可以退. 下午又收到學校電話說放學後課外活動取消，請家長自行通知保母車接走。

twlo

我小孩的學校也是每位小朋友打電話，因為午餐是姐姐帶去學校的，所以老師奇怪地問，為什麼中午不直接接走個小孩回家。
但是，他也補充了一句，不接也可以，等到放學才走。

stockmike

我仔校又係叫走，我都不滿但我知時已有家人接咗。後尾知原來好多課室水浸先無貢嬲。

emily21921

個日教育局的失敗，但可以睇到各學校的應對，其實都係好事，讓家長可以了解學校更多。