小一生唔肯做功課可以點做？

mypineapple

日日要推孩子先好唔情願做功課， 有咩方法可以令佢有效率自動自覺做呢？謝謝

brother4

做完功課就可以任玩，打機也可，估一定快手做好

loveDD

方法離不開以結果作獎勵或懲罰。平日放學後小朋友做咩和由邊個睇佢？

mypineapple

呢招我既孩子行唔通

mypineapple

由我去照顧孩子， 鬧又鬧過， 哄又哄過， 利誘都試過， 結果都係睇佢心情而做功課， 差唔多日日要推

Yanamami

幼稚園時讀happy school? 怕唔怕老師？

MrBeast

mypineapple 發表於 15-11-28 23:57
由我去照顧孩子， 鬧又鬧過， 哄又哄過， 利誘都試過， 結果都係睇佢心情而做功課， 差唔多日日要推



  ...

e，好似唔見個讚字，同情有時都得，eg, wa,m今日咁多功課，辛5辛苦？我相信比心機一定做到

mypineapple

以前幼稚園唔多功課， 自動波做晒

mypineapple

有試過讚，同埋心， 但孩子都係睇心情做功課，所以好頭痛

MrBeast

mypineapple 發表於 15-11-29 09:12
有試過讚，同埋心， 但孩子都係睇心情做功課，所以好頭痛

唔知你試左幾耐，lei d 方法要persistent n consistent 才行，不然小朋友好易察覺唔sincere，加油

sp3014

其實要比佢知呢個係佢既責任，唔係皇帝唔急太監急。有時要狠心d, 你同佢講幾点前收功課，佢做唔晒都要收功課袋，仲要唔同佢睇，等佢比一次老師寫手冊欠交，或者錯好多要改餐死，包佢一定以後唔會。我嗰小朋友曾經十分依賴我幫佢對功課，所以做得十分求其。我頂唔順，唔睇，由佢比老師改，錯到七彩，改正改到佢死，同老師係功課寫字比佢要佢認真學習，認真做。即刻做得認真咗，所以好衰架，有時要忍得到，唔好比佢知道你仲緊張過佢，有時學校比壓力佢，好過你比壓力呀。

babywoman

啱，我仔都依賴我對功課，小二開始唔睇，只看是否做完，小三只負責簽名。佢試過一個中文字改第二次都錯，被老師罰抄30次，自此未試過錯第二次。中文科做得特別認真

mypineapple

可能係我未夠忍心， 我一定要忍心！
老師而家成日叫佢認真寫字！

mypineapple

罰30字好甘喎！但真係一個好方法！

purplesheep

回覆 sp3014 的帖子

同意! 一定要佢自己成長.

yinyin2010

其實家長真係幫唔到咁多，都要靠小朋友自己自覺，老師罰佢，佢一定記得及做得更好，所以家長要學識放手，比佢自己攪點，加油!!!  

beagoodman

原帖由 yinyin2010 於 15-11-29 發表
其實家長真係幫唔到咁多，都要靠小朋友自己自覺，老師罰佢，佢一定記得及做得更好，所以家長要學識放手，比 ...

認同

mypineapple

講得好啱！
默書考試也要放手嗎？

sp3014

其實我自己覺得放手功課係培養小朋友有責任感，加上功課唔會影響名次，所以我會由佢去撞板。但默書測驗會影響名次，除非小朋友非常生性早熟，好難叫佢一開始自己搞掂，始終初小要睇實，有個好開頭去培養佢溫書既方法同模式。我自己小朋友就陪溫陪讀(真係一齊逐頁逐頁溫)到小二。小二最尾嗰次考試起我只會提佢自己溫(跟番以前我点同佢溫，溫d咩，佢自己溫)，溫熟我先出場去抽問考試範圍或幫佢默書。所以最辛苦係初小，同小朋友最多衝突，但只要狠到心，貫徹實行，千其唔好比佢睇到你會心軟，有位走，開好個頭，到了小三，我已舒服好多了。

little_yolky

sp3014 發表於 15-11-30 09:56
其實我自己覺得放手功課係培養小朋友有責任感，加上功課唔會影響名次，所以我會由佢去撞板。但默書測驗會影 ...

係囉, 真係要睇小朋友, 唔可以一下子全部放手。好似細女今年讀小一, 先知原來學校真係咁多測考默, 跟到我無命, 人哋唔知仲以為阿妹同家姐唔同學校, 做乜家姐讀咗三年都唔知。我真係唔知架, 因為家姐唔駛理丫嘛。阿妹乜都要理, 又心散, 好彩都叫自己會主動做功課, 但默書真係溫得我好淒涼, 尤其英默, 溫完又唔記得。