有無adhd 孩子唔吃葯都可控制行為問題？

mypineapple

我唔想孩子吃葯， 但如何控制到行為問題？
學校會逼孩子用葯嗎？

wan_sosin

我仔現在小二，無食藥，雖然間中都有些不當行為，有少少甩漏，但未去到不受控制，但我係佢兩歲左右開始已做了不同的事情盡量訓練佢(因為佢BB時已明顯比一般BB活躍), 但如果已經是小學生才想自己加以訓練而希望有很大進步，就不是容易的事，適當管教是需要的，去學習一些行為管理方法！堅持下去，總有些幫助。

mypineapple

而家我用鼓勵方式，希望讓佢有動力做好

Dressup123

試吓好行為表, 好行為合約, 做到有獎勵, 上網Search到的.  大啲唔受氹, 由細起訓練好啲.  

mypineapple

細個教好啲， 日後煩少啲

wan_sosin

mypineapple 發表於 15-10-24 00:37
細個教好啲， 日後煩少啲

上面說的好行為表,可以試行,最好盡量是鼓勵,做得唔好,不要倒扣.

對於我仔,好行為表都作用不大,真的每個小朋友需要不同,但方法真係試得就去試.

mypineapple

唔好倒扣？why ? 有時佢真係好唔合作喎

azraelho

行為問題可以試下訓練，不過每個小朋友不同，有些小朋友單是用行為訓練是不足以改善所有問題

大概老師也不能逼食藥,不過也不希望影響上課.

要加油啊!

mypineapple

老師有話食葯好有功效， 當然啦， 佢地唔想煩

wan_sosin

原帖由 wan_sosin 於 15-10-24 發表
上面說的好行為表,可以試行,最好盡量是鼓勵,做得唔好,不要倒扣.

對於我仔,好行為表都作用不大,真的每個小 ...

首先搞清楚倒扣意思，即是如果佢已記了十個好行為，跟住做錯了事，你扣佢兩個，得返8個，咁做係唔好嘅，一單還一單，如果抹走佢之前做得好嘅，小朋友會好失落，明明努力了變成無，咁樣鼓勵唔到佢繼續做好。
定出好行為表時，其實可以定埋做錯的後果，有錯要即時處理，例如後果係無得玩，無小食等…但保留佢嘅良好行為紀錄，佢繼續可以累積有獎勵，咁小朋友先會向好行為而繼續努力。

mypineapple

我而試行「好行為表」， 希望鼓勵到孩子