唉……真係好累

kemmyleung

唉……今日真係對住呀仔喊左出妮
呀仔反左普通k1一個月了  唔知點解情緒方面好似差左好多  會打我地又會訓地  雖然打同訓地之前都有但唔係而家禁樣 一唔鐘意就打我地嘅手  ，打完手都係唔得就訓地  我對住個仔真係好累好累……真係唔識點同拒講道理
可能而家大左少少反而有要求之前細個我地去邊去邊拒都會拖住跟住行就算，而家去街拒要去邊就要去邊  唔俾就訓地……好無助究竟我地要幾時先可以見到少少陽光？

chanyuen2012

原帖由 kemmyleung 於 15-10-05 發表
唉……今日真係對住呀仔喊左出妮
呀仔反左普通k1一個月了  唔知點解情緒方面好似差左好多  會打我地又會訓 ...

唔好灰心，始終新環境。唯有星期六或日都帶佢去學校門口行下同佢傾下講下返學。因為返左學，會跟老師學自理，又無得依賴你，所以佢心情係會亂嘅………

如果佢真係喊到癲又扭訓地，你都攬多佢一陣同錫一下佢安撫佢嘅不安…、放學早點去排隊接佢、帶糖仔或者益力多等佢最愛嘅小食或者玩具去湊佢放學，可能佢仲會繼續扭，但你起碼比多兩星期時間佢啦，日日都笑笑口帶佢返學放學，睇下會唔會有改善…

juemilia

好明白你,我日日望住个電話好驚老師又打黎,唔知佢開邊瓣。佢放假我就會放鬆d,呢種攰真係可以話心力交瘁。

Y123

加油，另一半有冇幫手

Jcat

加油呀!! 唔好灰心呀!
佢發脾氣時, 唔好同佢講道理, 因為嘥氣, 佢一句都聽唔入耳的.
你自己先冷靜, 如果佢打你, 在家, 你請佢打枕頭, 等佢發洩左, 就同佢講"媽媽明白你唔開心, 好想幫你, 但你動手動腳就唔明白了, 同埋你打我媽媽覺得痛, 媽媽會傷心的."
如果在街外, 捉住佢雙手, 溫柔地叫佢冷靜(平時佢情緒好時要教定佢深呼吸)和深呼吸.
K1對一個正常小孩都會有不安, 對星星孩子係以倍數上既不安. 多些體諒, 同埋教佢表達自己既情緒. 會越來越好的, 唔好灰心!

kemmyleung

今日同呀仔k1嘅老師傾過呀仔嘅情緒問題，結果係呀仔係學校完全無以下所有動作。
禁我就再搵ABA課程位老師傾因為呀仔反ABA 都有一年個面會清楚D 。老師就話呀仔係拒個邊都無依個問題，好可能呀仔知道我地都好蝦所以就有依D行為……
禁老師就叫我地一見到呀仔禁樣係安全情況下無視拒 ！日子有功應該ok嘅……
其實C6都有幫手，但呀仔要我唔係拒身邊先會彩下拒爸爸

多謝你地幫我加油  我地大家都要一齊加油！
陽光此終會有嘅！
我好記得我家姐當初我同拒講呀仔係自閉嘅小朋友  拒安慰我講
上天只會安排你可以行有能力行嘅路俾你
放心！你一定行到嘅！

Jcat

對呀, 在祂沒有難成的事, 記著: 每個孩子都是祝福黎架!

cherryyau1209

加油！我仔啱啱K1開始時成日出位搞老師櫃，過了一個月慢慢進步，老師好有愛心，而家會坐但不是範圍內，係小朋友後面坐定睇老師講故事..老師話下一步幫佢入範圍內一齊坐

blackgarlic

佢打你，係咪因為佢有自閉症人士既性格特徵而打你？

我大仔有自閉症譜系，佢5-6歲左右試過放學打我，而家7歲半，至多發大後脾氣走左去。細佬正常，而家5歲，放學冇得去同學屋企玩時，一嬲時會打我。

放學時小朋友好攰，一攰就易發氣，甚至打人。另外你個仔仲係 3歲，即時係普通小朋友都會有時扭計訓地。你當佢係一般小朋友咁照教，平常心。加油呀！