以後我都唔會去九龍城數研

lmsmaggie

一開始上呢間補習社已經覺得好佢好pushy 成日要人先比錢報名。 見有家長話未知schedule 都push人地先比錢， 補習時間慢慢傾， 話唔交就冇位。 當時覺得人地都要賺錢既...我女都讀左幾個月。 到暑假佢又轉晒暑期班冇恆常班， 一星期由一日迫住變兩日， 本來想比阿女暑假玩唔學野， 佢又話唔報暑假冇得優先報暑假後既恆常班，咁又焗住比錢啦。 有日阿女突然肚痛去洗手間，老師係男仔唔方便，於是拖佢去補習社外大廈傷殘廁所就走左， 留低4歲半女好驚自己又唔識攪, 佢返黎話好驚拐子佬捉左佢, 要求出街要著片片。咁我咪以後自己企門口等落堂啦。之後仲有一堂上完暑期班我話唔繼續讀啦， 佢竟然先話之前恆常班我地上多左堂(因為有時請假後補堂, 所以我一直有reconfirm佢日子先上堂)， 叫我開多個course然後扣返果一堂錢！我話真係冇時間上呀， 咁有一堂未上你扣返啦， 佢話唔得， 因為佢system做唔到咁樣轉堂。 我都唔想令人難做， 咁我話我另外比返果一堂錢你啦， 佢竟然話冇咁既規矩， 做唔到， 一定要報多個course扣返。 果刻真係好嬲， 咁樣屈人再報多幾堂都得？！ 我同男主持人理論， 佢仲要教訓我一輪話公司policy係咁, 又話我唔聽佢講野, 我話你同事已講左一模一樣, 佢話佢同事果d 係small potato 識咩呀, 講得唔夠佢好(真係用咁字眼形容同事)....佢自己都承認都唔係第一次有上多左堂事件， 佢應該都成功用咁既手法屈人比多幾堂錢， 所以大家小心d😣

ckh311

咁最後點解決？再俾錢？

lmsmaggie

回覆 ckh311 的帖子

最後我話去消委會投訴， 佢話你唔駛咁激動， 我可以計返一堂錢。

lmsmaggie

如果唔係阿女幾喜歡個老師同近屋企， 見到佢咁做生意手法， 我上完第一個4堂已經想走了， 只係冇想到可以過份到咁。。。

又學精左， 下次問多樣先報野， 大家加油啊