我錯嗎？

joygigi

我之前post左bk，但好像覺得這裡較合適

阿仔插班入N班，但日日喊，佢不計適應期（即有5日返1個至2個鐘），返足3個鐘的，返左8日！

以下是我與老師的對話：
1）第一日返足3小時那天，佢話（班主任），個外籍老師投訴我小朋友好嘈，話嘈到佢頭痛！（老師話佢不停喊不停叫）

2）我話俾班主任聽，話我仔未返學前未試過聲嘶力竭起發顛叫（佢一向都扭計，但返左學後第一次見佢顛喪咁叫到成塊臉紅晒），老師話：咁係你們平時在家，佢未去到呢個地步已俾左佢安撫左佢。

3）老師話：佢係我in，我睇返報名表係我取錄佢，宜家佢咁真係跌晒眼鏡，我都無諗過，原來一離開媽咪就咁。

4）我話：麻煩你同外藉老師講唔好意思，都同你講唔好意思，搞到你們上堂。老師答：唔好意思都無用，佢上堂真係滋擾麻，不過，你都唔好無左唔好意思既心。

我真心想問，我聽完好愕然，宜家幼稚園是咁？搞唔掂就是我有問題？我好沮喪！雖然知道自己小朋友確難搞，但我無諗過宜家咁，以後點算

joygigi

仲有：

老師話：你個仔成日要人陪佢講野，搞到我都喉嚨痛

又話：帶去廁所的姨姨都話俾你個仔搞到耳聾（因為大叫大喊）

pizzaheidi

嘩！我個仔都似會係呢種！返pg 有我陪都喊足全堂！9月升 k 唔知點呢？但你果間學校都好衰喎，第一：我明白不停喊真係好滋擾，但其實大家都唔想，老師咋家長形又能怎樣呢？第二：學校應該見慣呢 d 情形，小朋友返左學就應該由學校想法子處理，而唔係鵝個家長！我仔仔果時個p g 老師好好，叫我由佢喊，唔好比反應佢，結果5堂之後開始無喊仲enjoy 添！所以有時 d 野總有個過程，大人細路都要時間去適應！

popomama2012

我個囡返n喊左兩個星期,喊真係好正常,幼兒與母親分離係好似世界末日,乜作為幼教工作者連這簡單的道理也不知?幼童大哭大叫,老師竞然話孩子令自己頭痛,而不是想下如何幫孩子??咁大間學校咁多老師,竞然唔識處理,返而覺得自己收錯學生仲責怪家長,我看到妳的分享,我好嬲,我看不到妳有錯,惟一錯係妳揀錯學校,只係這所學校不是辦教育,香港的幼教有這種老師係一種悲哀!!

benny2014

真正的辦學精神是把任何學生教好，但現在很多學校卻反過來，只想教他們認為是好的學生，完全違背了應有的辦學精神。

joygigi

其實我真的不知道應該用咩心態面對，BK有媽媽問係咪我仔太誇唔係一般咁，所以老師先咁。我其實承認，仔應不是一般喊，係狂叫狂喊，但如果係咁，我就應該接受？

宮二

我的女兒也在滿兩歲插班，第一日唔識喊，第二日開始喊，第三四五日入學校喊上課之後冇喊，第六日完全無喊了，老師都很體貼，有天上課倦了睡著老師就抱住瞓。我覺得女兒很鐘意返學，回到家不停口唱歌仔。只是第七天就開始病，病假一星期了。我倒擔心未能適應，唔知是否太早上學了。
樓主我覺得你的老師真是有點哪個了，錯的絕不在孩子或家長。

joygigi

原帖由 宮二 於 15-03-22 發表
我的女兒也在滿兩歲插班，第一日唔識喊，第二日開始喊，第三四五日入學校喊上課之後冇喊，第六日完全無喊了 ...

可能你小朋友只是用短時間就無再喊，所以老師體諒。所以我唔知我應唔應該覺得老師無耐性，因為我仔喊得好勁！唉！我真的唔知點諗先啱。

suzuki12

樓主的小朋友是滿兩歲插班pn嗎？若是，我選擇退學，影響日後返學產生暗影就大件事了

vpo0615

樓主的幼稚園是私幼嗎? 從以上老師的對話, 似乎欠缺愛心.....最起碼, 應建議家長如何幫助小朋友, 他們自己又有什麼可以幫助小朋友.....有一些幼稚園會收取有特別情況的小朋友, 當然名額好少......但那些幼稚園的老師, 甚至嬸嬸都好有愛心.

ahsiu

請問邊間? 我都想知....

964000

原帖由 joygigi 於 15-03-21 發表
我之前post左bk，但好像覺得這裡較合適

阿仔插班入N班，但日日喊，佢不計適應期（即有5日返1個至2個鐘）， ...

是否比較多人一班>20+人，如是預了老師照顧會差D。

vpo0615

但唔係教育局規定師生比例最多1:15架咩?

vpo0615

如果多過20人, 咁即係有2位老師, 應該無話照顧唔嚟架....(我估).

joygigi

原帖由 964000 於 15-03-24 發表
是否比較多人一班>20+人，如是預了老師照顧會差D。

一班有16個，2位老師

964000

原帖由 joygigi 於 15-03-24 發表
一班有16個，2位老師

16人對兩老師咁吾算多人，只能説老師不是特別有愛心。不過聽到都覺得仔仔好慘，佢日日咁哎自己都好辛苦，個老師仲咁同你講野，比我退學算。其實而家都三月，番得三個月又暑假，到時又要再適應過，插班來做乜？只是學校有位想收多幾個月學費吧。

crystal媽咪

個老師講野咁樣，
你都唔好意思，
仲想點？！

picture

我諗,你要先分清楚，佢大器大叫係因為驚，定係畜意,唔合作。

有人可能覺得我對小孩子好mean 但我自己個B當年上playgroup 時就係玩野個種大叫，反抗。

當時的導師上了幾堂後同我講佢係持登的。我心諗2嵗人仔，點會咁複習！  但老師好果斷咁要我唔好intervene.！

老師好厲咁同佢講，再喊你立刻去隔離房，冇得同Mumny 玩！ 阿女唔理佢照喊！

老師再惡D，正眼瞪實佢，"即刻收声"


個衰女，停一停再叫大聲D！

我心諗死硬，getting worse.

點知老師真係dic 起佢，coo l 到實，安全個種，移佢去隔離房。

咁我就同其他人一齊睇戲，但我就喊哂，好心痛！

隔離房傳來陣陣喊聲看老師的大駡。重複又重複……唔收聲唔准返去。


十分鐘後，個女行返入黎，又再想喊，老師又再畀力，又喊去隔離房(next door).

個女衰衰咁既刻聽話。

我就喊到豬頭咁，


我的分享是想說，先分请佢為乜喊，然後自己要约束佢的不當行為，如果唔係交比人教就自己心痛！

964000

原帖由 picture 於 15-03-24 發表
我諗,你要先分清楚，佢大器大叫係因為驚，定係畜意,唔合作。

有人可能覺得我對小孩子好mean 但我自己個B當 ...

有冇其他方法希望我女吾好咁啦

picture

原帖由 964000 於 15-03-24 發表
有冇其他方法希望我女吾好咁啦

我諗每個小朋友都唔一樣，情況環境都唔一樣！

我個女真係比較惡搞！