英文中學適應期?

happylogin

小女今年小六, 黎緊升中. 想了解一下究竟升上英文中學, 全部科都係英語上課 (除中文科), 小朋友會唔會好難適應. 我女英文都有8X分. 我覺我佢英文都可以. 但係我又唔會同佢講英文. 一返中學就要全部接觸英文, 請問你們的小朋友用咗幾多時間適應? Thanks!

Jennie

其實又唔需要過份擔心, 老師話佢地呢個年紀學語言肯學就好快適應, 事實老師無講錯.

初時我都同你一樣,特別派o左書單英文科全部用book 2 唔係book 1, 暑假時望過d 書, 我都覺得對女係深, 不過學語言環境好重要, 佢地在學校全部都用英文, 連找老師問問題(除中文,中史外)都需要用英文,由暑假在中學上bridging couse , 9月正式上課到而家, 真係可以適應到.

反而中文就真係深, 好多問題需要思考, 亦會將閱讀理解文章內容compare with 課文. 呢樣阿女仍在努力中.

加油, 祝你入到心儀中學.

王家爸爸

happylogin 發表於 15-1-16 16:19
小女今年小六, 黎緊升中. 想了解一下究竟升上英文中學, 全部科都係英語上課 (除中文科), 小朋友會唔會好難 ...

小兒地區中文小學轉B1英中，唔使一個月就適應。可能男仔鍾意一齊玩，一齊做 PROJECT，好快適應。

Yanamami

只要英文底好，無问題｡趁而家开始睇多d明珠台tune up下，好快適应｡

TwinWong

是的, 这年紀小朋友適應力強, 不用担心

roadbike

我的睇法有點唔同
中文小學上英文中學若小朋友英文底不好係好難應付
有朋友女兒就是這樣
不關適應問題
所以若真想升上英文中學
在英語方面真係要下點功夫呀！

dubbies

好老土咁講, 肯努力的會易適應,但習慣做強者唔溫書都第一果D就好易出事...

angelfan07

roadbike 發表於 15-1-17 01:27
我的睇法有點唔同
中文小學上英文中學若小朋友英文底不好係好難應付
有朋友女兒就是這樣

我囡小學時英文拎開A,但上到英中,很多科目都用英文教,我囡都覺得D英文深咗好多,需要花很多時間上查字典和理解,小朋友在9月頭開學時梗係最開心,但9月尾至10期間日子係最唔適應,我囡試過因壓力而喊過,家長O既鼓勵和安慰很重要~~只要肯努力適應都會快D,都係架!

kachunma

讀英文中学,英文底要好是一定的,但要適應得好,只英文好是不夠的,要盡早作好準備,我仔今年中一,讀有外藉同学一齊上堂的全英中学,我地在仔考完小六最後一次試後,就开始同佢準備中学的課程,例如学英數,睇定D中学IS書,串定些中学有用既常見生字等,我仔中学已考了兩次試,成績雖然不是好叻,但都幾理想,完全没有難適應呢个問題,讀左呢幾个月,仲自信左,説英語仲流利左好多,我地都非常开心！我地小學格言,“機會是留比有準備的人“大家努力呀！

roadbike

簡單講句
要上英中真係要早點在英文上下點功夫先得

Diane俊俊媽

原帖由 kachunma 於 15-01-19 發表
讀英文中学,英文底要好是一定的,但要適應得好,只英文好是不夠的,要盡早作好準備,我仔今年中一,讀有外藉同学 ...

「機會是留比有準備的人」--真係至理明言

我仔英文成績普普通通，暑期我比佢上英數和英文適應班，上中學後很多科目都要用英文，再加上學校訓練presentation和gramma，短短三個月比以前進步了很多，我要求不高有進步已是感恩了^^

moniquechoy

嘩, 大家都是好媽媽, 那麼有準備. 我女也是中文小學上英中, 現在form 1. 我一點準備也沒有, 只是上中學時的8月, 學校有2個星期的bridging course. 先學下各科的生字.  開學後, 我只會問下, 上堂聽得明嗎? 她說OK, 我便算了!  小女由小一至中一都沒有上個任何補習班.  但一直都是全級的頭10名.

只是個人意見, 有些朋友會喜歡去找/打聽一些名補習社, 說會學多什麼什麼, 我總覺得小朋友清楚理解課堂上老師講解, 課本上的知識, 就不會太差了. 如果連最基本的都不明白, 補什麼神校那是沒有用的. 那些公文式, 超好多年, 但不代表他在考試上取得高分, 有時更嚇怕了小朋友.

亞女在小學一向中文科成績平平, 但都有A啦! 但我自己都明白中文一直比英文難學, 中文詞彙是有意思和意境的, 小朋友不容易明白. 上了中學, 常常聽說好多DSE 死在中文科上, 所以在10月開始, 讓她去中文班, 學學文言文.

剛剛都派了 1st exam 的成績, 我女比第一次統測各科都有進步. 上次名次, 她亦在全級頭10%內, 我都滿意了! 我不計較她的名次, 只希望她有進步, 而且中學分數比小學緊得多, 我看過她的試卷, 每科都範圍很多, 而且每題一分一分的, 又要寫好多字, 所以要答得很快, 還要懂得用英文來表達, 那當然她有好些地方是表達不到啦, 但她完全沒有HARD FEELING. 因為有更多同學不懂表達.  亞女就是這樣, 完全對自己沒有要求, 因為佢自己已盡力了, 成績如何都沒關係!

hoichun

每個小朋友的資質不同，有些聽一次，講解一次就明白，有些聽／講十次都未明！

happylogin

我女間小學中文一向教快一年，我曾經睇過一編我女學校有位家長在佢女兒升中學後寫嘅post講過，中文一定唔成問題，但英文唔算教得好深，上到英中後就比較吃力。加上科科都用英文教，都有擔心佢。不過我女學校都好好，下學期我見佢地都用英文常識書。希望等佢地適應期。

結結巴巴

不用太擔心，英中的招收對象主要還是普通小學的學生，大多數未習慣英文上課，所以會在學期初甚至開學前有相應安排讓學生適應。

身邊有一個例子，小朋友自小一直在國內讀傳統學校，讀完小六回港直接入讀英中。雖然全英文上課，但能很快適應並駕馭眾多科目。期間並沒有進行甚麽特別訓練，只是在開學前幾個月，參加了由入讀中學提供的一個體驗課程，體會一下英語環境下的教學活動，相信有一定的幫助。

你間小學有如此條件，其實已經相當不錯。如果中學又有適當過渡安排，根本不用擔心。若然想錦上添花，可以比小朋友接觸一下其它科目的英文教材和體會一下英語教學。