管教問題

S-Kwok

時間管理


例如, 早上起床, 刷牙, 洗臉, 換校服咁, 我地比30 分鐘時間小朋友完成, 準時0630就要坐喺餐枱食早餐. 如果小朋友遲咗一分鐘, 你會包容嗎?　今次容許了遲一分鐘, 下次遲2分鐘又唔包容, 咁就好似無咗原則咁。  當然, 頭1, 2次會告知及解釋點解唔可以包容, 但經常會係咁, 你地又會點做呢？
(長遠睇, 將來考試測驗, 老師講咗要放低筆, 就要放低筆, 冇話可以比你寫埋最後呢筆先收你卷, 相反, 會即時取消考試資格)


管教
又例如, 小朋友naughty, 已給了多次warning, 亦會先知這是最後一次warning, 仍然不改善, 就會無xxx　（eg. 朱古力), 然後, 小朋友繼續naughty, 到發現真的没收了(eg.朱古力), 佢就會發顛咁, 跟住會乖返, 然後就會問你 "我乖返, 可以比返(eg. 朱古力) 我嗎?" 這時, 你會比返朱古力小朋友嗎？
比, 佢就會好似永遠覺得我仲有機會。
唔比, 對佢來說, 好似乖返都冇用。


(PS: 我有以(口頭/貼紙計劃) 獎勵以鼓勵好行為, 但唔見有效）

little_yolky

S-Kwok 發表於 14-11-11 13:24
時間管理

1. 第一點如果小朋友經常性地遲一分鐘, 咁我會同佢講明, 如果再有一次係咁, 即係你可能唔夠時間, 咁聽日我會早5分鐘叫佢起身。而且, 言出必行。

2. 至於naughty, 我只會warn一次, 我唔會沒收任何嘢, 因為佢哋無嘢可以俾我收, 我係用凌厲既眼神去制服佢哋, touchwood兩個寶寶都好乖, 從未失手過。至於你既case, 換咗我既小朋友, 我係唔會俾番朱古力佢, 佢發顛我會聽唔到, 由得佢發顛, 甚至當佢透明行開。佢顛完自然會收聲。等佢平靜咗再同佢講番, 但唔會長氣, 因為我果個好要面, 唔可以講講講, 一句起兩句止。不過, 朱古力一定唔會俾, 最多下次做得好, 俾兩粒佢。

Jane1983

我吾係管得好嚴的亞媽，對1和2的生活小節，會解釋和勸說，吾乖會鬧吓，但吾會一分鐘、一分鐘咁同佢計，畢竟呢個係家庭，吾係軍訓。

但大是大非，我會好認真同佢講，會罰。So far我女都好乖，愛與關懷，多d易地而處，小朋友做得吾好，了解吓先，細嘢就放佢。

little_yolky

Jane1983 發表於 14-11-11 14:02
我吾係管得好嚴的亞媽，對1和2的生活小節，會解釋和勸說，吾乖會鬧吓，但吾會一分鐘、一分鐘咁同佢計，畢竟 ...

我覺得自己好寬鬆哦, 佢差1、2分鐘, 我多俾5分鐘時間佢, 等佢無咁趕。

siukwan512

又討論下，我細仔好容易發皮4。遇上不高興的事就黎架啦 (e.g. 做錯野比我地話佢2句、得5到佢想要既野等)。佢又5係發TINE果隻，但好嬲，好5高興果種。

佢甘樣，我就5會再理佢。TUM兩句無用就算，話之佢。有時太過份就咩都5比佢做，罰企埋12邊。是否可行??

但佢依然不改佢少少事就發皮4既態度，點好?

yfchoy

時間管理：
我諗視乎小朋友有幾細，以前細個，好多時做唔到。現在小一，做功課時，我會俾一個計時器佢叫佢睇住嚟做(當然有時做唔到)。若發現這情況，在限時前一至兩分鐘用計時器提佢，等佢慢慢習慣。之於真係遲咗既話都會睇吓整個過程佢有否盡力，要俾時間小朋友適應。至於一些日常生活如換衫(佢成日係房懶在床上)，之前我回叫佢快啲，現在我會數限時，如換衫我會倒數30聲要着完出嚟，成效唔錯，佢會當玩咁係我數完前完成(我當然會預多小小時間或突然講慢啲，等佢可以嬴我)。

管教方面：我跟little_yolky 一樣，就算小朋友乖番我都唔會比朱古力(就算比都係我自願比而非小朋友要求，而且不是次都有)。現在我不停灌輸小朋友"要對自己做的每件事負責" 、"唔付出唔會有收獲"、跟著既目標係要佢"對自己的功課負責任，手冊寫的我仍然會跟，但手冊冇寫的而又講唔清楚老師要求，我會由得佢欠交，要佢明天自己問老師，問唔到再欠交"。佢哋太依懶父母，自己的功課都唔緊張，欠交或欠帶文具分分鐘會同老師講父母冇比，咁既學習態度比讀極都唔識更可惡，更要改正。

yfchoy

siukwan512 發表於 14-11-11 14:48
又討論下，我細仔好容易發皮4。遇上不高興的事就黎架啦 (e.g. 做錯野比我地話佢2句、得5到佢想要既野等)。 ...

我都會要佢企埋一邊要佢冷靜，有時太唔冷靜出手的話我會還手(大家要諗過先好用呀！)，有段時間佢會推我，我就推番佢落地上(當然睇清楚附近安唔安全)，要令佢知痛，佢話痛我就趁機同佢講佢推人唔啱，佢係受呢套，之後就冇再發脾氣推人，現在最多用表情示不滿(但一啲唔禮物表情都比我和C6罵，佢可以生氣樣但唔可以miu人)。同埋我不停同佢講，家裡最能話事的唔係佢，佢乖我哋會錫會聽佢講，發脾氣就一定咩都冇。現在啲小朋友咁叻，當然唔會亂嚟。你囝囝若果是冇理發脾氣的話，根本不用TUM，因為係佢唔啱。要跟小朋友講道理，令佢知道每做一件事都要為自己所做的負責任。可能暫時佢唔太明，但持之以恆的話，發脾氣的機率會慢慢減小。

loveDD

時間管理 -我不會限時限侯，這是家，不是公司也不是學校，我會讓他以經驗去掌握，俾佢知道遲到的後果要自己負責便是。

管教 - 就算乖返, 都一定唔會俾，亦千其唔好。說了的說話便是，不會改變。但通常我會隔幾個鐘後搵借口話佢乖比返佢，襯佢重有剛剛唔乖時被罰的記憶，知道咩叫有獎有罰。

siukwan512

回覆 yfchoy 的帖子

"同埋我不停同佢講，家裡最能話事的唔係佢，佢乖我哋會錫會聽佢講，發脾氣就一定咩都冇。"

我地都有甘同佢講，但又會擔心太獨栽? 對佢成長有負面影響? 點睇?


無厘頭發皮4梗5理佢，但有時係5開心都會TUM 12句，5受就算LOR... 佢都4歲，5太細架啦。樣樣都OK，係脾氣鬼甘大果下無哂計。最衰係有時朝早趕返學先黎發，勁想車把佢。我都好忍得手架啦，C6好勞氣真係會郁手LOR!

DreamKid

我覺得管小朋友就好似管下屬咁，唔可以太 micro management。如果將工序分得太细而每一個工序都有 KPI，好可能佢太部分既 KPI 都 meet 唔到。慢慢佢地會無動力去做好，因為反正都做唔到。

所以第一點，我只會話比佢聽幾點要出門口，如果食唔完早餐，就只有餓住上堂。我相信小朋友肚餓，自然會食得快。(我知道有D父母唔忍心) 當然，我有一規矩就係如果正餐食唔完係無零食吃，包括茶點。

第二點，我唔會比佢，因為哩個係佢唔聽話既後果。佢自己要負責。有人同我講细路仔，唔使咁認真。但我覺得就係细路仔先要認真。

我覺得小朋友要從小學會時間管理和分配。如果永係大人話比佢聽，幾點做物，佢永遠都唔會學識。再且，佢亦須要學會對自己行為負責。大前提係要比佢知道個 rules 同大人都要堅持到底。

yfchoy

siukwan512 發表於 14-11-11 15:22
回覆 yfchoy 的帖子

"同埋我不停同佢講，家裡最能話事的唔係佢，佢乖我哋會錫會聽佢講，發脾氣就一定咩都 ...

佢可能未必完全明白，但事實如此，我會再過後同佢講點解會咁，暫時佢可以。

siukwan512

回覆 DreamKid 的帖子

""佢亦須要學會對自己行為負責"" ==>> 百份百同意

責任心可以影響好深遠，我個人好討厭無責任感既人。所以責任感係我重點教育。

DreamKid

我覺得佢可能係對自己有要求，做唔到佢唔開心，但唔識 manage 自己既情緒。我覺可以同佢傾下，了解下。

DreamKid

我小朋友细時都會發脾氣，而家思想教育多左，好左的。

marble2004

回覆 siukwan512 的帖子

絕 對 同意,   亦 不 要 盲目 包 庇

happy_lavender

我的格言是：獎罰分明，言出必行，以身作則。

不過我較看重進步，即是若然你想小朋友準時，第一次做不到，遲5分鐘，我會再說明要求。到第二次，若遲更多會罰，但如有進步，即遲少過5分鐘，已經讚並鼓勵下次再遲少D。我不急於要小朋友一步到位，亦提自己要以小朋友的能力定期望，只要求培養出不斷求進的心態。若成功做到此點，那就不怕小朋友不達標，因為他會自定目標，力求改善。將來他所達到的程度，可能遠比你原先所要求的更高更遠。

S-Kwok

原帖由 little_yolky 於 14-11-11 發表
1. 第一點如果小朋友經常性地遲一分鐘, 咁我會同佢講明, 如果再有一次係咁, 即係你可能唔夠時間, 咁聽日我 ...

我當日嘅做法係，要佢自己掉咗粒朱古力，佢發顛唔掉，老公就同佢講“你唔掉，就我掉，我會掉夠2粒”，結果小朋友自己要親手掉2粒，喊爆，喊到2日後把聲仲係沙

教養嘅學問真係好高深，好多時怕行錯了、做錯了，傷了小朋友又唔知，或者做成以後不良嘅後果亦唔好。

Lam3Tai

其實而家年青人時間觀念同self-discipine真係愈來愈薄弱。
我0既教法係以身作則，我番工番學都會準時，運用時間(如同朋友食飯、開OT、考試溫書...)亦會同小朋友早D講明，比佢知道父母點運用時間。
而獎善罰惡我亦執得緊，比佢知道要為自己行為付負責(當然有時要心狠手辣)。

S-Kwok

原帖由 Lam3Tai 於 14-11-12 發表
其實而家年青人時間觀念同self-discipine真係愈來愈薄弱。
我0既教法係以身作則，我番工番學都會準時，運用 ...

有時就係覺得自己好嚴，好似好無商量嘅餘地咁

Jane1983

回覆 S-Kwok 的帖子

咁你吾比佢食，罰佢已經夠。你逼佢親手掉咗佢心愛的朱古力，係咪狠咗d？
你果個得4歲幾wor！

獎罰分明係好，不過吾使去到咁盡。