各位揀明我理由

everysunnyday

大家好, 我係新手媽媽, 正苦惱小兒PN揀學校.
我睇過教署評審報告, 明我小朋友都好出色, 老師有愛心, 同家長都有密切聯繫. 但校園細令好多資源輪候時間過長,活動受局限, 影響學習成效,請問係明我讀緊的家長覺得如何? 你們又點評價呢間學校呢?
另外, 學校所推行的綜合和螺旋式設計課程, 其實際係咩?同一般活動教學有什麽不同?

everysunnyday

忘了先要謝謝各位!

Sharon111

揀明我只得一個理由，就係教到小朋友升小一適應完全無問題。
因為明我k3 嘅課程、功課量及紀律要求已經係同小學生無分別

everysunnyday

原帖由 Sharon111 於 14-09-21 發表
揀明我只得一個理由，就係教到小朋友升小一適應完全無問題。
因為明我k3 嘅課程、功課量及紀律要求已經係同 ...

小朋友開心嗎？會否家長及小朋友都好大壓力？謝謝

Sharon111

個個小朋友都唔同，睇下邊類型。乖乖守規矩鐘意學野嘅會好enjoy, 坐唔定專注弱嘅會好痛苦

Sharon111

小朋友嘅壓力好睇家長點處理。家長一直由k1開始肯配合學校嘅進度喺屋企有幫小朋友建立温習習慣嘅，唔會有太大壓力。但如果家長k1至k2都一直唔跟功課亦畀子女好free, 去到k3 先黎迫，就會好辛苦，因為k3 老師要求高好多

Sharon111

k3 開學首日已經有幾樣功課，開學兩星期已開始每星期輪住有中英數常評估

everysunnyday

明白， thx Sharon111

lalala17

我個小朋友喺明我讀咗3年，我自己唔鍾意呢間學校。

明我確實出名於升小適應力及寫字，但對於品格、自信心及責任感培育欠奉。整天課堂超趕，因寫字佔上大部份時間，擦擦改改已放學。另外，老師也不見得熱心，說實在是沒耐性，一味只用鬧及罰令孩子守規，所以大多明我學生在人前是乖的。我不清楚是個別老師或是學校風氣，但我聽到其他班級都有如此評論。

學校環境固然細，沒空間給小朋友發展，但這個已不在我不滿之列。真係要睇你對學校要求係點同小朋友性格係點，這間絕不是以孩子為本的幼稚園，若只求成績會適合你。當日如果有人給我以上的評價，我一定唔揀。但現在要轉校已太遲了。

RebeccaJason

我個小朋友都係在明我三年，説真的教育好重要，我個小朋友由吾多出聲怕事驚青，到依家對樣樣事都有興趣愛發問，今年小二已經可以自己放學做功課。到今日我都好感謝明我的老師。説句實話，求求其其由得你乜都吾識，你就以為呢D叫愉快學習，其實三年日日番學都係冇咩學到，到一升小學你就知咩叫學習差異。係明我真係深但係用三年去習慣，最好吾好在小朋友面前話佢間學校多功課，因為只會比佢（同你自己）有懶的籍囗。當然一間學校一定有D追吾上啦！

lily233242

因為要孩子讀基灣，所以要讀明我。到那天你要去扣基灣門嘅時候，你就知讀明我係幾咁有用…

trachan

基灣咁多人報, 到叩門階段仲有位放出來嗎?

我今年都報咗明我, 想知道k3每日都用幾多時間來做功課呀? 做完功課仲有時間玩嗎?

MayLiee818

我有朋友的小朋友依家讀緊明我K1，佢小朋友都係比較文靜內向。開學無耐，老師都主動致電俾佢，講返小朋友在校表現，仲教左好多方法俾朋友去引導小朋友去做，仲強調唔係要逼小朋友，係幫佢容易適應而已。
依家過左兩個月，小朋友返學好開心，大部分課程都跟得上，小朋友自信心都多左。
K1好似都有百幾二百人，分左好多個班，朋友就話好彩遇到好老師。

morganBB

Abc

CCPHILIP1972

明我K3每日有2至3樣功課，如果小朋友分心，都唔算容易。
每星期一次小測(中、英、數、常)
老師都OK啦，K1特別有愛心
但小朋友太活躍就唔好選這一所
另外校舍細是缺點
升小一情況就幾好(不包私校)
上小一功譟無難度

babycute2009

lily233242 發表於 14-11-3 18:25
因為要孩子讀基灣，所以要讀明我。到那天你要去扣基灣門嘅時候，你就知讀明我係幾咁有用…



  ...

基灣收好多明我叩門生?

gsrover

適唔適合就睇作為家長相信邊一套教學方法。傳統一D，希望小朋友勤勤力力打好基礎，就一定明我。中文同數學我都好滿意， 英文串字要求高，但係發音就要自己執，始終教師都係好LOCAL， 港式發音在所難免。

至於老師，有愛心的有，嚴肅的也有，因人而異，但係對學生表現的評分評語就實事求是， 要求都好一致。

本人有三個孩子，大仔K3派到基灣， 我諗叩基灣門都唔少係明我，二女 K1， 細仔等住入N班。大仔資質好一些，讀得輕鬆； 二女K1已覺辛苦。所以睇小朋友受唔受。但係都見到老師K1會有耐性D，K2K3就嚴D。

都係嗰句，你要輕鬆就唔好到升中先黎問點解派得唔好， 又唔好DSE先黎話點解仔仔女女入唔到U，一分耕耘，一分收獲。內子係教書，好多唔同校都教過，小學求輕鬆，一條龍到DSE先黎話點解考得唔好，大有人在。

lily233242

原帖由 babycute2009 於 14-11-25 發表
基灣收好多明我叩門生?

係!

lily233242

好認同你講的"一分耕耘，一分收獲"。

我女兒資質一般，係明我畢業。升區內最受歡迎嘅津小，佢出名多功課和深，女兒卻應付自如，自己約一個小時做晒功課。唔溫書中、英默會有60-80分，如果有溫書可以攞滿分。測驗了一次，d卷出太約40%課外題目，佢都擺到約85分。

冇辦法，係香港求學始終離唔開求分數呢種玩法

嘅然係咁，早d調較小朋友吧！

LenaWong

我都贊成你講法，明我收我女下午班，下年K1, 但我住將軍澳，請問知吾知有無機會跨區讀基灣？