㡬多歲會坐定定聽故事

socute

看了汪培廷餵故事長大的孩子，覺得好有意思，自己都喜歡看書，都想嗰女自小養成閱讀習慣

但她從來不聽我講故事，她喜歡書見到就十分興奮. 可能佢覺得書是玩具，完全唔想聽我講故事，當她打開本書時我想同佢講佢就走開。我在viewcam見到她成日掀書玩，但就無意識聆聽

她現在仲細只是13個月，有無人分享小朋友大概幾歲會坐定聽講

cindywy

我囝14個月左右開始好鐘意聽書，一開始我都是按照汪嘅方法係餵奶時讀書俾囝囝聽，冇幾耐佢就自己要求我讀書俾佢啦

Joball

原帖由 cindywy 於 14-05-18 發表
我囝14個月左右開始好鐘意聽書，一開始我都是按照汪嘅方法係餵奶時讀書俾囝囝聽，冇幾耐佢就自己要求我讀書 ...

我個仔都係十四個月左右

mybabycullen

其實个个小孩都吾同，只要keep住伴讀，總会受感染。我好彩，囝囝一开始接觸書已經好中意，大約十个月左右，会坐定定留心听，其餘時間就好动到不得了，我身體弱，玩遊戲实在冇精力，只能交比姐姐同爸爸，但故事就拿手些，現在廿个月左右，仍会动中帶靜，一知道听故事就坐定定連听十本都得（氣咳）:momday:

Potato001

之前一直有放書在阿女的玩具中，但佢好少睇，佢18個月左右我帶佢去過一次圖書館，借咗本有拼圖嘅書，好好玩的，從此佢就鍾意睇書和雜誌，但多數睇公仔。我有時會借書俾佢睇，屋企都有幾本小樹苗，佢21個月左右會指住公仔，講到公仔做緊咩。之後我繼續有借書，多數睇圖畫書，我唔會跟啲字讀，有時睇動物書。

bonmom

自我個仔出世就培養佢對書的興趣,他的床仔會有布書,隨他咬,當玩具,然後當他大到想搣書,就俾雜誌紙任佢搣,他一歲開始有自己的書枱,枱上常平放了3本書,讓書面向上,吸引個仔自己取閱,每星期換一批,晚上story time我會邀請他坐在我的腿上講故仔,如果佢想嚟,我會自己朗讀,讀讀下就會走過來,慢慢佢鐘意看書,會自己主動攞書睇。

千祈唔好逼佢,家長要以身作則,常在孩子面前看書。

唔需要咁早要求佢聽故事,佢未發展到聽故事,就先讓孩子探索書,當玩具都無問題,但自己定時朗讀講故事,唔理佢聽唔聽,其實D小朋友好聰明,唔覺意就聽左。

選書都好重要,留意孩子對邊D書有興趣,例如我個仔對書中有較多白色的會無興趣,投其所好都得。

monlingling

囡囡一歲前我每日讀一本繪本故事佢聽，讀黎讀去果一兩本（一版一兩句幾分鐘讀完果d)，到一歲剛識行，有日同佢讀書，佢原來覺得我讀來讀去果一兩本悶，自己走埋書櫃拎第二本俾我，開始越讀越多，一本接一本，好多是一讀就一粒鐘，而家兩歲四個月，我讀少左，更多時候是佢自己睇書！所以一歲前已可慢慢少少咁培養了！

janettsui

大囡我地由4個月大就開始晚晚講故事, 老公講英文, 我講中文,  一開始係抱佢坐係我地大脾, 一齊望住本書咁講, 果陣時佢已經會坐定定咁聽.
而講故事既效用真係好好O架! 大囡而家4.5歲, 非常愛閱讀, 日日都會自動自覺攞書睇, 亦唔一定要我地伴讀, 會自己睇一D唔少字既書, 中英文都有興趣. 中英文既詞彙好豐富, 說話能力強, 全部都係說故事既威力
到細佬一開始係唔肯聽我地講, 轉眼就走左去, 但佢見我地晚晚都講俾家姐聽, 歲幾開始就間唔中走埋尼聽下, 到歲半時開始肯坐定定聽你講晒成個故事, 家陣20個月會主動拎書叫你講俾佢聽, 聽完要再聽.
講故事真係好好, 唔好因為小朋友暫時唔聽就放棄, 佢終有一日會愛上, 媽媽你要堅持呀, 讓小朋友愛閱讀, 令佢終生受用, 加油!!

socute

多謝大家，我會堅持雖然她仍然是無時停

winwin629

可以介紹下你們讀咩故事書嗎？

Miumiulab

由識坐開始已陪佢睇，開頭只會看水果、動物生字啲書，睡前講故事，大啲（1歲到）就攞住故事書講，開始時每次可能好短（幾分鐘）慢慢先講長啲。要有恆心，佢自然就會習慣有故事時間。

王家爸爸

winwin629 發表於 14-5-22 22:48
可以介紹下你們讀咩故事書嗎？

最簡單和便宜的方法是去兒童圖書館，選擇一些每頁只有一兩個字的圖畫書。
注意：顏色要鮮豔，顏色對比要大。

gasylie

你地點樣培養佢地睇書習慣阿？

chuboforum

我都好想知

ivanmum

我個仔都係十四個月左右

貝珠

我女10個月，佢會坐定聽十分鐘。我講同一個故事兩次。

moondream3003

我兩個仔都係識坐已經會坐定定聽, 出
世便餵書大的。

dazkit

原帖由 janettsui 於 14-05-20 發表
大囡我地由4個月大就開始晚晚講故事, 老公講英文, 我講中文,  一開始係抱佢坐係我地大脾, 一齊望住本書咁講 ...

想請教你4.5歲女兒如果引導她由伴讀/講故事 到自己閱讀？我小朋友都係4 歲，由1歲開始我每晚都會講故事，但現在他仍依賴要我講故事，試過氹他講一人一頁 or 輪流講故事都不願意，堅持要媽媽講故事，可以怎樣引導他閱讀？

janettsui

一開始係我要照顧細佬唔得閑, 叫佢自己睇一次先, 等我得閑先講俾佢聽... 慢慢佢就習慣自己睇一次本書先叫我講

keroro113

My son like story and can listen for more than 1 hr since he was fourteen month, However, my daughter is 19 month now, will go away within 5min.