小一應揾補習嗎?

KITTY0328

個個也說小一好多功課, 我們放工回家已經八點, 應否揾定補習好呢??

hadwinboy

原帖由 KITTY0328 於 14-03-18 發表
個個也說小一好多功課, 我們放工回家已經八點, 應否揾定補習好呢??

依家開始訓練定佢對功課的責任感，自動自覺完成。小一開學後觀察下再決定。到時先請也不遲，小一吧了。

fc926

唔贊成未試過自己搞掂就搵定補習，小朋友會有依賴，難返轉頭

魚王

我仔現在小一下學期。舊年十一二月，真係有想過放佢去補習社，好彩有人勸我堅持下去，现在好好多，我放工回來都做完功課，他又可玩下睇下電視。總括係，起初可培下佢一起做，龙其難的，最緊要正面鼓勵，之後慢慢叫佢自己做，做得到可給誇讚，和獎勵，要比佢玩下！小朋友有得玩先有希望！

fc926

其實唔好看輕小朋友的自學能力，我自知放工放得夜，冇乜時間教做功課，所以升小一前的暑假就教定小朋友學查中文及英文字典，等上左小一時有咩唔識就自己查字典，現在過了大半年，兩本字典查到巢晒，大部份自己搞掂，只有數學題間中唔識等我返嚟問

瑩瑩老豆

KITTY0328 發表於 14-3-18 09:13
個個也說小一好多功課, 我們放工回家已經八點, 應否揾定補習好呢??

每個小朋友唔同, 不能一概而論, 當年我兩公婆都係收工回家才跟我囡功課(佢會自己做左先), 到現在小六都冇補過習.

irenekit

我個女唔願做功課，叫佢自己做就話唔識做，我忍左半年，我頂唔順，今日去左揾補習社

lukemom

我都覺補習會好些, 起埋做好功課同應付默書, 但自己都要跟下, 幫佢溫下

yanyan6

irenekit 發表於 14-3-21 23:56
我個女唔願做功課，叫佢自己做就話唔識做，我忍左半年，我頂唔順，今日去左揾補習社 ...

出面D補習社,好多都係做功課+溫默書,考試前做卷,聽落好似好好啦,衰在唔會同你小朋友講書咁溫書,好多都唔會呀,所以,平時見默書OK,功課做晒,都唔好放心住

rean_chau

補左幾個月，决定自己跟返。因為佢啲功課岩晒，但操卷時好多唔識，即係跟本未理解。呢樣唔係我想要既，所以將個波交返比小朋友，要佢上課留心聽，唔好依賴補習社教。而自己跟返會更了解進度，唔會亂咁操佢。

yanyan6

回覆 rean_chau 的帖子

我都同你一樣,唔係我要嘅

我補左5個月,9月就開始,個幾月就是期中考,成績差,我當時覺得,MISS跟左1個月多D,成績唔好是未適應小一,搵過幾間又沒有位,依一刻,好矛盾又不知點好,即是要繼續用佢
再過一個幾月,到上學期期考,總分上都是多左11分,我覺得好傷心,好特然,事因我一直都會問MISS我小朋友點,默書一星期一次英一次中,次次90分以上,功課岩8-10成,考試又比幾份卷佢做,改埋,問題原來係平時一直都唔會幫我小朋友溫書!
傷心下變化成激勵,我本身o係我小朋友上幼稚園,我就去返左2年PT的,一氣下工都唔做,自己跟晒,cut晒興趣班,所有精神時間都用在學業上,前天考英文,老師讚我小朋友,老師咁講既''兩份卷都做得唔錯,WRITING做得好好'',昨天考中文,我小朋友話OK,我問佢出咩,答左咩,又真的岩的,我跟佢的過程中,係見到進步

CM0804

我囡都有去功輔班，我的目的是讓地有個做功課環境，快趣做，不似在家拖慢d野來做，唔識有老師教做，溫默書，間中做下練習。

我唔會expect上功輔可以提高學業成績，老師1對6，根本無可能單對單補習，1日$100唔使，想點。

平時測驗考試，一定自己跟返哂。