家住洪水橋會比小朋友返九龍塘嗎？

browneyebaby

如題，煩緊.....應該會坐校車，擔心太遠會辛苦，但難得的是SN & York都收咗。宜家會返天水圍英藝下學期N班可直升K1，所以好難取捨。可以比啲意見嗎？

annienorman

太遠了……況且好似唔值得

Cyc816

我住元朗明年囡囡都會返九龍塘讀書！因為難得我有心儀學校收我囡囡真很慶幸，有個好機會我會試吓！

browneyebaby

原帖由 Cyc816 於 14-02-10 發表
我住元朗明年囡囡都會返九龍塘讀書！因為難得我有心儀學校收我囡囡真很慶幸，有個好機會我會試吓！



  ...

咁你會自己送佢返學定撘校車？因在考慮中......

littleashley

你地會返上am or pm?我都考慮緊接送問題

hehawendy

回覆 browneyebaby 的帖子

車程要幾耐先...~ 如果番天水圍30分鐘...去九龍塘駛唔駛過1個鐘??

我幻想小朋友落車呆左....~我會好心痛囉....~

OmOm

N班住元朗，出9龍塘返學，足足搭足一個鐘校車，其實真係好殘忍，大人都辛苦，來回2個鐘，個人好累，後來搬出9龍，車程20分鐘內。
其實30mins 同60mins比，真係唔止double 辛苦。

但明白媽媽又想上好學校，如可以，搬出來吧，我想你幼稚園已揀9龍，小學都定必9龍吧，讀書漫漫長路。

browneyebaby

原帖由 littleashley 於 14-02-13 發表
你地會返上am or pm?我都考慮緊接送問題

返pm,已派下午班

browneyebaby

原帖由 OmOm 於 14-02-13 發表
N班住元朗，出9龍塘返學，足足搭足一個鐘校車，其實真係好殘忍，大人都辛苦，來回2個鐘，個人好累，後來搬 ...

都有諗過搬，但負擔會大咗，所以唔知應該點好。

OmOm

返下午班都比返上午班好，我嗰時12點上車，6點先返到元朗
返到學校1:00，放學4:30上車

bbjanbb

原帖由 browneyebaby 於 14-02-09 發表
如題，煩緊.....應該會坐校車，擔心太遠會辛苦，但難得的是SN & York都收咗。宜家會返天水圍英藝下學期N班 ...

你去in得就想讀，考慮埋車程架啦，唔係咩?

丁師奶

如果唔搬出九龍住就唔好俾佢讀啦
太遠啦！小朋友會好辛苦
唔好話小朋友啦
就算你住洪水橋，叫你出黎九龍返工都辛苦啦

siukitty

回覆 OmOm 的帖子

想問2O分鐘車程是否指校巴車程？要搬邊區先近九龍塘呢？可以係2O車程。因為現住官塘區，但由於係頭站，差不多45至1小時車程返kln tong，謝！

Winwinstar

自己或親人接送，推車仔，搭西鐵，加上返下午班，小朋友常會比較舒服

OmOm

荔枝角，美孚，尾站上車都好快到9龍塘。

littlexx

除非有車，唔係車程太遠，小朋友日日咁搭會好攰

Vickyblah

我都考慮緊。。如果西鐵會係咁轉車。去到紅磡要轉火車。都幾辛苦。

mhcbaby

我之前都係住洪水橋，後來仔仔要到九龍塘讀書，最後搬去美孚，0815上車.
坦白講，小朋友一來一回車程已花三小時，好辛苦！
或者你考慮坐西鐵去南昌再轉的士返，不過長遠睇都係辛苦。
你選擇york, 吾試下去萊茵？辦學理念都是一樣呀！

princesssnowy

打風落雨最頭痕，我自己有車出荃灣返到辛苦，何況九龍。除左搬，真係唔好諗

crystalrabbit

我住天水圍，今年9月阿囡都係返九龍塘，自己揸車接送要35mins一程，我覺得都ok快，但係打算年尾俾佢坐保姆車。
其實只要係坐校車or保姆車一定會耐，識人住沙田返九龍塘都慳唔到幾多時間。除非自己接送，否則都係要一個鐘至回到家。要坐校車又要快，除非就搬到九龍塘，但係供樓供多十倍價錢，勁大經濟壓力，不如唔返工自己接送好過，仲可以陪伴佢成長。
純意見分享，不喜勿插。