學校社工懷疑我個仔有輕微自閉傾向......

我係好媽媽

尋日見左學校社工, 傾左二個鐘, 社工話有咁既懷疑.....
仔仔 3 歲, 社工又話佢左右手都可以用唔得, 要決定佢用左手定右手做主導手...又話因為咁影響緊佢學習既能力...我越聽越亂......

我係好媽媽

cowina.wong 發表於 13-1-17 11:02
不要緊的，很多小孩子開始都有些是這樣。不過可以的話，家長最好鼓勵孩子用回右手，主要的是方便將來作息的 ...

社工話現階段比佢學習用返其中一隻手(左右都得), 之後睇下佢 "自閉" 行為上有冇改善, 如冇改善, 就要去做評估.

我係好媽媽

我其實自己唔覺得佢自閉, 只係性格比較固執同情緒化.  我既朋友都話完全唔信我仔有自閉傾向, 因為我仔好活潑好多野講又有眼神接觸.  但社工話佢各溝通(對答)能力同學習能力都好似慢左.

關於左右手方面, 其實左手定右手都冇問題, 社工意思係, 要盡快比小朋友決定, 佢既主導手係邊隻, 唔可以再用用下左手又轉右手咁, 或用用下右手又轉左手用.....社工話, 因 e+ 都仲未有主導手, 令仔仔可能有機會係學習方面出現 問題, 而問題又同自閉傾向好似, 所以有咁既懷疑囉...

我都想各位比多 d 資料我, 關於自閉既特徵, 我自己上網睇, 又中一 d 唔中一d....有冇可否大家可以問下我問題, 關於仔仔日常既事, 大家當做傾下計, 了解下有冇機會真係自閉傾向?

我知, 最後如有問題, 我會去做評估, 只係, 現階段, 社工話試下做另一個方法, 教導仔仔, 睇下佢情況會否有改善, 再決定.

謝謝各位!

我係好媽媽

pipi331 發表於 13-1-17 13:52
吓? MUD 兩隻手都用 會影響到有 "自閉" 行為 GE 咩???
主力用一隻就會少D自閉行為 呀?! .... ...

社工話::
因佢 e+ 二隻手都用, 未出到 "主導手", 令佢個腦左右唔可以正常發展,
例如(打個比例): 普通人係用慣右手既, 咁佢就會用左腦用黎唸野, 右腦用黎睇野, 可以左+右腦同一時間用, 但因為 e+ 我仔仔未有主導手, 一時左一時右, 令個腦唔知應該用邊一邊唸野, 邊一邊睇野, 結果, 佢可能 e+ 係用晒右邊唸+睇野, 另一邊腦冇用....因為佢只用一邊腦, 面其他人係用二邊腦, 令佢係學習上, 行為上, 會學得慢 d, 再因為咁, 有某 d 特徵, 又似似地自傾....所以社工先懷疑佢有自傾....

sorry, 唔知大家明唔明我講咩....

Catonmama

回復 我係好媽媽 的帖子

我之前上網睇過, 到左3歲到都未有主導手, 係測試係咪自閉o既問卷入面其中一條項目, 但係當然係亦唔代表一定係, 你個社工仲話你個仔仔有咩sympton呀? 咁老師又點講? 如果真係擔心都係可以評估下, 因為始終我地, 同埋社工/老師, 都唔係專業人工呀~~

wilyun

係囉~我都唔係好明個社工點解咁講...

我係好媽媽

Catonmama 發表於 13-1-17 14:52
回復 我係好媽媽 的帖子

我之前上網睇過, 到左3歲到都未有主導手, 係測試係咪自閉o既問卷入面其中一條項目 ...

社工話:
1. 仔仔唔太識睇人"眉頭眼額" 有時老師明明係好嬲咁鬧緊佢, 仔仔可以仲笑笑口對住老師 / 走開去..
2. 對答有時 9 唔搭 8, 例如老師問佢你今日食左飯未, 仔仔會答佢, "姐姐你食左飯未", OR 其他答案
3. 大小肌唔好, 話仔仔成日鐘意坐地 / 訓地...坐係地聽姑仔, 坐坐下會想訓係度
4. 性格固執. 有時有某 D 野, 佢只鐘意某種方法做, 唔鐘意改, 但又唔係樣樣都係咁
5. 對車車好有興趣, 其他玩具, 佢都會玩, 但冇對車車咁大興趣
6. 佢要既野, 得唔到, 會喊, 不過有時我慢慢同佢傾點解唔比佢, 佢又會接受

但仔仔眼神交流冇問題, 亦好多野講, 又唔會陌生人, 會 "了" 人講野

Catonmama

回復 我係好媽媽 的帖子

你講唔識睇眉頭眼額, 我就有一刻諗到亞氏保加, 因為我之前上網又係有睇過呢方面o既野~~

http://www.hkedcity.net/article/parentart_feature/050509-012/index.phtml

如果能力上真係許可, o係私家做下評估真係會安心d(因為政府太耐了), 冇事當然最好, 萬一小朋友真係有d咩問題都可以及早幫到佢

我係好媽媽

Catonmama 發表於 13-1-17 15:58
回復 我係好媽媽 的帖子

你講唔識睇眉頭眼額, 我就有一刻諗到亞氏保加, 因為我之前上網又係有睇過呢方面o ...

THANKS,我 E+ 開始會留意多 D 仔仔情況, 睇下有冇社工講既問題出現....
我都覺佢可能有亞氏保加多過自傾...

chowqv

果個係咩社工？

就算醫務社工，都唔可以做呢d專業評估；佢地最多係轉介你去見專科醫生。

我係好媽媽

chowqv 發表於 13-1-17 19:11
果個係咩社工？

就算醫務社工，都唔可以做呢d專業評估；佢地最多係轉介你去見專科醫生。

佢話佢除左係學校社工，仲識做評估喎！我of course唔會信晒佢，如佢話仔仔冇改善，我就會帶佢出去做專業評估！

mckm2007

你可以打去健康院，同姑娘要求做評估！唔好等了!

chowqv

我係好媽媽 發表於 13-1-17 23:28
佢話佢除左係學校社工，仲識做評估喎！我of course唔會信晒佢，如佢話仔仔冇改善，我就會帶佢出去做專業評 ...

“識”唔係得個“講”字；佢無呢個認可資格，只會誤人子弟。

我懷疑佢社工既資格。