有冇家長的小朋友正在考小一，可否分享下苦況？考小學同考幼稚園有甚麼分別？

silvia_ng

過小一選校睇適合D。小學不一定只睇讀咩幼稚園出黎, 所以你要針對果間心儀小學作部署呀!

luilui007

其實名幼真的不代表收硬，我的朋友好似St.cat同KV一樣收到大把waiting，故此我認真努力過便算，不要想太多

蝦米豬

St. CAT/ KV一年收幾百個學生, 點會個個有保證考上名校?2歲幾少In 幼園, 5歲幾時考小學, 差呢三年可以幾大分別架. 幼園面試時要反應, 甚至活躍. 考小學時就要你坐定定服從, (當然要識回答問題), 篩選準則唔同.

Jane1983

我小朋友系K2 ，都好留意考小一情況，亦有好多朋友在考小一，戰況系好激烈，讀名幼系一個plus ，但家長有無出力栽培先系重點

四隻貓

分別都幾大, 考K1 會受2歲孩子先天條件影響較大. 例如孩子性格天生怕醜, 遲講野, 在考K1 時家長都無咩能力改變.
但2-5歲這三年, 家長肯努力, 孩子是可以進步很多的. 例如天生怕醜, 家長多帶孩子外出, 參加活動, 參加朗誦, 孩子慢慢有自信起來, 就不會再怕醜了.

考小學比考幼稚園更大競爭, 家長要有心理準備, 事前做足功課, 多研究一下心儀學校的特色和收生要求, 機會係留俾有準備既人0架.

四隻貓

AnnieSammy 發表於 13-1-3 15:46
四隻貓，你有咩準備㗎？我好唔like 小朋友成曰背書

如果唔喜歡傳統果種背書默書多抄寫, 可留意一些新派直資/私校.

有興趣可到小一選校果邊睇下.

xxariesxx

st cat每年有成十班學生出黎又點會好似以前咁吃香。

Jane1983

其實同一間名幼，同一班同學，都可以差好遠。有d小朋友有25+分在手，almost必入，父母比較care free，同另一些父母專心培育的，可以差好遠。

yslgirl

Jane1983 發表於 13-1-3 22:04
其實同一間名幼，同一班同學，都可以差好遠。有d小朋友有25+分在手，almost必入，父母比較care free，同另 ...

係呀, 同一間學校, 同一班都可以差好遠架, 我有一個中一至中六都係同一班既同學, 會考7A1B, 中六入左中大做暫取生, 佢中學時老師問佢志願係咩, 佢話係 : 修身, 齊家, 治國, 平天下喎.  結果畢業做了AO.  呵呵, 我呢, 覺得中上就OK啦, 最TOP, 好辛苦呢!  每人對自己要求不同(而家應該是每個家長對小朋友要求不同至岩).

Jane1983

yslgirl 發表於 13-1-3 22:14
係呀, 同一間學校, 同一班都可以差好遠架, 我有一個中一至中六都係同一班既同學, 會考7A1B, 中六入左中大 ...

哈哈，做AO都未必好，未必開心ga。

sbux

原帖由 Jane1983 於 13-01-03 發表
哈哈，做AO都未必好，未必開心ga。

贊成，成班老鬼等你細嘅做，福利又好過你，佢又咬長糧

四隻貓

AnnieSammy 發表於 13-1-4 00:32
唔係喎我老友三年前exactly said the same thing. 唔揀名幼，入左啲注重玩的普通幼稚園，就話自己 ...

我覺得幼稚園都好重要, 但點揀真係好睇家長自己想要咩.
我同先生好重視英普語境, 另外心儀蔡繼有, 所以當年考既都係有英普語境既幼稚園.
今日女兒K3, 確實能夠說不錯的英語和普通話(起碼讀音比我標準), 我就覺得已經達標了.

至於名幼同考名小學有無影響, 我覺得係有一定影響的.
未必係某名小學偏好某名幼, 而可能係某些名幼既教育模式同某些名小學非常相近, 教出來既學生好合某些名校既心水.
e.g.
雙班主任制重語言既小學, 好多時都會收返 雙班主任制重語言既幼稚園學生.
重視學術能力的小學, 好多時都會收返重視學術既幼稚園學生.
重視紀律的小學, 好多時都會收返重視紀律的幼稚園學生.

所以大家要先確定心儀學校, 睇下該校喜歡收邊類型學生, 從而揀選相同教育理念/模式既幼稚園.

mummyWai

回復 四隻貓 的帖子

Agreed. I prefer the similar focus. The kid and the parents needed spend time to adapt from KG to Primary.

Jane1983

看每個家庭到情況和處境，如果經濟緊絀，又或者住得遠，吾一定要節衣縮食或搭幾個鐘車，夾硬讀名幼，仔女先有前途。又或者小朋友考吾入，想讀都無，亦吾係世界末日lor。

咁當然，如果考得到又afford得起，咁就讀啦！