足足兩年，我先知小朋友有自閉症傾向，好荒謬!

小冬

有做左二十多年的幼師勁話我仔有問題，但又唔肯講有咩問題，因我仔發脾氣，後來讀左一年兼收位，個特殊幼師話我仔無問題，係個職業治療師話我仔有輕微自閉症傾向，一年後之前個特殊幼師走左，轉左一個新老師來，我同佢講我仔有一些固執問題，仲要我去協康會的書仔睇到有兩個個案的特徵同我仔一樣，跟住我同個幼師講，佢唔認同我，仲話我多疑，職業治療師最近半年先來睇我仔一次，點解成日要我估，揾資料?我都唔係專家，個特殊幼師仲話我仔好好，我好嬲!兼收位無咩用，因為個老師無料。
其實佢有固執行為，例如係都要睇港鐵離開月台，鍾意上啡色扶手港鐵，而社交方面，佢唔識避打佢的某個同學，我需要讓他上什麼訓練呢?佢就來六歲啦，點算?

JANETHIM

有沒有安排社交班比佢上呀,一些社交,行為同固執問題係我們的A仔最難攪!
你小朋友快6歲,即快上小學,上到小學,佢地的社交問題更明顯,因為佢地的固執or 一些行為問題,領到其他小朋友覺得佢怪怪地,而受到排斥(呢d都係,我個仔現在上到小學,所面對的問題),上社交班會學到一些同其他小朋友相處的技巧,惑者可自製一些社交故事,等他預知將會發生的情境,以減少出外時發生的固執行為!

Vichang

有冇嘗試搵生理學家做評估？或者排期去政府做？

小冬

邊度上社交班好?我小朋友上過X能協會，佢話好悶，同埋我覺得上完十堂都唔知學到咩?

小冬

兒童智能中心話要等上小一前先再做評估，出面的私人心理學家又貴，社交課又唔知邊度好，我仔的兩個同學三歲，四歲上小一前又評估一次，都評估得好密，好唔公平。
最慘係幼稚園兼收老師無料，我同佢講小朋友的問題，佢都唔認同，話我多心，仲想我小朋友離開兼收位!佢都有問題的，已經有兩個教左二十多年幼稚園及小學的老師朋友話我仔有問題架啦!我真係好無助。

pyalisa

呢本書全港幼稚園都有一本，打開自閉嗰一頁，圈晒你小朋友有的特徵，如高分，佢無得say no.
http://www.step-hk.com/2010/download.html

pyalisa

如果小孩子學習進度跟得上, 有同其他小朋友玩，一般老師會話小孩子無事。可能偏向亞士保加，可以試音樂治療同RDI