讀咗十年書, 升中後經歷咗好多個第一次...

禮媽媽

阿仔兩歲開始返學，讀咗十年書，升上中一三個月，經歷咗第一次中文默書0分、英文默書12分、測驗唔合格、因欠帶書簿作業欠交功課，手冊就快俾老師寫滿一版、第一個缺點。。。

點解會成日都「唔記得」？唔記得寫手冊、物品放咗響LOCKER唔記得拎上堂、唔記得默書範圍、唔記得放學後要參加比賽練習。。。

有冇小朋友都係咁？係唔適應中學生活？定係間學校唔岩佢？

好灰。。。。。。。。

hw1115

阿仔兩歲開始返學，讀咗十年書,
測驗, 中文默書唔合格
,物品放咗響LOCKER唔記得拎上堂
因欠帶作業欠交功課  >>>>>>> same as my son.

心心媽

可能由中文小學轉英文中學，聽吾明老師講野！妳囝囝小學時成績怎樣?

禮媽媽

回復 心心媽 的帖子

小學成績好好，考到B1A 英中。。。

杰杰媽媽

佢小學係咪都係要人成日提住先記得帶野／做野既人黎？？

如果係既你要由頭 train 過 佢自理能力。中學老師要帶咩／做咩都係講一次就算，你冇即時寫低既習慣就一定成日漏野記缺点。

呢D都係平時由細到大既習惯黎，细個易改D，大左唔會跟你既方法去做。好頭痕。

杰杰媽媽

我仔細個時我係好黑人憎，我蓮佢放野都要跟我方法放好，錯一次講—次，煩到佢做到為止。係我屋企除左食咩好之外，係冇是但求其呢様野。

到高年班時佢巳經做得好好，唔洗我理。

cy101

係咪唔慣MARK 野落手冊/記事簿?

禮媽媽

回復 杰杰媽媽 的帖子

佢小學三年級我已經開始TRAIN佢，我依家仍然有好似小學時咁日日問佢十幾次做好功課未？執好書包未？檢查清楚未？SO FAR小學都冇咁多甩漏，但上到中學就。。。佢連手冊都寫漏，唉。。。

禮媽媽

回復 cy101 的帖子

佢只會答我「唔記得」或者「唔知」

nc2000

我個仔同你個仔一樣！咩都唔記得唔知！欠功課，小測唔合格，功課馬虎，但同樣小學b1b亦入讀b1英中！我由幼稚園已train佢自己放學做功課，小學就教佢mark測驗考試默書在diary，plan溫習，咪又係而家從頭開始，要督住做功課，對手冊，幚佢Plan溫習測考！性格如此，無可奈何

longlokma

原帖由 禮媽媽 於 12-11-26 發表
阿仔兩歲開始返學，讀咗十年書，升上中一三個月，經歷咗第一次中文默書0分、英文默書12分、測驗唔合格、因 ...

樓主，開了家長會未？有冇同班主任傾過他上堂情況？先了解下他是否留心上堂，老師教的他是否不明白而導致失去學習動力。有冇同仔坦誠傾過計呢？試下問下佢对自己現况有何感覺，什么原因會有這麼多失誤，他自己緊不緊呢？坦白說，中學生大个仔了，他自己唔緊父母好難迫.......如果他自己緊張學業，就算忘記抄手冊也會打电话問同學而不會放棄唔做。你仔小學成績咁好，不應該中一上學期便大退步的，相信不是能力問題，試留意他身邊朋友，他的情緒，好好關心他和他多傾計，了解他心裏在想什麼.........有你的支持，相信你仔仔可重新出發的，千萬別放棄！

Yanamami

睇o黎似態度出左問題多過能力問題. 正如longlokma所言, 要去暸解下背後既原因.

杰杰媽媽

佢可能唔想做/理任何野多

JJHK

有你同樣經歷，我比你更唔開心就係亞囝考第尾。不要灰心，我友去返小一的生活，幫他check 功課，溫書。

Meikin

禮媽媽: 你唔洗咁灰, 我個仔去年中一整個學年都是好多"唔記得", 唔記得帶功課/交功課/帶書返屋企或學校等不在話下, 臨瞓前才突然記起明天要交某些功課或要默書, 於是拿拿林去做或問同學默書範圍然後漏夜温, 重試過唔記得去普通話測驗, 又或考試前唔見咗成本書, 要立刻買過, 其他唔見計數機/文具/通知更是家常便飯.  

阿仔學校冇手冊寫的, 所以那時我想盡辦法幫佢 (例如買本小簿俾佢記低要做甚麼及deadline, 用post-it-note貼在當眼處提佢), 我亦同時返學前及放學後打電話提佢交功課/帶書, 提到我都有些精神衰弱...........終於今年中二有回報了, 好咗少少.

我阿仔一向是大頭蝦, 唯一不同是初中成績雖冇小學咁高分, 但未試過不合格.

我建議你從兩方面幫助阿仔:
(一) 想些小辦法 / 利用一些工具 (e.g. post-it-note, small notebook..) 去協助佢記低要做的事.
(二) 了解他默書0分及測試不合格的原因 -- 是上堂聽不明白, 學習上遇上困難?是忘記或記錯默書範圍?是學校生活有些不愉快, 不知如何處理?
孩子(尤其是小學成績好, 讀精英班的)升上中學, 測試考試的分數多半與小學時有一定差距, 佢自己本身都不開心, 也覺得難向父母交待.  所以佢考得點不好, 最多哦兩句算了, 多加鼓勵, 協助佢重拾自信, 面對及解決困難才是最重要.

Meikin

即便現在中二, 有時他對著一大堆未做的工作紙, 及好些有不同dealine的project/test, 他都試過話"好唔實在, 唔知從何入手, 好似所有嘢都掌握唔到".  我都明白平他的感受, 那我就教佢點樣可以計劃做事, 按步就班, 唔好迫到所有事都在deadline前做, 教教吓試試吓, 如果work, 就等佢自己慢慢pickup.

mc

回復 禮媽媽 的帖子

明白你的不安和不開心，但我想你仔仔可能更難過，要知道一個原本是精英班的尖子，上到一間有著眾多尖子的中學，在適應能力上可能自覺和別人有大段距離，人越急就越不記得很多事情，當成績越來越不濟時，你仔仔自然越來越不想讀，這是正常的反應。因為畢竟由中文小學升到英文中學，除了中文、中史、普通話外，很多科目都馬上轉用英語教授，以數學科為例，看慣中文題目，一時三刻要適應看英文題目，有一定的難度，起碼要懂一些常用的英文生字。

你不妨和仔仔坐下來好好談談，或者由你c6和仔仔談，孩子進入青春期後，囡囡喜歡和媽咪談，仔仔喜歡和爸爸談，試試找出原因，或許你仔仔有些心事沒有向你透露；另一方面也可以打電話給班主任，了解一下你孩子在校的情況。先了原因再對症下藥，如他覺得功課上很難追，可以考慮找一些補習社補下，也可買些練習給他做。

始炵小學升中學是一個新的環境，還真需要時間調適。我自己試過，孩子小二時有一次不知何解數學測驗不合格，我沒有罵，只說那現在我們由小一的數學重新做起，好好做，這次跌倒不緊要，可以追得番，畢竟學習是一場漫長的馬拉松，跌倒不緊要，最重要知道如何重新振作，繼續跑下去。成績不是和別人比，而是自己和自己比，只要今天的成績比昨天進步就已經很好了！

Meikin

mc, 說得好

like_travel

回復 禮媽媽 的帖子

樓主，不要灰心！ 一如我囡，n次忘記把locker 的書薄帶回家，明天測驗，今天忘記帶! 幸得同班同學下群組在whatsapp send image 比佢温！

TwoBabies

禮媽媽 發表於 12-11-26 23:29
回復 心心媽 的帖子

小學成績好好，考到B1A 英中。。。

會否兒子的學校太勁,佢暫時未適應或跟不上,因此用放棄的態度呢?