請教：點樣教２歲B認顏色？

小小山

如題。點樣教２歲BB認顏色？

peckychiu

我都係見咩教咩~但如果你覺得唔work..
會唔會要一日教好一隻色..例如:red..咁就比多d red things佢睇..例好apple紅色...紅色交通燈..紅色xx..咁第2日就專講一隻色會唔會易明d?

hohoyy

咪就咁一路指一路講, 當然要重覆又重覆啦.

wan_sosin

我會倒出不同顏色的玩具在地上,然後同佢一起分顏色.
到佢有一定情度,我會用M&M同佢玩,答對就比一粒佢,佢就好快記得,當然唔會玩咁多粒!

gatochat

見咩教咩最好, 好奇怪好多人都覺得小朋友要識顏色, 奇實大家知唔知道顏色唔係容易明.  因為佢係好Abstract的東西, 係touch唔到, 對年紀細的小朋友係比較難明.  唔同好似教'1', 你可以比一架車, 一個橙, 一個人佢去touch, feel, 等佢知道1原來係咁, 2又係咁. 要確確實實touch到的, 佢地先容易明. 所以小朋友多手就係咁嘅原因
所以我覺得冇頂須要去特別教, 見咩講咩就ok...
'你今日件紅色衫好靚喎'  '媽媽D黑色頭髮要梳下啦'... etc...
見咩講咩就ok啦

Lovely_Babybaby

gatochat 發表於 12-10-3 23:38
見咩教咩最好, 好奇怪好多人都覺得小朋友要識顏色, 奇實大家知唔知道顏色唔係容易明.  因為佢係好Abstract ...

AGREE, 學校校長都有咁講過,
小朋友好難理解呢D抽像野,
你教佢呢架係車,佢好易明,因見同類型既野都叫車,
但顏色,佢唔明,點解呢樣野又叫紅色,另一樣咁唔同既野又叫紅色.

之前奧運咪有個七彩頭髮既POSTER既?
我每朝都會帶阿仔去睇,指住話比佢聽呢個乜野色,
但成個幾月佢都係學唔識,
我諗係因為太空泛,勾唔起佢既聯想.

聽完校長講,我宜家教的時候,
會講得實在D,如紅色的車,黃色的香蕉.

我教左佢過馬路睇燈,佢好快記得紅公仔唔行得,
綠公仔行得,見到紅色野我就問佢呢個公仔乜野色,
係咪唔行得個隻色,佢宜家就記得紅色同綠色.
有時見到黃色,我就問佢係咪香蕉個隻色,
我諗要教佢聯想到物件佢會易D掌握.

torunpoland

非常同意!

所以, 我覺得, 幼稚園面試要小朋友識分顏色才會收, 有點過份. 總之, 我平時見咩教咩, 不用太過刻意, 只要確定孩子目前不是色盲就可以了.

Lovely_Babybaby

torunpoland 發表於 12-10-4 12:02
非常同意!

所以, 我覺得, 幼稚園面試要小朋友識分顏色才會收, 有點過份. 總之, 我平時見咩教咩, 不用太過 ...

我屋企有個玩具,要放D波落去同色既圈度,
見阿囝次次都放得啱,就可以確定佢無色盲

bee918

吾谷既學校, N班(兩歲班)上學期教顏色, 會先教3種主要顏色先, 如紅色, 並會鼓勵小朋友講出對各種顏色既感受.
我隻bee先學識分紅藍綠黃之類常見色, 再慢慢教其他. 兩歲半可認到少見既顏色如紫色.
不過有次K1學期初, 聽到個媽咪提及佢個小朋友教極都係吾太懂(應該3歲). 我相信有D小朋友真係會慢慢至pick up到, 所以吾使太緊張.
而且聽講黑色係好難分架.

kimori

Lovely_Babybaby 發表於 12-10-4 10:33
AGREE, 學校校長都有咁講過,
小朋友好難理解呢D抽像野,
你教佢呢架係車,佢好易明,因見同類型既野都叫車,

我都唔知點教囡囡, 聽完你咁講覺得講d實在既物件去教佢會容易d, 淨係講顏色太抽象喇!
等我都試下你既方法先, 唔該晒!!

acharsiu

原來有這麼多小朋友學顏色慢？
我家小子未滿一歲認全彩虹七色，歲半認全黑白啡灰，算非常早囉？！
方法只是買了那種一頁一隻色的書跟他一起看而已。

Shirleykai

我囡囡就睇VDO,  初初睇呢~成X飯咁(每日30-40MIN),  睇了2個星期,  現在乜都睇顏,  連自己著的衫都識讀.   

隻VDO在大陸買回來的, 幾好呀~ 又平又有用.