失望的畢業禮

Tinong

失望的畢業禮
=============
今天剛剛係幼稚園畢業禮,下午在TKO啟思中學舉行,同時間亦係啟思小學畢業禮。真令人失望之極，首先要在禮堂外悶熱地等，且畢業禮中大部份時間都是校長、校監、牧師和嘉賓演講，學生變了報景板，場面沈悶。到了幼稚園校長演講，稱小朋友成績優異，有2張小朋友的相，一張是有位女同學攞咗YLE(starters-15盾)，另一張則是普通話證書；但這些成績都是非常普遍，同級巳有小朋友取得更高成績[YLE-movers-15盾, Trinity-Grade 3-Distinction以及普通話優良成績(這些都是小朋友在校外取得的，這間幼稚園並沒有提供)]，明顯地她並沒有充份時間留意小朋友。，還有，上台得優異獎的小朋友可能在本校老師心目中是優異，但宏觀全港幼稚園學生就???。而且這些得獎小朋友大部份都是留在啟思小學繼續升學的。

Vlone778

其實有什麼好比較？這樣已不算宏觀，什麼1415盾，得到什麼紙張上全紅，也不一定代表是最優秀旳學生，可能什麼證書也有，就是欠一張學做人的証書！

jj_bb

不用太介意，不順氣的事經常發生。take it easy!

albb

不用生氣，同選港姐亞亞姐差不多，都係內定，公平的

ScarlettShannon

可能校長旨在Hardsell 吸引更多學生入讀，但over左，令人失望。

Tinong

無所謂啦!小朋友已經入到心儀且出色的小學。學校當然唔會問，但家長已告知老師！今次其實對我個小明友都係一個經歴，亦知道校外、校內嘅表現都好重要。起初，已發覺這間學校程度淺，出去考優質、出名嘅小學比較難，但考慮校園環境唔錯，又沒有學習壓力，所以就選擇佢。點知，讀後要面對競爭嘅小一入學面試更大壓力，在這裡，希望家長們認真考慮小朋友的前途-先甜後苦還是先苦後甜

yfchoy

Tinong 發表於 12-7-17 10:20
無所謂啦!小朋友已經入到心儀且出色的小學。學校當然唔會問，但家長已告知老師！今次其實對我個小明友都係 ...

絶對讚同，有些家長既想小朋友可入讀名/心儀小學但不想催谷，又要冇壓力學習，最好咩都學校教晒，哪有這麼好！我初時都覺得想小朋友愉快學習，常以為愉快學習=冇壓力學習。試想想小朋友若從小便分配時間閱讀，學習，玩耍，佢哋根本唔會覺得有問題。若是一向放任小朋友玩耍、睇電視，要佢哋學習當然會覺得辛苦。我初時都想讀哪間幼稚園都冇所謂，最緊要開心，太催谷不太好。結果幸運地入了間自己心儀但都出名谷小朋友的幼稚園。有時會見到小朋友好似好多功課好辛苦，但問到喜唔喜歡返學時佢喺喜歡的。所以喺咪苦都喺家長調教出嚟，你不停俾小朋友覺得父母認為佢辛苦，佢實話苦的。

shirleylee_0514

樓主, 睇完你呢寫既野....你小朋友所讀既學校正是我小朋友黎緊入讀既K1, 擔心中, 但你除左對畢業禮不滿, 此幼稚園比你再重新幫小朋友選幼稚園, 你會選呢間嗎 ? 咁呢間幼稚園是否十分淺 ?

matsushima

本人覺得學做人這張証書才是最重要

wishwong

講真...如果揀呢間學校..又要擔心課程會唔會唔夠深...功課夠唔夠多...多唔多參與校外比賽,,, 競爭力夠唔夠等等... 我真係衷心建議家長唔好揀CPSK... 人比人比死人.. 點先為之夠? 點先為之勁??? 點解要小朋友自細就要比CERT多... 講4/5種語言???
希望大家真正了解每間學校既理念先俾小朋友讀... 好明顯樓主既選擇係錯配... 仲要係到畢業一刻先醒.. 好悲哀~

petunia

個個畢業禮都係咁架啦，樓主你心目中的「畢業禮」係點？

睇左幾行樓主的說話，就已經覺得好怪獸了...畢業禮唔應該由校監講話、校長講話、主禮嘉賓講話？唔通，搵幼稚園生講話？

幼稚園生咋，個細路唔識講自己考左d咩試，或者得到咩成績，你咁介意人地唔俾個獎你威，你應該一早報俾學校聽你幾想威啦。

一個「儀式」，你竟然有咁多的介意。

Vlone778

樓主意思係我個仔比台上面嘅小朋友成績好，係唔係因為唔選擇直升上小一所以冇份上台接受虛榮！

airyaoi

我自己接觸過呢間學校O既幾位學生, 都是小學生。
坦白講, 不是很醒目的類型, 但品行不錯, 而且比較純品, 似返個小朋友。
好唔好視乎你著重邊樣多D啦。

ronniedad

路過, 相信學校呢D獎項係俾原校升讀的學生一D鼓勵, 並唔係D咩名次之爭. 如樓主咁介懷呢D虛名, 就唔應該選呢間學校了. 出面大把學校到畢業都係MOVER14/15盾. (咁又代表到D咩? ) 只係你揀呢間學校時都知佢係一間唔谷的學校, 但現實自己就係咁谷佢罷了. 想個小朋友拓寬思想, 點知自己反而困在一個只懂興人比較的窄狹世界內.

kufubaby

我鍾意d畢業典禮係俾小朋友表演的, 然後每個小朋友都可獲校長親自頒發的畢業證書!

開心小花

回復 kufubaby 的帖子

我都係, 所以我就幾鐘意阿囡間幼稚園畢業禮的安排. 當然都會有校監, 校長,
家教會的主席等的演講.但係Focus都係放在小朋友的身上. 每一位畢業的同學都會著畢業袍由一位家長陪同上台, 講1,2句自己的感受. 然後由校長用四方帽’扑’一下頭. 再頒畢業證書. 真係睇到我好鬼感動. 另外,全校小朋友都有參與表演, 包括PN班的小朋友都唔例外. 阿囡有得上台表演好興奮, 我個日睇阿囡表演, 又好興奮.

jojoplanet

yfchoy 發表於 12-7-17 10:46
絶對讚同，有些家長既想小朋友可入讀名/心儀小學但不想催谷，又要冇壓力學習，最好咩都學校教晒，哪有這麼 ...

我選咗間唔太谷既學校比我個仔,因為佢係細仔怕太谷佢搞唔掂唔想返學, 到K3為應付小學必要自己谷下佢, C6成日覺得我迫個仔, 但我每次問個仔好唔好唔讀呀(校外學術課程) 阿仔都話唔好, 問佢辛唔辛苦, 佢話唔辛苦..佢好ENJOY 學習過程中佢見到自己有進步..只係有時因為温習少咗玩既時間會同我講下數玩多一振先...

人地聽落我一日比幾份野佢做好似好變態..查實佢做既過程好輕鬆...

Parisienne

Tinong 發表於 12-7-17 10:20
無所謂啦!小朋友已經入到心儀且出色的小學。學校當然唔會問，但家長已告知老師！今次其實對我個小明友都係 ...

恭喜呀！小朋友入到心儀又出色的小學真係好開心！
但樓主批評間學校又淺，又唔關心學生，理應同優質出名小學無緣，咁請問你小朋友點解會考到好小學呢？請問你會歸功於以下 :

a)校外惡補
b)在家惡補
c)靠人事升好的小學
d)屬天才兒童，跟本讀乜幼稚園唔重要，可能唔讀都得。
e)神蹟
f) 其它....

另外，先甜後苦還是先苦後甜?
先苦後甜可以甜幾耐？
甜的意思是否升上小學後就唔需補習(因為幼稚園己教了小一課程 )，但小二三...呢？唔補都能夠keep住名列前茅嗎？如果唔係，咁即係先苦三年(幼稚園) ，然後甜一年，再苦二三四五六年 ....?
點解讀書要咁苦？

如果培養到小朋友的學習動力，請問可唔可以先甜後也甜？定係妄想？