請教為何囝囝做功課?

BNA

我囝囝今年小二，每天放學都不願做功課，還拖延到11:00先完成，無論功課多定小都一样。每天已放工返家即時提醒他要盡快完成︳避免延遲訓覺，但每天都一样。 有無解決方法? 有常試去功課班︳一样在坐唔願做，又有常試請私人教，一样唔願。唔知边算 ? 好煩 ? 边有可以教吓我。

vincat

同我CASE 一樣, 我都試過好多方法, 但都差唔多, 我由放工開始已經同佢講我返緊黎, 你好快D做, 但都唔係好有用, 攪到我日日都好CRAZY,老師同我講, 叫我定個時間, 如果佢做唔完就唔好俾佢做, 帶返學校, 但我暫時未試, 大家一齊繼續努力啦, 因為佢地係我地生GA MA

BNA

其實唔想佢太遲訓，影响健康，又唔想日日要勞氣。家長會問問老師的意見先。 謝謝妳們。

點算好

回復 vincat 的帖子

Yanamami 講得好岩，我們都是這樣對付小兒的．現在這困局變成了你的問題，不是他的問題．要把主次分清楚．在合理時間內不能完成是他的問題，出了問題就要負責．例如翌日在學校老師會質問（當然事前要同老師約好）甚至用小息時間完成．這樣就成了他的問題

Whitepine

我仔仔每天都會放學後回家做工課先，原因是我很清楚及堅持他"一定"要做完當日的工課或默書後，才可以做他喜歡的事，例如，看卡通，玩玩具等。如果唔做，一切都"無"...直至他做完工課為止。這個方法，在我家來講，非常有效。

kp_sin2001

要小朋友自行做功課, 由第一日開始, 父母有責任堅持做完才能玩既道理, 不論小朋友任何解釋都不應該妥協, 否則, 只有越來越難搞, 真係做唔完, 就又佢回學校給老師責備, 小朋友比老師話得多都驚啦..自然知錯的.

mandy304

與他傾談, 一起制定時間表. 但必須堅持並落實進行, 真的要"狠"一點, 否則就沒用.

BNA

多謝妳們的分享，我每天都有同佢提，功課未做完無得玩，無得做其它想做既野，但因家裡只有工人姐姐，佢不會聽她的，每天在我們放工返家之前佢自己玩呢样，弄個样，打電話多次提醒都一样。 最終咪每日延遲︳每日晚訓︳第二天不願起床，上堂唔專心，放學就必定要午睡。

jasonchloema

回復 vincat 的帖子

既然老師可以配合, 點解仲唔實行呀! 國有國法, 家有家規, 屋企在限定時間內未完成, 就等佢攞返學校等佢同老師交待, 小息做又好, 午息做又好, 小朋友見人有得玩, 佢冇得玩, 自然會識點做.

yeesumyin

我覺得你可以同佢講唔做功課嘅後果, 甚至比佢試下無做晒功課就去返學會有咩後果出現. 千萬唔好因為唔捨得阿仔比人罰而種容小朋友呀!  遲左仲難教呀!

BNA

其實間中佢都有欠交的情況，有時是忘記帶，有時是未完全做完就交，都有試過比老師要佢在小息時做。 或者這總情況較少，未對佢有咩作用，所以佢還未有改善，早知早点請教大家，唔使等新學期先開始呢個方法。

ANChan59

回復 BNA 的帖子

妳有沒有授權工人姐姐可以懲罰他，有權無權，差異及效果差好遠。
我在日誌都有談到，我們要工人姐姐管教他如同她管教自己親生兒子一樣。若果未放工前，他們有爭吵，我們要求兒子服從工人姐姐的指令。還有一點是真係俾時間佢玩或看書。

同常六時回到家中，七時做完功課，得工人姐姐批准便可以玩，除了上網。

idy926

你應同學校老師配合，我想配都吾得，我女學校欠交只會寫手冊，又吾罰，夠幾次先call家長，好鬆下，所以我女吾緊張功課，又係放學搞Lee搞no，我7點幾放工都未做完，巳經得嗰3樣功課，勞氣！今年我將會自已加練習比佢，有奬罰計劃，等佢無咁hea！

vincat

仲有, 宜家考完試無功課, 我都會keep住俾練習佢做 (1日1個小練習, 1 page,) ,其實好少, 初初佢都嬲ga, 之後做慣左, 我唔記得俾佢, 佢仲會提我tim, 等佢唔好散晒, 我覺得有用, 起碼佢知道每日要做好先有得做自己野, 如果唔係放完暑假死得ga la, 同埋, 一定要俾權姐姐, 做唔晒野無野玩

BNA

我囝學校就考完試都有功課，可能佢覺得都考完試就更加唔願做，小一放暑假時我都每日要佢做中英收各2頁，佢都有做︳呢個暑假已報咗大大小小都成6-7個課程佢學，就係為了唔想佢太hea.

BNA

"一定要俾權姐姐, 做唔晒野無野玩"
其實呢样都幾難，我家有老人家(間中會在家住)，工人如果對佢惡，老人家實投訴。因佢地怕小朋友受傷害︳又唔喜d工人。 所以都好頭痛，左右兩難。