自閉症, 發展遲緩

ada605

囝囝在2011年時報了主流學校, 亦被好幾間學校收了為學生 (當時未知他有自閉)。  由於囝囝仍未識說話, 故在今年一月便到沙田游X做評估, 經兒科醫生確實 "輕微自閉症及發展遲緩", 當個結果一出, 我簡直是不能相信, 總是問自己為何囝囝會有此病。  那時即場見社工, 她亦幫我安排排政府資助的兼收位或特殊幼兒中心的位, 由於我認為一入特殊, 便好難出來讀回主流小學, 故我要求社工幫我排兼收位, 但最近經過朋友的說明, 亦明白到特殊幼兒中心都是一個極好的訓練, 故再要求社工改排特殊位, 但社工一早己和我說明, 這二條隊現在最少要排二年。

囝囝現時二歲五個月, 之前提過有主流幼稚園收了囝囝今年讀書, 上個月我再和這些學校說明囝囝有此病, 他們立即說我們沒有這方面的師資, 故請找有這方面的學校吧, 我現在面對一個問題, 就是排政府要二年, 私人或非牟利機構的幼兒中心, 一星期上五日, 每日三小時, 學費一個月HKD8,200, 天呀, 點解會咁貴的,

我們現在有安排私人的言語治療課程給囝囝, 大約一星期一次。

請問我現在可以什麼 ?  我現在煩緊學位的問題

kelvin_hmlau

如果被評為自閉症, 相信除語言遲緩外, 可能有其他理解, 固執, 溝通同行為問題. 所以通常向學校"露底", 換來的係"無得留底".

除言語外, 可能要評估需要ot or pst幫忙嗎.

學校方面我覺得可以找一間收生不足的學校, 即係"露底"但表現誠意都會收. 可能係下午班人數少, 上午可以參加個別或小組訓練.

Good luck and best wishes!

spw

正如kelvin_hmlau的說法,盡快找間收生人數少的學校或者是有兼收位的....這樣可以包容小朋友...如找到下午班的,你上午可以帶小朋友做一些個別訓練...

ada605

回復 kelvin_hmlau 的帖子

請問什麼是PST / OT 呢
但如果不說, 學校都會察覺得到

rabbit1411

我也覺得是，半日上課半日訓練，馬鞍山有一間學校用心又有愛心不過無學卷

kelvin_hmlau

回復 ada605 的帖子

通常特殊幼兒學校都會有齊3T服務: st (speech therapy/言語治療師), ot (occupation therapy/職業治療師), pst (pre-school teacher/學前幼兒導師).

ot: 幼兒的職業係返學, 所以佢地會幫手感覺統合(前庭, 本體, 觸覺), 小手肌, 左右協調, 手腳協調, 視覺追蹤, 寫字等.

pst: 邏輯思維, 推理, 理解能力, 概括, 次序, 輪流概念, 假想遊戲, 聽指令, 控制情緒等.

cw36

回復 rabbit1411 的帖子

Which KG in MOS?

rabbit1411

Good Health Anglo-Chinese Kindergarten

ada605

回復 rabbit1411 的帖子

請問那一間呢?

ada605

回復 kelvin_hmlau 的帖子

我最近為了囝囝的學位問題經常被情緒困擾, 因為次次我談及此點, 我都會哭的, 唉, 這個阿媽真的沒用

ada605

我又想問一問, 如致電問學校會否有學位, 我會說埋囝囝有此病, 但通常都會被人拒絕, 咁仲說不說好呢?

rabbit1411

學校是知道我小朋友的問題，他的校長、老師、嬸嬸、書記都對他很好，他們每一個都幫我，但你接受學校對他嚴厲，課程比較深，小朋友好聰明，好容易溶合，你試下，不過今年好多人報，注：其實最好全日，星期六、日才上其他小組堂

rabbit1411

我們的醫生都叫我地繼續讀這間學校，因為覺得他進步不少，現在是選小學而頭痛

kelvin_hmlau

回復 ada605 的帖子

難過和痛苦總會有的.

其實都不用太擔心, 現在d 媽媽好鬼醒, 就算個仔情況不太好, 都總會找到學校.

樓上個位提到康傑幼稚園, 下午班都多數有位. 另外又一村學校下午班聽說一班都係得幾個學生. 其他屋村半日班都唔難入. St. Cat 同靈糧等就好多人報, "露底" 就唔會有機會了.

有時我覺得做人又唔駛太坦白的.

cat1028

收你那些學校冇兼收位的嗎？

cat1028

我囝依家仲未有學位，下星期做評估，無耐的是，我真的需要入學而屋村學校都唔肯收，bb快d開口啦，媽咪快爆炸了。

pyalisa

協康有愛關基金，可以因家庭收入減費。step 都有減費。
熱門學校你唔講博咗入去都無用，因為返咗學見真張都要你走。

陳爸爸

rabbit1411 發表於 12-5-18 16:04
學校是知道我小朋友的問題，他的校長、老師、嬸嬸、書記都對他很好，他們每一個都幫我，但你接受學校對他嚴 ...

Hello, rabbit1411, 請問你是如何同你學校講述你小朋友的情況呢? 因我小朋友都將會讀你小朋友嗰間, 我地都考慮講不講我囝的情況, 因我兒已在私人評估為自傾, 兩歲半都係零語言, 好怕一同校長講就立即被人叫走

apple~y

講唔講要睇你小朋友情況如何
如果情緒問題大,坐唔定,唔多聽指令,有自我刺激行為好似玩眼,加上未有語言
你就算唔講,0的老師,主任好快睇得出
如果比人發現,叫你轉校,0甘之買校服,書包,書簿費咪浪費晒
你知啦現在幼稚園0的費用都唔平
找間包容幼兒園,慢慢搵一定會有

仲有你小朋友可能須要上ot,pst先
當年我小朋友好似你個小朋友0甘大都係無語言
0甘我就番私人s位,當時$7500一個月
我就聽導師意見,個別訓練轉上ot,pst,因無0甘多資金加錢上st
上0左一排小朋友有進步,開始開聲就轉0左隔周上st
小朋友吸引快0左
你可以參考0下

apple~y

回復 cat1028 的帖子

唔使擔心,如果小朋友真係無學校收
可以考慮番S位暫託,經濟($16 兩小時)又0甘大壓力
又可以聽0下S位導師對小朋友意見,再係出面加私人訓練
都係唔錯選擇

如果你係排S位,又可以係你心儀S位番暫託
番到派位,0甘小朋友巳經熟悉環境,都唔錯呀