有冇試過帶A仔去旅行?

小肥mama

全家十幾人想8月同埋我既仔女去旅行，好開心，但亞女係A仔，又好擔心佢唔適應會旅行變惡夢，佢快4歲，都會有基本情緒問題，但未算好勁完全控制唔到，應唔應該去?去邊度好?除台灣及日本唔考慮，我暫時只諗到去布吉d resort，唔適應都可以匿在酒店，仲有冇好介紹?

kelvin_hmlau

回復 小肥mama 的帖子

布吉係一個玩水好地方, 但四歲小孩未必啱玩. 如果喜歡動物和遊樂場, 先去長隆也不錯.

juniorli

You can start from simple trip first, like me, first HK Disneyland Resort, then Macau, then Cheung Lung, then Singapore, then Thailand, then Tokyo. Now planning next trip in summer holiday, maybe Osaka.

SKB

我由1歲起一年帶A仔去4次旅行,佢下個月4歲啦!
佢好鍾意,好享受和期待,今年我問佢6月生日帶佢去MACAU慶祝好唔好,佢話不如去星加坡,比佢笑死,BUT 千其唔好跟團,太早起身啦,要輕鬆之旅呀! have a nice trip.

wingwing2009

我第一次係帶囡囡去日本, 開頭都有點擔心, 當時囡囡只係15個月, 但一切順利, 冇問題.

前幾個月又帶左囡囡去澳洲, 佢都適應得好好, 食得訓得仲好好添...

其實有時係我地心中有鬼, 自己諗得太驚. (我也是), 但當真的去了, 原來係我自己想得太多.  囡囡雖然唔多同別人溝通, 但係佢open 左好多, 還記得佢係朋友家仲會自己攞羊扒食, (連骨果D, 食到津津有味)..佢仲會自己去摘士多啤梨同cherries...見到佢咁開心, 我地都安心.  

不過, 我都覺得唔好同小朋友坐太耐飛機, 十幾個鐘頭都幾辛苦. 好再囡囡都算好乖, 上機便睡(我地坐夜機)  但如果下次再去, 我會揀最多4個小時既飛機可到既地方.  

所以樓主, 不用太擔心, 一定冇問題的..

owl_2046

我最遠就帶個仔去星加坡果次, 其實只係擔心係機上面果幾個鐘, 太無聊驚佢攪攪陣, 好彩工人提議帶埋佢個寶貝枕頭上機.
同意SKB話唔好跟團, 因太多限制.
其他短途旅行, 冇坐飛機咁悶, 所以唔成問題, 多D帶佢地出外係好事

szeszes

我仔都去過3次, 玩到唔想返香港

xixi1218

多點帶她出去，可能第一次她或許給你不少麻煩（也可能給你驚喜），但你會發現她一次比一次好，因為她也需要多些不同的經歷，多些不同的接觸外界。我孩子現在十分喜歡旅行。住酒店、吃自助餐。。。。等等。不過，我都建議你可以先去一些近一點的，或者旅遊時間不長的地方先試試，以後慢慢加長。

pocoyo123

我第一次同亞仔去旅行, 果時兩歲, 去左日本, 跟團, 全程係惡夢, 唔合作, 唔聽指令, 唔跟其他人, 最慘仲係同好多親朋好友一齊去, 唉....

之後, 不跟團, 自由行, 就好好多, 現在去左五六次後, 很多朋友說他很好, 所以, 不怕, 同佢去多些, 對他是有用的

Torres

同意自由行, 我仔上年去了一次日本, 四個鍾飛機, 坐國泰有得打機, 我又預備了一些新玩具比佢, 好輕鬆就到達了! 去到每一個地方都要預告, 佢好LIKE JR站名, 講下邊個站下車, 我地跟住去動物園, 之後又去住THOMAS火車等, 總之全程都先預告下去邊, 要比A仔有安全感, 有計劃, 佢地就好安心架喇!
唔洗太擔心, 自由行唔洗要圑友就,  絕對是最好的!
今年我地暑假去新加坡, 我已經同佢預告定, 比定D圖片, 上網搵定資料比佢睇下, 佢不知幾開心呀!

fatpam

自由行問題唔大，帶定心愛玩具食物，vcd同ipad。
整到佢攰上機訓或夜機，好快落機。
住resort都係好選擇，泳池有兒童設施更好，有埋kids room仲正。
先試近地方再慢慢遠少少，最好自己一家去吓先，情緒ok先同家人朋友去，免得阻到行程。
你成功左就會有信心去好多地方，其實佢地都好識嘆。

fatpam

不過都要有心理準備，佢未必會一定鍾意你安排的節目，但都總算係一種體驗。

小肥mama

我比較擔心上落機時氣壓引致既耳痛，同食野唔ok（佢都幾偏食），有咩要準備可以預防到呢?

autunmbb

睇完你地講，我都想去旅行。

catregist

自由行, 3-4日
1 歲多, 我帶過他去廣西, 記得那時濕疹突然消失, 在動物園見到黑熊他自發大叫woo woo.
2-3歲台北兩次, 沒有大驚喜.
3歲多, 長洲宿營,他見到一件上錬玩具機械人, 他自發說:好得意!學懂踏三輪車.
旅行是刺激兒童的方法.但事前preparation 要做足, 知道那裡有他愛吃的食物, 喜歡的活動e.g. 游水, 踏單車, 打鞦韆.....