自閉症兩歲半到五歲的發展，可分享一下嗎？

catgirl619

各位家長，可分享一下自閉症兩歲半到五歲的發展嗎？
小兒兩歲半被私家醫生評為自傾，當時十次中有九次冇眼神接觸，經過半年密集訓練後，眼神接觸變為十次中有八次有，各方面看似也有進步，但這刻卻被政府醫生評為自閉症(不是自傾)，心情講真，好差，吾知道自閉症小朋友嘅兩歲半到五歲的發展是怎樣的？發展得最快是那個年齡呢？請問有冇這個經歷嘅媽媽可分享一下？

lambk

不用太灰心。聽說3歲前只會被評為自傾，要到3歲後才可做到多些測試，証實是否自閉。
所以，不要為＂自傾＂／＂自閉＂而氣餒，我們及小朋友的努力訓練是不會白費的。
加油

bbricky

不好太擔心,我囝囝三歲幾先發現自傾,那時好嚴重有成十幾樣徵狀,例如打自己、訓地、大叫、自轉、排車仔、自言自語,做左三年訓練,其實徴狀已好七七八八,依家講野有文路,乖左好多。而且當他上小學後我地遇到位好好的心理學家,發覺他似adhd多d,依家連醫生都話佢好番,可能只是社交能力弱,叫我keep住帶佢返社交小組,唉我囝囝已算好慢,我真係覺得他上小學後先有好大轉變,大家都要加油!

fatpam

入到主流小學，你小朋友的能力應該不錯吧?
相信你都好比心機

kelvin_hmlau

我的兒子3歲被評估為自閉症, 現在5.5歲快上主流小一了.

回想他的發展階段, 本人用了頭兩年來處理他的情緒問題同想辦法令自己振作.  到了5歲左右, 可能人比較成熟, 社交同情緒都好轉起來...

我諗每個自閉症患者都有自己的步伐同生存空間, 不用太擔心吧!

catgirl619

其實自閉症可以有幾多項徵狀？除了以下，還有其他嗎？
大家可否集合小朋友的特點，以作參考？

1. 少眼神接觸
2. 打自己,頭撞牆,咬人
3. 訓地
4. 不明原因大叫
5. 自轉
6. 排車仔,
7. 自言自語
8. 愛玩八達通
9. 性格較固執
10. 愛玩圓形的東西: 保齡球、會轉的東西
11. 愛自己跟自己玩

kaka1128

回復 catgirl619 的帖子

唔識睇"眉頭眼額",
呢樣算唔算其中一樣特徵???

kaka1128

回復 bbricky 的帖子

Ricky,
想請教你揀小學要留意d乜野???
一定要揀一d有註校言語治療師+心理學家的學校嗎???

bbricky

小班(不過我囝囝個間每班不過二十人),我囝囝個間st其實不是駐校,她差不多每星期也來學校,心理學家是教育局派來,向學校要求填表就得,最重要問學校有無調適、有需要時會否有抽離教學,不過好多時都要慢慢同學校傾,大家都需要時間適應!

kelvin_hmlau

回復 bbricky 的帖子

你兒是否真的會留班? 上小學心情有點緊張...

bbricky

sorry,不知點解ek食晒D字,我囝囝要直升小二,上星期學校同我傾過我囝囝情況,他們覺得我仔漸入佳境,無論常規、社交、學業都是進步中,亦怕下年小一新生未必可以照顧我囝囝,叫我唯有努力d幫幫佢,不過學校真係無比壓力我,因為如果我囝不明老師教乜,他會成日出位,攪攪震,我唯有預先教佢&温書,今日先考完3rd試,(題外話:下學期後我地小一已有成十位插班生,可見學校真係不錯),你都不好太擔心,等你囝囝可以享受他的幼稚園生活!

szeszes

我仔差不多6歲先評為有自閉徵狀, 而家上左小學, 成個人唔同晒; 我仔算是進展得慢, 原因係 ... 我及保母只以為仔仔有言語延緩及怕羞型, 5歲半先搵健康院轉介 CAC 中心

返左一個學期小學, 佢呢一年成個人唔同晒, 好主動, 又主動叫人 (連唔識既, 如同大廈同 lift 都會叫人), 每晚都分享學校特別事及趣事 ... 佢學業 okay! 只係中文比較差少少, 80分左右, 其他都 over 90分, 名次叫中上 (上學期考第8, 24人/班)

[英文及數學比較叻, 應算是班中最叻果3位學生]

我最近比亞仔係普通既社區中心返小童軍, 訓練佢與人合作, 佢今晚宣誓, 見佢與小朋友合作玩快樂傘, 係好好

講真, 個個自閉既小朋友, 佢地既優點及缺點不同, 要有不同既溝通及訓練, 才達成目標; 最重要係父母先接受, 再搵小朋友既強/弱點亙補不足 [就好似醫院社工咁講, 其實每個人都有一些障礙 (可以叫做缺點) 及 性格, 即係你將佢既性格 - 某方面將佢糾正一下, 即自閉小朋友好固執, 你將呢個固執性格減輕 d, 其實固執都有一個好處, 就係比較堅持, 就好似我仔定時每天都要做網上功課, 仲要係好認真, 唔想錯!!]

kelvin_hmlau

回復 bbricky 的帖子

很高興聽到你仔適應得很好, 看來會做我仔的師兄了.
我仔真係唔知點解, 咁多行為問題老師都好喜歡他. 只係怕佢讀幼稚園太happy, 上到小學先出事.

kelvin_hmlau

回復 szeszes 的帖子

你的兒子實在太強了, 如果仍說他是A仔有點不當...

szeszes

kelvin_hmlau 發表於 12-3-24 23:11
回復 szeszes 的帖子

你的兒子實在太強了, 如果仍說他是A仔有點不當...

其實都仲有一些問題, 如上堂會遊雲, 打側晒個人去坐 (即係個面及腳向左去走廊位), 老師單獨同佢講野就唔係次次都敢直望老師, 好易少許事都好大反應 (易喊亦易笑); 佢既優點係 ... 記性好, 學野快 (因為快學識, 就好八卦, 而唔專心)

不過經過呢半年既小學生涯, 真係專注力好左好多, 今日先去 眼科中心 做半年一次既 CHECK 眼, 今次係明顯專注左, 唔再亂望亂搞人地既野

佢係確診為 "非典型自閉", 不過, 今日見到佢又向前誇左一大步, 佢主動係公園搵人同佢玩 "捉迷藏", 又同配眼鏡中心既人傾計, 人地介紹眼鏡比佢, 佢會代達唔喜歡深色, 呢個架有幾多分, 果個有幾多分等, 連眼鏡中心既人都話佢好乖,又好傾

真係無辦法, 自閉既光譜係太大, 真係中有言語發展, 社交 及 行為就已經算是, 雖然係中左輕微野, 不過都叫做係自閉

我都有同精神科醫生討論過, 因為我成日覺得亞仔只係有言語障礙 (仲要主要係中文, 英文無問題, oral 仲係取滿分), 醫生就話左, 可以觀察到小學三年級, 因為只有言語障礙既小朋友, 係三年級就應該會追到晒

同時, 只有言語障礙既小朋友, 真係未必同時對數字, 巴士及地鐵路線咁有興趣, 同埋對眼及個人易走左去 (即係望一陣就轉左去望其他, 一去到陌生地方 或 悶, 就周身郁唔停)

kelvin_hmlau

回復 szeszes 的帖子

我係E位中心就經常見到好多仔或女, 平時上group 就好專心好守規則, 同人玩亦很享受. 但遇上不如意事就反應很大, 不願上堂, 但都能夠安坐. 我總覺得佢地唔係自閉, 只係情緒比較波動.

catgirl619

我有一位朋友，我與她也覺得她小時侯係自閉，我現在會把她作為自己的提醒。我曾訪問她有沒有以下特徵及改變，參看下。
                           
   (自閉小朋友)                            (我朋友現在......)
1. 少眼神接觸                      現在有                 
2. 打自己,頭撞牆,咬人               以前打人，現在冇
3. 訓地                            以前冇
4. 不明原因大叫                    以前吾采人
5. 自轉                            以前冇
6. 排車仔,                                             現在愛排香水，所有嘢要好整齊
7. 自言自語                        以前冇
8. 愛玩八達通                      以前冇
9. 性格較固執                      現在仍有
10. 愛玩圓形的東西:                            現在愛收集圓形蛋形飾物
       保齡球、會轉的東西
11. 愛自己跟自己玩                 現在會同只有自己喜歡的朋友玩