一個買左ENGLISH TIME既不幸遭遇

Sorriso

我一直以黎，為左SEARCH教材都花左好多時間，希望可以俾到最好既野俾小朋友，而最後我決定左買ENGLISH TIME，大拿拿5萬幾蚊既教材，我都考慮左好耐，因為我本身有其他方法可以買，但係為左有完善既服務，同埋得到適當既跟進，所以寧願都俾多D錢向SMART KIDS CLUB買。但好不幸既，並唔係教材本身(反正我都唔多知點用，又點可以評價太多，我只係知道我浪費緊小朋友既時間，唔識好好咁教佢用!)，而係我遇到一個好差既CONSULTANT，對於我黎講，佢根本就係一個騙子，只係為左呃張單同埋COMMISSION，佢到依家仲欠我野，已經差唔多一年，仲係以拖字訣，呢D野明明係我俾錢買，點解佢到依家都話俾唔到我?咁同呃錢有咩關係??我都考慮左好耐好唔好公開呢個人，但係我已經俾左好多次機會佢，佢基本上由俾左套書我之後，我已經再搵唔到呢個人，當然你點搵佢都唔會REPLY，由後去到投訴，佢亦都唔理!

一個買左幾萬蚊教材既家長都好希望可以用好套野，幫到小朋友，但我連最簡單既野佢都唔肯教，佢只係送書上黎時，叫我RANDOM咁播晒所有CD，又中又英都可以，書又係就咁同佢讀就OK，當然我後來由其他人口中先知原來唔係咁，枉佢仲話自己係TOP SALES(都唔知幾多年前)，而且佢仲係MANAGER!!我當初就係以為佢係一個MANAGER，應該都會做得好，再加上佢自己都有小朋友，做左人爸爸，都以為佢明白做人家長既心情，點知都係多餘既!!

有一次見到佢在書展想SELL家長，我真係好有衝動想阻止個家長，唔想再害左人，買左教材咩都唔知，真係好慘，5萬幾蚊係辛苦錢黎，點解欠我野成年可以當冇事，我一早同佢講我向佢買係因為我想佢會好好FOLLOW，同埋俾錢當晚佢要SEND TIMETABLE俾我，全部都冇做!!搞到依家，好在我遇到另一個朋友，佢都用緊ET，佢介紹左個好有心既CONSULTANT俾我，我先覺得買左SET野冇咁後悔，希望大家想買ENGLISH TIME既家長，小心搵CONSULTANT!!唔好好似我咁慘，佢到今日今日，我投訴左好多次，佢連一個電話都冇，我真係希望呢個既CONSULTANT唔好再害D家長，大家真係好想小朋友好先買教材，祝大家好運。

[ 本帖最後由 Sorriso 於 11-11-9 01:49 編輯 ]

Sorriso

如果大家都遇到衰SALES，真係要出聲，如果唔係好多人受害，衰菲傭可以俾人點名黑名單，呢D SALES都可以，希望大家可以互相幫助~謝謝

daveman

唔知點解，睇完你篇文章，
感覺你好似打手，
你只強調自己搵到個好有心既CONSULTANT,
又話買左套野後,就搵唔到個sales,
但又話對方欠你D野(一直都無講係咩??唔通係回佣??)一直拖字訣,
你話你搵唔到佢,佢點用拖字訣??
之後又話在bb展見到佢,
你唔立即去追番佢欠你d野?
只係關心個客比佢騙???

唔好意思，成篇野我都唔知你想講咩,
前言不對後語,
又無point~
其實你想講咩,不如你直接講啦~~

Sorriso

我都好想直接講係邊個同埋欠我d咩，如果你未買任何教材，你唔會明囉!anyway，我只係想佢地正視返我個問題!

原帖由 daveman 於 11-11-9 23:38 發表
唔知點解，睇完你篇文章，
感覺你好似打手，
你只強調自己搵到個好有心既CONSULTANT,
又話買左套野後,就搵唔到個sales,
但又話對方欠你D野(一直都無講係咩??唔通係回佣??)一直拖字訣,
你話你搵唔到佢,佢點用拖字訣??
之後 ...

daveman

哦，我開始明點解你甘講得隱悔~
完全明白

Sorriso

原本有開名架~不過提示都好明顯了~

picture

I think it is for public good that you should disclose his / her name

For $50k you can send your child to many Chinese and English courses so that not only will your child be learning chin and eng he gets to interact with other kids.   It is a large sum of money that you have spent. And you DESERVE at least the bare minimum service that you are entitled to receive from the so called consultant.

alexie13d

提示就係top manager?

Sorriso

終於得到解決，原本欠我的讀卡機已經收到，還要是sales director親自送來，而且仔還教了我怎樣用教材，慶幸smart kid還有一些負責任的員工!!

yy0601

English Times係一套好好嘅教材，我個女英文認字聽寫能力也很好。定期有教材工作坊可了解教材怎樣用，跟本不用只靠consultant。當然我也同意售後服務不佳，尤其是那些playgroup 嘅quality!（幾年前嘅事，唔知而家有冇進步）

Akuliba

除了教材, 父母親對孩子教育的態度和作為更加重要啊! 畢竟教材是必須好好使用才能呈現效果, 做父母的別忘了PAT (Parent as Teachers) is also important.

tc001039

有冇諗過去消委會投訴?? 有單有據點可以唔比貨你

bobohello

子晴媽媽

之前見到ENGLISH TIME..其實我覺得幾好...佢做BB展時.比左一隻碟我.我比我個女睇.佢都好開心...不過真係好貴....

嘉嘉Mammy

Sales 就係咁啦，但其實你都有責任問清楚套野點用，同時 咭片係寫MANAGER 姐，佢地成日都唔同人跟，又成日轉工，講真：唔好靠佢地喇！

starer

講得唔清唔楚咁....

chumamma

Sorriso 發表於 11-11-9 01:04
我一直以黎，為左SEARCH教材都花左好多時間，希望可以俾到最好既野俾小朋友，而最後我決定左買ENGLISH TIME ...

我b 當年只得四個月時, 我都係考慮要買邊套, English Time  or DWE, 最後我決定買 DWE, 較合幼小小朋友開始。

小朋友五歲後, 我完成了 DWE, 二手賣出, 再買 English Time, 因為 English Time 係較深些, 且用 電腦 CD-Rom 玩Games,

但係, 買後放了幾年都無用過, 最後二手價沽出。

總結, English Time 係無系統的, 即使有個好 Sales, 個教材係唔得。

chingcat

我陀住BB時都有買佢地D音樂CD，到仔仔1半左右再去中心了解想買部份教材，因為A＿Z我都已經有其他用緊。佢個SALE 只係不停話我個仔仲未講到全句句子對答，講到我個仔低能咁，買咗套教材返去都無用喎！ 等我擔心到死，走去健康院仲俾姑娘話我。如果歲幾識全句句子對答唔係BB，係神童。依家仔仔3歲多，醫生仲話仔仔俾同齡小朋友講多好多，而且頭腦轉得好快。