我的管教是否太鬆??我同家人管教有D分歧!!大家俾D意見

vickylyy

我個仔已經5歲幾,今年明顯變了BIG BOY,佢比起4歲頑皮了很多,在家鍾意跳SOFA,在公園鍾意從較高地方跳下(有墊).其實我覺得這階段是這樣,在安全情況下讓佢跳下,但我會睇住.
但佢有時在家不聽工人及祖母話,好頑皮,有時又叫姐姐返印尼,佢錫妹妹,但對阿妹好粗魯,唔懂就力,所以我一放工返黎,奶奶就不停投訴,阿仔這樣那樣...
唉!!其實我自己的工作都是日日對住D孩子,深明打罵是不見效,孩子只是怕大人打而暫時乖,內心會反叛.有時奶奶叫我打佢罵佢,跟本佢大哭完又是頑皮,我多以用講道理及減少阿仔做喜愛活動的時間,讓佢知道自己行為係有後果.
我覺得有點辛苦,點平衡兩者??
我已向奶奶表明佢見到阿仔頑皮便管教,我知佢唔係惡意,只是把阿仔的問題話俾我知,但總是我一放工回家,奶奶就叫阿仔自己講今日D頑皮野俾我知,我只有即時話阿仔.
健康院醫生也評估過阿仔是較活躍的孩子,而唔係有病,因為阿仔同我出街也能在我控制之內,(當然偶然頑皮,但佢聽我話)我試過帶佢聽合唱團音樂會兩個鐘,但佢都表現不錯,鄰坐朋友都話佢能坐定定.(或許要不停耐心指導,佢會乖)
但奶奶因要湊一歲的阿妹,所以奶奶話無時間好像我耐心地教,我確實有點吃力!!!

[ 本帖最後由 vickylyy 於 11-10-19 21:33 編輯 ]

rchchan0505

你相信自己的專業知識能力嗎？
奶奶的付出和吃力是可以明白的，但斷不能以孩子的最大好處來換取！
你在兩難之間也是難做！
可否試下向奶奶多說體貼的話（多謝、明白她的付出、吃力等等...賣口乖也是真心的話），增加她的正能量呢？

sheffield

有兩個朋友都遇到同一問題，她們最終都是要辭工轉做full time mom...老人家的教法不一樣，你亦唔好預佢地可以重新再培訓，學習你新的一套，如你小朋友的爸爸都是嫲嫲打罵中成長的，現在更是一個好丈夫好爸爸，咁就証明左嫲嫲個套打罵方法是有效的…再者，他們的能力(智能和体能)非常有限，莫講話教，幫你睇兩個已經好辛苦…
明白你白天返工已好辛苦，放工回家還要處理孩子的問題…但這些都是你計劃要小朋友時已要預算的，沒辦法…
你問我，孩子跳皮點，我是可以接受的，但我就不能接受小朋友跳梳化同對工人冇禮貌…我常跟亞女說，"適當的地方做適當的事情，去公園，去到play town，你想點做monkey都可以，因為個d係做monkey的地方，但梳化的用途是讓人坐同休息，不是用來跳的"。叫姐姐返印尼就更不用說了，這是很不禮貌的…
如小朋友精力大多，你不如給他安排多點去公園玩，又或者是幫他報体操班和乒乓波班等。
當然，我也贊同你說，不能打罵孩子。我想信你可能要每天上班前都同小朋友做briefing，今日有d咩唔可以做，乖乖媽咪就獎貼紙等等…
由於我個係女，相對男孩子低較易處理…但適當地點做適當的事，或說適當的話是男女都能用得上要求吧…加油呀媽咪！
上面只是我個人的見解，不喜勿插…

[ 本帖最後由 sheffield 於 11-10-19 15:24 編輯 ]

vickylyy

謝謝兩位意見
其實我每天回家都有問工人姐姐阿仔如何,每天都有跟進阿仔的行為表現,(如從高處跳SOFA我是禁止或嚴厲語氣對待,有時也有俾貼紙姐姐和奶奶作獎勵,也有效)或許奶奶其實緊張孫仔,多以大罵來停止他的壞行為,所以阿仔同奶奶唔合作,我深明她出於好意,但日日放工同睡前都聽到奶奶投訴,所以就發生摩擦了!!我又要自我調節下

ccling69

5歲小朋友這些跑跳行為好正常, 只是對姊姊不禮貌. 好多時奶奶都只係想呻下自己幾辛苦, 未必係管教的問題, 打閙只是暫時收效, 你是專業都知道是不好的. 你放多d時間在個仔身上, 久而久之就會見效. 長遠都要看對小朋友好不好, 而不是符合奶奶的要求, 試下慢慢同奶奶解釋, 如果她沒空,睇下如何幫輕她