問路:由九龍塘小學到男拔小的最快方法

puibpuib

打的快定行路快? 行路點行?
謝謝!

gabriela0407

http://maps.google.com.hk/

小曳人

過馬路-->界限街-->太子道西
帝京酒店隔離有條樓梯直上就係

你揾日行一次啦！

我大仔N班起日日由旺角東行去KTS隔離返學，都係10-15分鐘！

[ 本帖最後由 小曳人 於 11-10-4 21:21 編輯 ]

bobbbby

搭的士會快啲，因為太子道果條樓梯都幾長，接近二百級，小朋友行上去都幾索氣，而且上到去都只係中學部室內泳池，再行去小學部，都要十分鐘，而且如果你唔熟路，好易行錯路，所以我建議你搭的士，不過有機會塞車，尤其是洗衣街果段，可能會塞五至十分鐘~~~

原帖由 puibpuib 於 11-10-4 17:45 發表
打的快定行路快? 行路點行?
謝謝!

Bravewoman2011

better mum or dad to get one taxi outside and wait for a while. I have the experience that many parents waiting outside the school.

evacalbee

最好check埋行車路線. Call定的士嚮順路的地方等好D, 走左入九龍塘就有排行.

joemyt

唔好搏，一定係搵定架車在學校門口 stand-by，不論係親友私家車/相熟的士等等。

考完一間，小朋友已經疲倦，最好在那短短的車程同佢"入油"，即係小吃 / 飲品，或者係小朋友最愛的零食，務求佢能夠在最短時間內回復最佳狀態。大人唔好咁緊張，盡量對住小朋友保持笑容，唔好比壓力自己同埋個仔。

Relax !!!!!  

puibpuib

唔該哂大家,我係路盲, 真係驚行錯路。打的又驚塞車。
可能真係呢兩日去行一次穏陣d

joemyt

1) 九龍塘學校門口係金巴倫道(單程路)，開車後直出左轉就係界限街 (ESSO 油站)，

2) keep 住行中線，過咗窩打老道天橋(即係Maryknoll Convent School)就行快線

3) 黎緊右手邊就係伯爵街，右轉入去。去到街尾右轉，出去太子道西。

4) 一路向前行 >>>>> 你會見到旺角火車站天橋，你可以選擇在此下車(DBSPS後樓梯入口)，但係要行好長，驚小朋友身水身汗，唔見議!

5) 都係繼續向前行，過咗協和小學，過埋油站，左轉入洗衣街。

6) 街尾轉左就係亞皆老街，keep住行慢線，過咗 火車橋左手邊有間 "鳳城酒家" ，之後就左轉，就係DBSPS的私家路。一路入，有個分叉口，唔好直上，係DBS，應該左轉上去，路中心有棵大樹。

7) 到站 !


祝小朋友成功 !!!!!!!!!!!!

[ 本帖最後由 joemyt 於 11-10-4 22:40 編輯 ]

moonychan

多一個溫馨提示, 果日INTERVIEW, 應該好多好多人揸車去, 所以如果排隊慢慢郁可以響山腳落車 OR 鳳城果到落. 行小學部樓梯上去, 都唔係好長. 好過慢慢排隊慢駛, 如果暢順就冇問題啦, 真係要幾手準備.

GOODLUCK~!!!!!

puibpuib

唔該哂甘多位!

tabodaisy

no private cars/taxi/van etc are allowed to get into the campus ar

baekdoosan

星期六太子道洗衣街一帶有時可以塞好耐, 仲有一種行法: 由界限街-->伯爵街-->太子道-->左轉嘉道理道穿過嘉多利山, 往亞皆老街方向一落山就係男小拔路口, 再落車行上去男小拔, 一定快過你行洗衣街. 就算你行洗衣街都一樣要係嘉道理道/亞皆老街路口落車, 男小拔條路果日一定塞死.

其實由九龍塘小學行路去都好近(15mins), 散下步有助囝囝放鬆神經.

祝大家好運!

[ 本帖最後由 baekdoosan 於 11-10-6 07:47 編輯 ]

Michelle_Hung

同意行變數小！交form果日的士連轉入DBS路口都要排，面試日應仲緊要，行其實唔耐。FYR, 我今日在九龍塘火車站打的去KTS用了20分鐘！因為人人都interview條路多了很多車！

puibpuib

oh, 多謝報料!我仲諗住由九龍塘地鐵坐的士去KTS, 不過甘塞車,行路去算啦。

昨天親身由KTS行去DBS,其實都好易行,同埋15分鐘內可到, 我時間比較充裕,應該可以。我都好怕困在的士塞車個種焦急法.

小曳人

原帖由 puibpuib 於 11-10-6 11:37 發表
oh, 多謝報料!我仲諗住由九龍塘地鐵坐的士去KTS, 不過甘塞車,行路去算啦。

昨天親身由KTS行去DBS,其實都好易行,同埋15分鐘內可到, 我時間比較充裕,應該可以。我都好怕困在的士塞車個種焦急法. ...

由KTS行去MTR都要10-15分鐘，我度過地圖，旺角東站近過九龍塘站！即係你行去DBS後門，近過行去九龍塘站好多！

係呀~ 夠時間慢慢行吓，傾吓計，relaxing!

Bilobi

若用DBS後門樓梯 (即花墟金綸校服斜對面)，記得要預鬆時間。 樓梯算几長, 上到梯頂是中學部, 還要穿過校園途經大球場才到達小學部, 帶箸小朋友, 由後門起計, 最好預15 分鐘, 太趕会令小朋友緊張嘛!

加油呀! Good luck!

puibpuib

因中午會在新世紀食飯,我諗住係經過新世紀個樓梯(即火車站行出),然後到地面行一陣會見到鳳城酒家, 再行前會見到有一個路牌寫住拔萃男書院(附近有間神召會第一幼稚園),一直向學校方向行入去,到一個保安更亭左邊有條樓梯上小學部..甘係咪都得...(唔知大家明唔明我講咩)

Michelle_Hung

明你講咩！絕對work! 我今日都係in 完KTS行去新世紀食飯！其實好快，係有點沙塵滾滾！但上去食啲嘢去埋vv先過DBS會好一點。另外提提你，如果想KTS快些走不防早點到，前一批一完就同小朋友排定隊，我今日係因塞車加上個的士司機玩嘢just in time到，小朋友變了在佢個時間最後幾個入。最終佢由入去到出返來要40分鐘！我另外個朋友同我一齊去，佢小朋友係下一批，咁佢變成早到15分鐘，所以排好前，佢小朋友就20分鐘左右返出來！仲早過我仔出！我唔知係唔係有關，定係我仔太蠢答唔到問題所以耐！ 但如果有下塲又可以就早些去！希望幫到你！加油！

仕澄母

如果IN两間不同形式面試的學校，小朋友趕到都未必Turn 好，你要自己行量得失