津校/公立學校老師vs私校/直資學校老師

evianh2o

並不是帽犯津校/公立學校的老師，但在下有個感覺就係津校/公立學校的老師相對較COOL較嚴肅，著重教書及其他職務，所以相對關心學生 (尤其有問題那些) 的時間較少，家長有意見也不一定會回應 (可能基於太多制抓)。

相反，私校和直資學校的老師都表現得有朝氣有熱誠一點，笑容多D，平易近人，較open-minded，家長有意見也表現得主動跟進 (可能是收學費的關係)。

我有這樣的印象正常嗎？！

Lilo

我諗係個別老師表現啫，不能一概而論，我相信每間學校不論係官/津/私/直資，都有Mr/Ms Cool同好nice 老師。我小朋友讀津校，老師好有愛心，班主任會用班務堂同每個同學傾計，一個學期最少傾一次，我個比較多問題，就上學期已經傾左3次，如果發現有問題可能係同屋企有關，又會打比家長傾下，之後又會打黎跟進，而且好多時老師打比家長時間係晚上，即係佢私人時間，而且佢仲有個得十幾個月大bb，其實佢唔打比我地都唔話得佢，因為老師都係人都應該有放工同自己私人時間，係佢都唔介意用係學生到，我睇唔到津校老師關心學生的時間較少。當然我相信我小朋友間學校係小班教學，如果係大班可能老師真係無咁多時間。另外一方面，有朋友仔讀某直資名校，佢媽媽話老師真係唔係好理小朋友，佢個仔跟唔上，打比老師想問下可以點幫佢，點知老師叫佢出去自己搵補習班，仲話咁多學生個個進度唔同，點可以相就！所以無絶對。

evianh2o

Thank you, i c i c.
介唔介意講你小朋友讀邊間？

traeh

請問你朋友仔係咪讀聖公會男校？港島定九龍？

原帖由 Lilo 於 11-2-10 14:23 發表
我諗係個別老師表現啫，不能一概而論，我相信每間學校不論係官/津/私/直資，都有Mr/Ms Cool同好nice 老師。我小朋友讀津校，老師好有愛心，班主任會用班務堂同每個同學傾計，一個學期最少傾一次，我個比較多問題，就上學期已經傾 ...

Lilo

我小朋友係讀港島區聖公會津校，校名就恕我未能公開，因為我小朋友係學校出名多問題，早已是"名人"，而且學校比較低調，我驚一開名，有d家長就知係我個小朋友。