演奏者為什麼要有一個拍子機(metronome)？

floraaa1012

這是我自己撰寫的一個教學分享。雖然我不是什麼權威人士，但從我平日教學所得的感想和經驗，想跟眾師生和家長分享呢！多多指教！

拍子機(metronome) 是一種計算樂曲速度的機器，
透過中間的棍子，替演奏者數拍子。

拍子機對演奏者來說，是一樣很有用的練習好幫手！
當一個人在演奏時，同時間要兼顧不同的東西，
例如：速度、演奏技巧、感情的表達等等。
拍子機就可以在演奏者練習時幫助穩定演奏的速度，
以確定自己沒有越彈越快或越彈越慢。

另外，要了解一首樂曲，速度是其中一樣要注意的地方，
每首樂曲也會說明其速度，例如 Allergro, Andante, Adagio 等，
拍子機上亦印上關於速度的意大利文，憑這些形容詞，
就可以在拍子機上調較出合適的速度，
讓演奏者更了解作曲家要求樂曲的速度。
對於初學鋼琴者，拍子機更有助了解自己是否彈對樂曲的節奏。
拍子機每「達」一聲，就代表樂曲拍子中的一個單位。
所以拍子機對學樂器的人，身邊一定不少得的！

如果你或孩子在學樂器，但身邊還沒有拍子機，
甚至平時練習並沒有數拍子的習慣，
是時候檢討和改變一下！
要養成數拍子的習慣，令自己在演奏時心裡也有一個拍子機！

lillymarie

謝謝分享

christianmom

絕對同意，拍子機是一個演奏者不能缺少的伙伴。我囝囝的每個樂器老師都會要求他用拍子機，尤其是彈比賽和考試歌，又或者幫合唱團伴奏，拍子機在練習時更不可缺少。

原帖由 floraaa1012 於 10-11-30 01:26 發表
這是我自己撰寫的一個教學分享。雖然我不是什麼權威人士，但從我平日教學所得的感想和經驗，想跟眾師生和家長分享呢！多多指教！

拍子機(metronome) 是一種計算樂曲速度的機器，
透過中間的棍子，替演奏者數拍子。

拍子機對演 ...

fa_fa

絕對同意，但我個囝就勁唔鐘意用，
每次要佢用都要爭論一番，
實在太辛苦，
請問有冇好方法呢？

lillymarie

我個仔係跟唔到拍子機, 唔係快過佢就慢過佢, 結果佢有佢彈, 架機有架機拍........

要跟到部拍子機其實係咪好難的?

bebebe12345

用拍子機的目的可以說是相同,但演奏者、老 師和孩子三者所用的過程和方法差別卻可以是二碼子事。

fcbttkw

原帖由 bebebe12345 於 10-11-30 09:46 發表
用拍子機的目的可以說是相同,但演奏者、老 師和孩子三者所用的過程和方法差別卻可以是二碼子事。

請問有什麼分別？請指教！

floraaa1012

練習用拍子機，最好就係叫孩子找佢比較熟或者喜歡的樂曲，先不要合手，只彈主音單音部分，一邊數拍子一邊跟拍子機，即口數同時要跟住拍子機。

如果平時無數拍子既習慣，咁最好先練左數拍子先，然後再同拍子機配合。如果家長識少少音樂，最好大大聲同佢地一齊數啦。

我自己一開始教學生新歌既時候，會先用口數拍子，第二堂覆琴佢地練熟左，就會要佢地跟拍子機慢彈，然後再加快速度。習慣左對學生來說就不是一件難事了。

這種練習其實並不是一件容易的事，但一旦孩子習慣了，自自然然佢地心裡面都會出現一個拍子機

floraaa1012

因為唔習慣用，老師課堂有無同佢練下用拍子機？因為孩子難以同時兼顧音準，拍子，跟拍子機等等，而且專注力同耐性都比較低，就咁開個拍子機由佢自己練係好難練到的……

lillymarie

佢老師邊有你咁好心機?! 只係問我屋企有無拍子機, 有? 咁係屋企跟住拍子機彈啦!

floraaa1012

咁不妨試下要求老師教孩子用拍子機。

一定要養成數拍子的習慣，因為演奏一首樂曲除左音準外，拍子並同樣十分重要！

越遲學數拍子，跟拍子機，就會越難學會架啦……

bebebe12345

演奏者-有目的作針對性解決某些問題,大部份的拍子已在心中。
老   師-最需要為學生解決問題,聽下拍子對不對,返去練由幾多慢慢加到幾多,許多時還要幫口數,成人肉拍子機。
孩   子-花的時間得最多,培養穩定和正確的速度和拍子在心中,日子有功。

fcbttkw

原帖由 bebebe12345 於 10-11-30 10:51 發表
演奏者-有目的作針對性解決某些問題,大部份的拍子已在心中。
老   師-最需要為學生解決問題,聽下拍子對不對,返去練由幾多慢慢加到幾多,許多時還要幫口數,成人肉拍子機。
孩   子-花的時間得最多,培養穩定和正確的速 ...

明白，Thank you!

crystalwsm

我阿女都係，對親拍子機都喊，因為好難對得準，其實我都明白嘅，因為對得拍子機的話，最起碼的要求係你首歌要彈得好熟無錯音，先至會容易對得啱，如果彈得唔熟又要對拍子機，睇音之餘又要對準 D"叮達達達"，真係幾攞命架.......
其實對拍子機係好，有部機幫你數拍子，但相對音準的要求就會高咗，要一個幾歲嘅人仔，眼睇音，個腦要分折乜嘢音，再由對手彈出嚟，隻耳仔仲要聽住D"叮達達"，真係一D都唔容易架，上次呀女彈一首3拍的歌，用口數拍子數唔啱，我要佢對拍子機，率之對咗一個半鐘頭都對唔到，又鬧又喊，如是者連續彈咗兩個禮拜日日對先攪掂，但只此一首，因為再叫佢對拍子機即係 = 懲罰我 不過自此之後，逢親用口數拍子數唔啱，我嚇佢話你再數唔啱就要對拍子機嘅時候，佢就即刻眼有淚光再用D好委屈嘅眼神望住我，真係比佢激死又笑死
各位有經驗之琴老師及家長，有無發覺 3拍子的歌係最容易數錯拍子，阿女彈琴我都要佢用口數拍子，但好多時佢會數123~~，123~~，第 3拍拖得特別長，長到首歌變咗做 4 拍咁，唔知你哋有無遇過類似情況，點樣解決呢? 上次阿女就係用拍子機對首 3 拍歌對到嘔   

原帖由 fa_fa 於 10-11-30 08:58 發表
絕對同意，但我個囝就勁唔鐘意用，
每次要佢用都要爭論一番，
實在太辛苦，
請問有冇好方法呢？

floraaa1012

可以試下抽練 123~~ 去下一個 bar 第 1 拍然後 stop，如是者練 5 次，要佢知道個 rhythm 錯左，要 123 後立即去 1！

唔好成首同佢數，要針對性抽有問題既地方出來練，抽練對呢個問題會有改善的。成功練好果 2 個 bar 後，之後的 bar 都有123~~ 1 既問題既話，應該會比較容易練到

其實呢o的練習方法同埋解決問題既方法相信老師會有提供，每個老師提供既練法都唔同，你有無問過女女老師點樣解決佢呢個問題？

bebebe12345

分手慢練!
(減速一倍.....再加。)

lillymarie

我昨日都同阿仔試下玩對拍子機. 果然, 一首已練得好熟的慢歌, 佢係對到無問題. 但去到首快歌, 有D位就跟唔到, 個時先發現原來佢d手指未真的正練得熟. 唉, 咁樣玩, 都玩咗大半個鐘. 佢一扁咀, 我就同佢講: 唔緊要架, 試下咋, 睇下你跟唔跟到. 苦練幾次, 成功後, 我立即見好就收, 以免阿仔怕咗無下次.

floraaa1012

係啊，真係唔急得，慢慢來，習慣左佢就唔覺得係好辛苦架啦，唔好一下子迫得太緊，唔咪佢會唔鍾意再用拍子機……

果首快歌試下減慢跟拍子機練，大概 1 拍= 60

佢做到要讚下佢或者俾少少甜頭佢，然後下次再玩過，練多左到時唔洗玩大半個鐘架啦！

加油！

crystalwsm

謝謝建議，等我下次試下先

原帖由 bebebe12345 於 10-12-1 08:28 發表
分手慢練!
(減速一倍.....再加。)

crystalwsm

真係慚愧，我就係呀女嘅鋼琴老師，因為以前學過吓彈琴，又有部琴係度，便膽粗粗教呀女彈琴，所以唔係專業，有問題唔識點解決，不過我都教唔到好耐，遲D都要正經地搵個老師教阿女彈琴

原帖由 floraaa1012 於 10-12-1 08:21 發表
可以試下抽練 123~~ 去下一個 bar 第 1 拍然後 stop，如是者練 5 次，要佢知道個 rhythm 錯左，要 123 後立即去 1！

唔好成首同佢數，要針對性抽有問題既地方出來練，抽練對呢個問題會有改善的。成功練好果 2 個 bar 後，之後的 b ...