教育王國

標題: 請問南區返基灣有咩好選擇呀? [打印本頁]

作者: JoshCaleb_Mummy 時間: 10-11-23 22:44 標題: 請問南區返基灣有咩好選擇呀?

請問南區返基灣有咩好選擇呀?
如果搭巴士 / 港鐵 + 巴士, 相信都會超過一個鐘頭...唉...請問有冇校車 / 保姆車資料呢? 例如車程要幾耐?

作者: stellalau 時間: 10-11-24 00:17

基灣返學時間係7:40分，咁真係要好早起身!
南區我唔熟，77同99都到筲箕灣，但車程好似好耐，如果喺銅鑼灣搭2X應該最快。

作者: JoshCaleb_Mummy 時間: 10-11-24 14:53

唔該哂! 我今日試咗2X, 真係好快! 不過我哋香港仔隧道慢車...唉...冇得救, 結果用咗約1小時, 希望6、7點唔塞車, 可以45分鐘搞掂啦! ^^
不過今日收到啲校車資料有啲失望...6:40去到銅鑼灣?! 我不如自己返囉... -_-"
其實請問知唔知...會唔會保姆車之類呢?

原帖由 stellalau 於 10-11-24 00:17 發表
基灣返學時間係7:40分，咁真係要好早起身!
南區我唔熟，77同99都到筲箕灣，但車程好似好耐，如果喺銅鑼灣搭2X應該最快。

作者: stellalau 時間: 10-11-24 16:34

我未去註冊，不過如果冇記錯，我住小西灣都要6:45上車喎!

作者: JoshCaleb_Mummy 時間: 10-11-24 23:39

如果我係你, 我唔會搭囉...除非自己帶唔到...
其實保姆車會唔會好啲? 邊度可以問到保姆車資料?

原帖由 stellalau 於 10-11-24 16:34 發表
我未去註冊，不過如果冇記錯，我住小西灣都要6:45上車喎!

作者: paltiBB 時間: 10-11-29 15:56

我自己住東區, 問過幾間保母車公司, 佢地異口同聲都說基灣校車自己包來做, 加上學校的課外活動時間差距大, 無咩保母車接來做. 學校放學時間為周一至周四2:40pm, 周五2:00pm, 而放學後參加的樂器最晚走可能7:00pm.

作者: JoshCaleb_Mummy 時間: 10-11-30 22:10

7:00pm?! 學咩學四個幾鐘呀...唔洗做功課咩...第二日點返學...
保母車方面, 我明白了, 謝謝你! 咁我唯有打消呢個念頭啦.

原帖由 paltiBB 於 10-11-29 15:56 發表
我自己住東區, 問過幾間保母車公司, 佢地異口同聲都說基灣校車自己包來做, 加上學校的課外活動時間差距大, 無咩保母車接來做. 學校放學時間為周一至周四2:40pm, 周五2:00pm, 而放學後參加的樂器最晚走可能7:00pm. ...

作者: 胡士扥 時間: 10-12-1 10:02

如果係校內學習樂器,多數會在星期五2pm後開始上堂(一對一/一對二形式),因音樂室有限需要輪候上堂,所以下課時間未必一樣;另學校非常注重音樂活動(如管弦樂團&詩歌樂隊),有時週五多數週六要回校集體綵排,到差不多演出前,高年級的團員有時需要練到夜晚七點架!

原帖由 JoshCaleb_Mummy 於 10-11-30 22:10 發表
7:00pm?! 學咩學四個幾鐘呀...唔洗做功課咩...第二日點返學...
保母車方面, 我明白了, 謝謝你! 咁我唯有打消呢個念頭啦.

作者: JoshCaleb_Mummy 時間: 10-12-2 13:21

咁等緊上樂器班嘅時候, 小朋友做咩架? 做功課? 喺邊度做? 有冇老師睇住? 還是要家長接走, 再送返嚟學? 如果係...我真係好有難度...

同埋, 我個仔其實有喺出面學樂器, 係咪唔一定上學校嗰啲?
但係樂團同埋Choir就當然唔想錯過...

請問確實時間係幾點? (我諗明年大概和今年一樣吧...) 同埋請問係咪一年班

都會有份? 因為我個仔星期五下午同埋星期六都有學緊嘢, 如果可以早啲知道時間, 咁就可以同佢安排下睇下有冇撞時間.
唔好意思

...太多問題...唔該哂咁多位家長!

原帖由 胡士扥 於 10-12-1 10:02 發表
如果係校內學習樂器,多數會在星期五2pm後開始上堂(一對一/一對二形式),因音樂室有限需要輪候上堂,所以下課時間未必一樣;另學校非常注重音樂活動(如管弦樂團&詩歌樂隊),有時週五多數週六要回校集體綵排,到差不多演出 ...

作者: 胡士扥 時間: 10-12-2 14:44

我囡囡係出面學樂器架,以我所知,如校內習樂的小一生將會被安排最早的時段上課,俾佢地可以早d放學!係呀,妳可以繼續跟番私人導師,十月提交導師資料及聯絡就可以.

學校有高弦/低弦及管樂隊,二年級開始由老師挑選加入樂團;至於挑選詩班成員, 老師會係七月即小一新生日個別跟學生進行試音,開學後個別發通告通知家長,現在每星期練習四日,逢星期一至星期三2pm放學練歌(因2:00-2:40pm係導修課即班主住堂可以做功課), 練到2:40pm跟大隊放學.

星期六低詩班返8:30-10:30, 高詩班接著10:30-12:30,學校評估週時所有活動/練習都會暫停,留意長假期如聖誕節/復活節也要回校練習.

音樂組所有活動如請事假都要事前書面申請,病假補交病假紙.另學校的課外興趣學習班多數安排係星期六早上,如入咗詩班巳無時間參加喇,所以週六早上都會幾忙架!

原帖由 JoshCaleb_Mummy 於 10-12-2 13:21 發表
咁等緊上樂器班嘅時候, 小朋友做咩架? 做功課? 喺邊度做? 有冇老師睇住? 還是要家長接走, 再送返嚟學? 如果係...我真係好有難度...
同埋, 我個仔其實有喺出面學樂器, 係咪唔一定上學校嗰啲?
但係 ...

作者: JoshCaleb_Mummy 時間: 10-12-3 09:19

唔該哂你呀! 資料好有用呀! 因為我個仔星期六11:30學嘢, 咁我而家知道冇同低年班Choir撞時間, 即係唔洗幫佢安排轉班住喇. 真係唔該哂呀!

另外, 我想問下, 係咪得弦樂團同埋管樂團? 因為我個仔學緊敲擊, 想問下有冇敲擊樂團/樂隊之類? 同埋大型嘅管弦樂團我諗應該有嘅, 但係咪應該係高年班先有份玩?

原帖由 胡士扥 於 10-12-2 14:44 發表
我囡囡係出面學樂器架,以我所知,如校內習樂的小一生將會被安排最早的時段上課,俾佢地可以早d放學!係呀,妳可以繼續跟番私人導師,十月提交導師資料及聯絡就可以.

學校有高弦/低弦及管樂隊,二年級開始由老師挑選加入樂 ...

作者: 胡士扥 時間: 10-12-3 09:46

嘻~咁又唔駛咁早安排轉班,下年至升小學呢

敲擊樂都算係課外習樂一部份,不過學校只安排二年級以上的學生報讀,暫時唔侵小一生玩;另音樂組也有節奏樂隊,但詳情我唔太清楚啊.

音樂老師話只要俾心機練習樂器, 二年級巳有機會入樂團/樂隊,妳囝囝巳經習樂第時一定好快入到團隊嘅!

原帖由 JoshCaleb_Mummy 於 10-12-3 09:19 發表
唔該哂你呀! 資料好有用呀! 因為我個仔星期六11:30學嘢, 咁我而家知道冇同低年班Choir撞時間, 即係唔洗幫佢安排轉班住喇. 真係唔該哂呀!
另外, 我想問下, 係咪得弦樂團同埋管樂團? 因為我個仔學緊敲擊 ...

作者: JoshCaleb_Mummy 時間: 10-12-3 10:01

Ha ha...你有所不知喇...我阿仔學嘢嗰度上次轉班wait咗大半年呀...我諗緊如果阿仔第日有幸入到choir, 佢學嘢嗰度又轉唔到班, 咁就唔知點算喇...不過有你嘅資料, 知道冇撞時間, 我就唔洗擔心喇!

唔該哂呀! 咁關於節奏樂隊嘅事, 我明年再問老師啦!

原帖由 胡士扥 於 10-12-3 09:46 發表
嘻~咁又唔駛咁早安排轉班,下年至升小學呢

敲擊樂都算係課外習樂一部份,不過學校只安排二年級以上的學生報讀,暫時唔侵小一生玩;另音樂組也有節奏樂隊,但詳情我唔太清楚啊.

音樂老師話只要俾心機練習樂器 ...

歡迎光臨教育王國 (/)