小二生 - 測驗作弊

頭痛媽

亞囝測驗前, 學校會同佢地温書, 佢就寫了d生字在張紙, 跟手放了張紙入佢的筆盒, 測驗前老師巳經吩咐小朋友收晒所以紙張, 在途中, 其實亞囝巳經差唔多做晒份卷, 佢話要換筆, 比老師睇到佢筆盒入面有張紙, 寫了些常識科的生字, 老師立刻收起佢的筆盒

亞囝的解釋是佢忘記掉張紙, 老師話巳經講了好多次要收晒d紙入書包, 佢又唔係小一生, 好清楚要點做, 亞囝解釋話記掉, 但佢可以張張紙放入書包架, 而唔係筆盒, 佢死話佢冇睇過, 只係忘記掉

份卷應該都係冇晒分架拿, 而家係擔心佢lee個行為, 小二巳經咁唔誠實, 又反叛教又唔聽, 真係唔知可以做咩 一日到黑, 自己好似傻婆咁, 叫佢又懶理你, 話佢又話你成日罵佢!

LILY媽咪

即係妳都覺囝囝係出貓, 唔係誤會, 咁老師有無見家長妳.

這件事中, 他知道錯或驚嗎, 成績唔好, 自己要努力.

頭痛媽

即時CALL來呀, 囝即時見完校長, 我話佢好反叛, 想在社工度開個FILE, 佢冇哭晒過, 老師話佢表現係好唔開心, 返來都唔敢同我講張紙件事, 只係話佢換筆比老師收了個筆袋...唉, 都唔知驚, 好大膽

原帖由 LILY媽咪 於 10-11-5 15:03 發表
即係妳都覺囝囝係出貓, 唔係誤會, 咁老師有無見家長妳.

這件事中, 他知道錯或驚嗎, 成績唔好, 自己要努力.

chan803

原帖由 頭痛媽 於 10-11-5 14:46 發表
亞囝測驗前, 學校會同佢地温書, 佢就寫了d生字在張紙, 跟手放了張紙入佢的筆盒, 測驗前老師巳經吩咐小朋友收晒所以紙張, 在途中, 其實亞囝巳經差唔多做晒份卷, 佢話要換筆, 比老師睇到佢筆盒入面有張紙, 寫了些常識 ...

連你身為佢媽媽都唔信佢係無心之心?

唔通你覺得一個普通小二學生就唔會犯呢 d 錯 (放咗張字落筆袋)?

Laputa

原帖由 頭痛媽 於 10-11-5 15:22 發表
即時CALL來呀, 囝即時見完校長, 我話佢好反叛, 想在社工度開個FILE, 佢冇哭晒過, 老師話佢表現係好唔開心, 返來都唔敢同我講張紙件事, 只係話佢換筆比老師收了個筆袋...唉, 都唔知驚, 好大膽

...

其實佢知驚,怕俾你SCOLD,所以先至會唔敢同你講,呢D係自然反應, 自己對老闆都會避重就輕LA.
小二試過,無論今次係有心定無意, 都係一個教訓.總好過大咗先試

brian61950

同意x2,錯既野早好過遲,另驚先再講多個大話。
出貓都有好既一面,他也緊張成績或唔輸得先會如此.
在我的年代,人人也出貓,唔係話啱,但小事來姐·
反叛難攪d,慢慢來吧!

原帖由 Laputa 於 10-11-5 19:09 發表

其實佢知驚,怕俾你SCOLD,所以先至會唔敢同你講,呢D係自然反應, 自己對老闆都會避重就輕LA.
小二試過,無論今次係有心定無意, 都係一個教訓.總好過大咗先試 ...

SEI

As parents, it depends on you can trust your kid or not, we cannot help you to judge it, sometimes, kids are unhappy, they do not know how to talk to parents or could not trust parents, then, they will do something wrong to attract the attention of parents or other people, be more patient to jump in the world of your kid.

alice44

無論有定無都要教訓佢, 除了佢自己, 根本無人知道佢係有心定無意. 因為老師已經叫佢地收好所有紙張, 佢都唔醒起.
有一件事好可疑, 點會話要換筆先知道有張生字嘅紙, 開始考試時唔係會開筆袋攞筆, 咁點解嗰時唔發覺, 而換筆時會比老師發現呢!
我阿仔小二的時候有一個同學在英文考試時出貓, 最後取消英文科成績及要記小過.

ppsfung

唔好心痛,你當比個仔買個教訓,有d教訓細個受好過大個咗先受...至少依家年紀仲細,第日都仲可以話佢傻吓傻吓唔小心....但係到咗再大個d,什至在公開考試,後果更嚴重!

無論點樣,你仔仔都應該要負責,如果佢係有心,佢當然係要為佢的不當行為承擔後果....就算佢無意,佢都應為佢的大意而引起誤會受一次教訓....希望佢經過今次以後會更清楚咩可以做,咩唔可以...仲有要點樣保護自己....

既然你個你都咁唔開心,你唔好再話佢或者怪佢喇...因為學校已經處理咗件事,佢已得到應得的教訓.....

btw,聽你語氣你似乎覺得你個仔係有心...不過我覺得你個仔應該幾聰明...你要好好引導佢把才智用在適當的地方呀!!!

原帖由 alice44 於 10-11-8 16:27 發表
無論有定無都要教訓佢, 除了佢自己, 根本無人知道佢係有心定無意. 因為老師已經叫佢地收好所有紙張, 佢都唔醒起.
有一件事好可疑, 點會話要換筆先知道有張生字嘅紙, 開始考試時唔係會開筆袋攞筆, 咁點解嗰時唔發覺,  ...

Fion_Chan

其實點解先就懷疑是阿仔有心出貓呢？他才小二，應該對"出貓"呀、作弊呀概念模糊；與其責怪他，不如把重點放在提點他考試測驗前把筆盒的紙仔都拿出來，避免惹起誤會，......向前看總比執著已發生的好。個人覺得少在他面前提著"出貓"呀、作弊呀好......

頭痛媽

我同囝講都話信佢係冇心, 都係同佢講你咁做會令人誤會, 我其實早一日同佢温書, 又同佢黙好多生字, 佢係識90%, 所以我諗唔明佢點解咁做, 可能係無心亦未定, 佢亦表逹得唔清楚, 可能永遠係個迷

不過佢其實好細個都係古或的, 幼稚園黙書, 老師同佢講左唔好睇人寫咩, 佢就同我講, 我本來唔識, 睇返旁邊的小朋友識返拿, 我講咁唔啱, 佢以後有冇再做我唔知啦, 咁我咪當佢冇再做囉, 佢亦有唔少講大話比我地足到的例子, 都唔明, 在那裏學返來...., 佢亦唔怕大人, 佢是諗到又會夠膽的人

原帖由 Fion_Chan 於 10-11-9 01:36 發表
其實點解先就懷疑是阿仔有心出貓呢？他才小二，應該對"出貓"呀、作弊呀概念模糊；與其責怪他，不如把重點放在提點他考試測驗前把筆盒的紙仔都拿出來，避免惹起誤會，......向前看總比執著已發生的好。個人覺得少在他面前提著"出 ...

IRON

其實一開頭睇, 我都覺得樓主點解都認為阿仔有心咁做, 小二生而已.......不過, 最後睇樓主打既, 明白媽咪係最清楚自己小朋友既人, 既然小朋友係聰明醒目既, 真係好驚佢會行錯路, 媽咪真係要落多d心機去引導.

add oil~~

dickyyim

我女 P.2 時都試過唔記得收起張紙而只放在筆袋(唔知點解佢地好鍾意放紙/通告/收條在筆袋?!), 佢好彩d, 完成晒份卷時收筆打開筆袋先俾老師見到(佢坐第1個位), 即時俾老師收咗張紙及份卷; 老師叫佢回家同我地講這件事。
佢好驚, 一下校巴就用'姐姐'部手電打俾我; 我當時都好震驚怕佢操行扣分, 但聽完後, 我話 '爸爸信你無咁做, 但你以後都唔好再放紙條在筆袋, 考試默書要溫就最多早上食早餐時睇多一睇, 出門口前要拋晒, ok? 你會寫手冊告知老師我們知悉此事, 但你明天要俾老師睇及向她道歉。' 最終學校並無進一步行動, 此事就不了了之, 我女名次每次都有進步.

我自己細時都玩, 成日俾老師罰, 但家長的信任其實對小朋友學好學壞有一定影響。老套d講 '你都唔信我, 信晒人地, 我做咪咁乖!' 其實佢地的表現無非是想家長老師多關心留意自己。

原帖由 頭痛媽 於 10-11-5 14:46 發表
亞囝測驗前, 學校會同佢地温書, 佢就寫了d生字在張紙, 跟手放了張紙入佢的筆盒, 測驗前老師巳經吩咐小朋友收晒所以紙張, 在途中, 其實亞囝巳經差唔多做晒份卷, 佢話要換筆, 比老師睇到佢筆盒入面有張紙, 寫了些常識 ...

Yanamami

其實我覺得出貓是故意/一時疏忽是一回事, 但背後原因又是另一回事.

是他沒信心測考, 還是怕考得不夠好, 給媽媽罵?  是他覺得只是一張紙仔(挑戰規則)o者, 無乜所謂, 還是他
想不勞而獲?  或是其他原因?

幼稚園已有偷睇, 媽媽只說這是不對, 又沒解釋有甚麼不對, 他真的明白嗎?  是誠實的問題, 一個人不誠實, 再叻也沒用.  上學是要學知識, 測考是要知道你識了多少, 你學不識, 出貓考了個高分也沒用. 將心比己, 若你很努力學習, 其他同學靠出貓比你高分, 你認為公平嗎?  世事沒有不勞而獲, 誠信是十分重要, 瓜田李下這些道理, 無論孩子是有心/無意出貓, 也是應該趁此機會解釋清楚.

原帖由 頭痛媽 於 10-11-9 10:09 發表
我同囝講都話信佢係冇心, 都係同佢講你咁做會令人誤會, 我其實早一日同佢温書, 又同佢黙好多生字, 佢係識90%, 所以我諗唔明佢點解咁做, 可能係無心亦未定, 佢亦表逹得唔清楚, 可能永遠係個迷

不過佢其實好細個都係 ...